Get closer

Pinapunta s'ya ng Don sa opisina nito dahil nais umano nito na s'ya mismo ang mag-present sa kanya ng naturang project. Umaga pa lang ay papunta na s'ya. Nagtaka si Mando dahil mas maaga ito sa nakasanayan n'ya.

"Mukhang maganda ang umaga natin," puna nito.

Pangiti-ngiti kasi s'ya habang pinapasadahan ng tingin ang kanilang nadaanan.

"I'm happy. Kumusta naman ang naging bakasyon mo kasama ang mga anak mo?" usisa n'ya nang naalala n'ya ang naging lakad nito.

"Masaya. Salamat sa inyo! Hindi ko akalain na matatangap pa din nila ako sa kabila ng lahat," saad ng kaibigan.

"Bukas na ang kanilang isipan at mahal ka talaga nila," komento n'ya sa naging karanasan ng kaibigan.

"Ano nga pala ang mayroon at pupunta tayo sa teritoryo ng kalaban?" usisa nito.

"My business deal sa akin si Don Mondragon. Nais ko makita ito sa personal," paliwanag n'ya.

Nakaangat ang kilay nito sa narinig.

"Bakit parang nagtaka ka?" tanong n'ya.

"Ang walang alam sa katotohanan ay sadyang hindi magtaka," pasaring na s