Ang Muling Pagbabalik

Six Years later.

Isa-isang bumabalik sa isipan ni Amaris ang mga ala-ala na akala niya ay naibaon na niya sa limot. Nang makababa siya ng tren ay kaagad siyang sinalubong ng mga pamanuring tingin ng mga tao. Sa simpleng puting kamiseta at kupas na pantalon ay litaw na litaw pa rin ang kagandahan nito. At ang mas nakakaagaw pansin pa rito ay ang tatlong batang lalaki na kasama niya. Malulusog ang mga ito, mapuputi at makikinis ang mga balat. At higit sa lahat ay sa kabila ng suot na facemask ng mga ito ay litaw pa rin ang angking kagwapuhan ng mga paslit.

Hindi naman na pinansin pa ni Amaris ang mga tingin ng mga tao sa paligid nila. Sa dami nang hirap ang kanyang naranasan ay balewala na lamang sa kanya ang mga mapanuring tingin ng mga ito. Kung sana ay natuloy lamang siya sa pag-a-abroad ay hindi na sana siya babalik pa sa lugar na iyon. Nang magpa-medical kasi siya ay nalaman niyang buntis siya. At dahil hinihingi ng agency ang resulta ng medical ay hindi siya nakalusot. Hindi raw pwedeng magtrabaho abroad ang buntis. Kaya naman, no choice siya kun'di ang bumalik at makituloy muna sa bahay ng kaibigan niya. Pero nang makapasa si Gia at natanggap sa Japan ay pinaalis na siya nito sa roon. Uuwi raw kasi ang mga magulang nito upang doon manirahan habang nasa ibang bansa ito. Sinubukan naman niya na bumalik sa bahay nila at makiusap sa ama at stepmother niya. Pero pinalayas siya ng mga ito at pinutol pa ang anumang koneksyon namamagitan sa kanila.

"Mommy, I need to pee," boses ng anak na nagpabalik sa kanya sa reyalidad.

Ilang beses siyang napakurap tsaka niya nilingon ang bunsong anak na lalaki. Nakahawak na ito sa pundiyo ng suot nitong pantalon na para bang any moment ay maiihi na ito.

Napatango naman siya. "Okay. Let's go sa banyo." Then she turned to the other two. "Sasama ba kayong dalawa?"

"No!" Sabay na anas ng dalawa habang umiiling pa.

Hinawakan naman niya ang maliit na kamay ng anak. "Dito muna kayo, okay? Behave lang kayo. Sasamahan ko lang si Silas sa banyo."

Sabay na tumango naman ang dalawa sa kanya bilang tugon. Pagkatapos ay magkahawak kamay na nga silang dalawa na nagpunta sa pinakamalapit na banyo. Pagdating naman nila roon ay bahagyang yumukod si Amaris upang pantayan ang anak.

"You go to the men's bathroom while Mommy will go in the women's bathroom. Kapag tapos ka na, wait mo ako here sa labas, okay?" aniya.

Tumango naman ang anak. "Okay."

Naghiwalay na nga silang dalawa. Pumasok si Amaris sa banyo na para sa mga babae samantalang sa kabila naman si Silas. Pagkatapos naman umihi ng paslit ay mabait nga itong naghintay sa may labas katulad nang bilin ng ina.

Sa kanilang tatlong magkakapatid ay ito ang pinakamabait. Pero ito rin ang pinaka-maramdamin. Mabilis itong umiyak at hindi rin masyadong aktibo, 'di gaya ng dalawa na sina Nevan at Kyrelle.

"Tabi! Tumabi ang lahat! Alis!"

Napasandal si Silas sa may pader nang biglang may dumating na mga lalaking nakaitim. Hinahawi nito ang mga tao na nakaharang sa daan at sa gitna ng mga ito ay may isang babae na may pulang lipstick at dress.

