Kabanata 3: Mangga

Nagsibaba na sila sa jeep ng makarating ng pantalan. Bago bumili ng ticket nila kinausap nya muna si Kuya Lito.

"Kuya ito po ang paunang bayad ko sa arkila, sa pagbalik na lang po ang buo", sabi nya dito habang iniabot ang pera.

" Salamat day, kailan ko ba kayo sunduin dito", balik tanong nito sa kanya.

"Tatlong araw kami doon, so itetext o tatawagan na lang po kita kuya kung magpapasundo na kami", hindi kasi sya sigurado kung uuwi sila agad pagkagaling nila ng resort o magstay pa sila sa bahay ng kapatid nyang nakatira doon sa lungsod.

"Sige day, enjoy kayo sa bakasyon nyo at ingat na din", pagsang-ayon nito sa kanya at pagpapaalala.

" Salamat po kuya", ngumiti sya dito. nagpasalamat sya sa pagpapakita nito ng concern sa kanila. "Ingat din po".Pinaandar na nito ang sasakyan at bumalik na sa pinanggalingan nila.

Lumapit sya sa mga kasama at sinabihan ang sister-in-law nya na ito na muna ang bibili ng ticket nila dahil may tatawagan pa sya.

" Le, ikaw na muna bumili ng ticket natin, tatawagan ko pa si Ivy", pakikisuyo nya dito at iniabot ang perang pambili ng ticket.

"Opo te", sumunod agad ito sa utos nya, kinuha ang pera sa kamay nya at pumunta sa ticketing outlet.

Samantala inaya naman ni Aling Minda ang mga kasama na pumunta sa logging area. Kailangan nila kasi mag-login sa log book para incase may emergency sa kanilang byahe may details ng mga pasahero ang mga coastguard na makukuha. Compulsory talaga iyon.

Kinuha naman ni Matet ang kanyang selpon sa bag at i-dinial ang numero ng kaibigan, si Ivy. Nakilala nya lang ito online pero naging close sila. Sya kasi palagi ang takbuhan nito sa tuwing may problema ito sa boyfriend nito. Kahit minsan naiirita sya dito dahil panay iyak sa kanya kapag nag-away sila ng bf nito pero hindi naman nito pinakikinggan ang payo nya.Kaya hinayaan nya na lang.

Ito ang nagrekomenda sa kanya sa resort na pupuntahan nila. At nagpresenta din ito na sila na din ang hahatid sa kanila sa resort. May van daw ang pinsan nito na pwede nilang sakyan papuntang resort.

"Hello", hindi pa sya nakapagsalita ay nagbunganga na ito sa kanya.

" Asan na ba kayo?, kanina pa kami dito nag-aantay ni Marvin, akala ko bukas pa kayo darating!", sunod-sunod nito na litanya sa kanya.

"Kalma muna vy", sabi nya dito habang natatawa dahil sa pagtataray nito. " Dito na kami sa pantalan, papaluwas na kami jan, medjo nadelayed lang po ng kaunti", malumanay na sabi nya sa kaibigan.

"Tsskk, sabi mo aagahan nyo pa tapos pinaghintay mo kami dito ng matagal, halos isang oras na kami dito", panunumbat nito.

" Huwag na po magalit, sige ka hindi kita dadalhan ng mangga jan", paglalambing nya dito.

"Talaga! may mangga kang pasalubong sa akin?, nag-iba na ang tono nito, at alam nyang natuwa ito.

" Oo naman, ikaw pa ba, malakas ka sa akin", pagbibiro nya. "Sige na aakyat na kami sa pumpboat", pagtatapos nya sa usapan.

Pagkatapos ng usapan nila ay agad sya pumasok sa pasalubong center na nandun. Bumili sya ng tatlong kilo ng hinog na mangga. Kilala ang lugar nila na may pinakamatamis na mangga sa bansa. At pang-export quality talaga ang mangga nila doon. Ng mabayadan ang mangga at iniabot ng tindera sa kanya ang binili nya ay agad syang sumakay ng pumpboat, nauna na ang kanyang mga kasama doon. Punuan na yon ng umakyat sya. Dalawang linya ng bangko ang inupuan nilang magpamilya. Pano ba naman siyam lang naman sila.

