Sassy 4

HENDRIX'S POV

Maingat kong pinahiga ang walang-malay na si Hiraya sa ibabaw ng kama ko. Napailing na lang ako nang mapatitig ako sa kabuuan niya. Ang kaninang maingay, reklamador, at maarteng babae ay ngayon ay nakapikit na.

"Diyos ko kang bata ka!" asik ni Manang habang nagkukumahog na inayos ang nagusot kong kumot para itakip sa katawan ni Hiraya. Pagkatapos ay pinandilatan niya ako ng mata. "Ano ba kasing gusto mong mangyari at naisip mong pagtripan ang mapapangasawa mo?! Tingnan mo at hinimatay sa gulat!"

"Hindi ko siya mapapangasawa, Manang," malamig kong pagtatama, sabay kuha ng robe ko sa gilid para suotin iyon.

"Eh ano palang tawag sa inyo? Nangako ang papa mo sa papa niya na kayo ang magkakatuluyan! May kasunduan na!" bulyaw ng matanda. "Tapos ngayon, babastusin mo 'yung bata?! Kung nakikita ka lang ng Daddy mo, sigurado akong binalian ka na niya ng buto!”

Isang malalim na buntong-hininga ang pinakawalan ko bago ko isinara ang sinturon ng robe ko. 

"Exactly. Isang kasunduan na ginawa nang wala man lang akong kaalam-alam. At wala akong balak tuparin 'yon," seryoso kong sabi. "Kaya nga pinapunta ko siya rito, Manang. Hindi para maging asawa ko, kundi para patunayan na ang piniling babae nina Daddy para sa akin ay walang kwenta, spoiled brat, maluho, at pabigat lang."

Nag-iwas saglit ako ng tingin para pagmasdan lalo ang mukha ni Hiraya. Kahit nakapikit, halata ang pagka-pino ng kaniyang balat. Mahaba ang pilikmata niya, at hindi ko maitatanggi na mayroon talaga siyang kakaibang ganda. Ganda na ginagamit niya para makakuha ng atensyon. Ganda na naging dahilan para masira ang sarili niyang pangalan. 

Isang top model na nasangkot sa pag-akit umano ng direktor para lang makuha ang pinakamalaking endorsement deal sa bansa. Kalat na kalat ang balitang 'yon, at dahil doon, lalo akong nadismaya nang malaman kong siya ang babaeng nakatakdang iharap ko sa altar.

Hindi ko kailangan ng asawang uhaw sa pera at atensyon. Ang kailangan ko ay kapayapaan para patakbuhin ang kumpanya ko nang maayos.

"Wala rin siyang alam sa kasunduan, Hendrix,” malumanay ngunit may pagdidiin na paalala ni Manang. "Ang akala niya ay kaya siya narito para hindi mawala sa kaniya ang iniwan sa kaniyang ari-arian ng magulang niya.”

"And let's keep it that way," tipid kong sagot. "Habang nandito siya, dapat lang niyang maranasan kung paano maging isang alipin. Kapag sumuko siya at nagmakaawa na gusto na niyang umalis, then good. Meaning, she failed. And that would be enough reason for me to legally void the marriage contract without completely ruining my father's reputation. Gusto ko, siya mismo ang sumuko."

"Pero bakit kailangan mo pang takutin ng gano'n ang bata?" tukoy niya sa paghuhubad ko ng pantalon kanina. 

Kusa akong napangisi nang maalala ko ang itsura niya kanina. The great Hiraya Shane Morana, who supposedly seduced a high-profile director, fainted just by seeing a man in boxer briefs?

And she even thought 'blow job' meant blowing dust with her mouth!

"I was just testing the waters, Manang," sagot ko, hindi maalis ang tingin sa namumutla niyang mukha. "Gusto kong makita kung hanggang saan ang kaya niyang gawin para lang sa kayamanang hindi naman niya pinaghirapan. I just gave her a sneak peek of the reality she’s trying to play with.”

Dinig ko ang malalim na pagbuga ng hangin ni Manang, indikasyon na hindi siya pabor sa plano ko pero wala rin naman siyang magagawa. "Ikaw ang bahala, Hendrix. Sana lang talaga ay hindi mo ito pagsisisihan sa huli. Katulad mo, ulila na rin ang batang 'yan. Wala na siyang ibang masasandalan ngayon."

"I don't care about her feelings," patag kong sagot. "I care about breaking her spirit so she’ll leave me alone."

Walang imik na lumabas si Manang sa kwarto ko. Nang kami na lang dalawa ni Hiraya, dahan-dahan akong lumapit sa gilid ng higaan. Tinitigan ko muna ang buong anyo niya. Suot pa rin niya ang kaniyang designer silk robe. Ang mga kuko niya ay kulay pink at perpekto ang pagkakaayos. She looks like a fragile, expensive porcelain doll that belongs in a display case, not in my world.

Kinuha ko ang isang baso ng malamig na tubig mula sa bedside table. Tiningnan ko siya sa huling pagkakataon, iniisip kung tama ba ang gagawin ko. Pero sa huli ay tinuloy ko pa rin ang plano ko.  

Walang pag-aalinlangan, ibinuhos ko ang buong laman ng baso sa mismong mukha niya.

“What the—" she gasped.

Agad siyang napabalikwas ng bangon, gulat na gulat habang habol ang kaniyang hininga. Ang kaniyang buhok ay nabasa na, lalo na ang kaniyang pisngi at leeg. 

"What the hell did you do that for?!" tili niya. "You completely ruined my face, you monster!"

"My house. My rules. At sa bahay ko na ito, hindi dapat natutulog ang mga katulong habang gising pa ang amo nila," malamig kong wika, inilapag ang walang-laman na baso sa mesa. 

"Hinimatay ako! Muntik na akong mamatay sa gulat sa... sa..." Hindi niya naituloy ang sasabihin dahil biglang namula ang pisngi niya nang mapatingin siya sa ibaba ko. "You m-mānyak!"

"Get up, Miss Morana," utos ko, binalewala ang pag-iinarte niya. "Gusto mong malaman ang ibig sabihin ng blow job, ‘di ba?"

Nanigas siya sa pagkakaupo, tila nakakita ng multo sa paraan ng pagkakatameme niya sa akin. Tinalikuran ko na siya at nagtungo na ako sa pintuan ng kuwarto ko.

"Sumunod ka sa’kin sa opisina," dugtong ko na hindi siya nililingon ng buo. "We have a lot of dust that needs blowing tonight…"