"Sa susunod ay h'wag ka nang tumanggap ng project na ang location ay deep in the mountain, ahh. Sa biyahe pa lang ay pagod na pagod na ako. Why can't we just use a plane to go there? Pinasakay nyo pa talaga ako sa train na masikip at punung-puno ng mga hampaslupa!" nangagalaiti na angil nito.

Napapayuko naman ang isang lalaki na pilit na humahabol dito. "Sorry. Hindi na po mauulit."

"Hindi na talaga!" sigaw ng babae.

Sa dami nang mga bodyguard nito ay hindi na napansin ng mga ito ang maliit na bata sa may gilid. Dahil sa malalaking bulto ng katawan ng mga ito at sa pagmamadali ay nasagi nila si Silas. Napaupo ito sa sahig and any moment ay maiiyak na.

"Kaninong anak ito? Bakit may bata dito na pakalatkalat ?!" sigaw ng babae.

Mas natakot pa ang bata nang makita nito ang masamang tingin sa kanya ng babae at mapalibutan siya ng mga lalaki na may mga malalaking katawan.

"Bingi ka ba? Sinabi ko nang umalis ka, hindi, ba? Ano pang hinihintay mo dyan?!" bulalas nito.

Tumulo na ang mga luha ni Silas dahil sa takot. Pero pinipilit pa rin nito na hindi gumawa ng ingay. Wala naman kaalam-alam sa nangyayari si Amaris na hindi pa rin lumalabas sa banyo hanggang ngayon.

"Ano bang problema ng batang ito?! Bakit ba hindi ka pa tumatayo dyan para umalis?" singhal pa nito.

Siya si Nova Noreen Granado, isa sa mga sikat na celebrity. Pero kahit na masama ang ugali nito ay wala ni-isa na sumubok na magpatalsik dito. Bukod sa kilala ang pamilya nito sa larangan ng business at media ay marami rin itong kapit sa mga makapangyarihan na tao sa industriya.

Bakas sa mukha ni Nova ang galit lalo pa nang tila may naalala siya nang mapagmasdan ang paslit. Dahil sa matinding inis ay sinipa niya ang bata gamit ang dulo ng suot nitong heels. Sa ginawa naman na iyon ng babae ay tuluyan nang napaiyak si Silas.

"Mommy! Kuya!" atungal nito.

Dahil malapit lang naman ang kinaroroonan ng mga kapatid ay kaagad na pinuntahan nina Nevan at Kyrelle ang bunso.

"Bakit? Sino ang may gawa nyan sayo?" anas ni Kyrelle.

Tumuro naman sa kanang direksyon si Silas. "T-That Auntie...S-She hurt me."

"No one messes with my brother! Wait here. I will make her pay!" sigaw nito tsaka tumakbo na palayo para sundan ang babae.

Si Nevan naman na siyang pinakamatanda sa tatlo ay mas kalmado kaysa kay Kyrelle. Niyakap niya si Silas tsaka tinuyo ng mga kamay ang mga luha nito.

"Where did it hurt?" tanong niya.

Tinuro naman ng kapatid ang may puwitan nito at ang likod na bahagi ng kaliwang binti nito. Tiningnan naman iyon ni Nevan at laking gulat na makita ang pulang marka sa balat nito.

"I will blow it for you, okay? Para hindi na sumakit," pag-aalo niya sa kapatid.

Tumango naman sa kanya si Silas bilang tugon. Kahit pa si Nevan ang pinaka-disiplinado sa magkakapatid ay hindi rin nito kayang makita na nasasaktan ang isa sa mga ito. Kung kanina ay gusto pa nitong sundan si Kyrelle para awatin, nagbago iyon nang makita ang pasa sa may binti ni Silas.

"I want to help him make that ugly lady pay," sambit nito habang nakatanaw sa direksyon na tinuro ng kapatid kanina.

"Mommy will be mad. She told us to behave. I'm sorry. This is my fault," mahinang anas naman nang nakababatang kapatid.

Kaagad naman na niyakap ni Nevan si Silas upang i-comfort ito. "No, it's not. It's that ugly lady's fault."