Chapter Thirty Two

Luna's Pov

"Sino ang nagsabi saiyong ideklara mo ang relasyon namin ni Laura?" Dumagundong sa apat na sulok ng aking banyo ang kanyang galit na galit na boses.

Nangahas siyang pumasok sa banyo ko para lang itanong saakin iyan? E kung inuna muna kaya nitong gamutin ang sugat sa gilid ng bibig nito?

"Pwede bang mamaya na natin pag-usapan iyan? Lumabas ka muna at hayaan akong makapagpalit."

Naconscious ako ng hindi man lang ito kumurap habang nakatingin saakin. Nakakatakot ang kanyang itsura. Mabibigat ang kanyang mga paghinga. Ang kanyang panga ay nangangalit pero sinalubong ko parin ang kanyang mga nagbabagang tingin. Lumakas ang tibok ng puso ko nang bumaba ang kanyang mga mata patungo sa katawan ko pero agad din siyang nag-iwas ng tingin.

Lumunok ito at muling ibinalik ang tingin saakin. "No! Mag-usap na tayo ngayon din." Matigas niyang sagot.

Pinangunutan ko siya ng nuo. Paano kami makakapag-usap ng matino nang hindi ako ma-aasiwa? Wala kaya akong suot na kahit na ano sa ilalim ng t