"Ito talagang kaibigan ko, ang kupad!", pagsusumbong ni Ivy sa pinsan ng matapos ang pag-uusap nila ng kaibigan.

" Naku, nagsalita ang hindi makupad", pang-asar sa kanya ng pinsan.

"Ba't bumalik sa akin?! ", tumawa sya sa sinabi ng pinsan. Pero totoo naman yung sinabi nito.

" Reklamo ka jan eh, magkatulad lang ata kayo", tumawa na din ito.

"Oo na insan", saway nya dito para matigil ito sa pang-aasar sa kanya. "Bibili ako ng makakain habang inaantay natin sila, anu gusto mo bibilhin ko para sa sayo? "pag-iiba nya ng usapan.

" Dalawang stick ng sigarilyo lang, ok na ako dun".

"Oh, sya saglit lang", tumalikod agad sya sa pinsan para pumunta sa store na andoon.

Pagbalik nya, tinitingnan nya ng mabuti lahat ng dumadaong na pumpboat baka nakadaong na ang sinakyan ng kaibigan. Hindi nga sya nagkamali dahil nakita nya na ito na papalapit sa kanila at kumakaway pa.

"Anjan na pala ang bruha insan", sabi nya ng makalapit na sya ng tuluyan sa pinsan.

Napatingin naman ito sa direksyon kung saan sya nakatingin. " Makabruha ka wagas ah! parang mas bruha ka sa kanya tingnan ", pambabara na naman nito sa sinabi nya. Kahit kailan talaga hindi ito kampi sa kanya. Pero alam nya namang nagbibiro lang ito.

Papadaong na ang pumpboat na sinasakyan nila kaya sinuyod ng mga mata nya ang kaibigan sa mga taong nakatambay sa daungan. Nakita nya ito na lumalakad papalapit sa isang lalaki na nakatayo malapit sa pantalan.

"Bilisan nyo, andoon na sina Ivy oh",sabi nya sa mga kasama ng tuluyan ng nakadaong ang pumpboat, itinuro pa nya ang kinaroroonan ng kaibigan para mapansin ng mga ito. At tsaka kumaway sya sa kaibigan para makita sila.

Nagmamadali naman ang mga itong bumaba sa pumpboat at sumunod sa kanya. Hawak-hawak nya ang kamay ng anak na lalaki para hindi ito mawala. Hindi pa nga sila nakalapit sa kaibigan ay nakita nyang namamaluktot na ang noo nito.

"Oh, ba't ganyan ang itsura mo?, para kang nakakita ng sampung kaaway", pang-aasar nya dito ng makalapit na sila ng tuluyan.

" Ang tagal nyo kasi! ", pagmamaktol nito.

" Ito oh?!", iniabot nya dito ang plastik ng mangga na binili nya kanina para mawala ang pagtatampo sa kanya.

"Binabayaran mo ako? Don't bribe me ha. Hindi mo ako madadala jan",pagbibiro nito na nakangiti na. At tinanggap ang iniabot nyang plastik ng mangga.

" Di daw tatanggapin!!Pero tinanggap!!",pang-asar nya sa kaibigan. "Nay, si Ivy nga pala, sya ang kinukwento ko sa inyo. ", pagpapakilala nya sa kaibigan nya.

" Iv si nanay, mga pamangkin ko, kapatid ko, sister-in-law at mga anak ko", itinuro nya isa isa ang mga kasama bilang pagpapakilala nya sa kaibigan nya.

" Kumusta day? ", pagbati ni Aling Minda sa kaibigan ng anak sabay lahad ng kamay..

" Ok lang naman po, ito po maganda pa rin? ", pagbibiro nito habang tinanggap ang pakikipagkamay ng ina ng kaibigan. Nagsitawanan naman sila sa simpleng biro nito.

" Talaga lang insan ha, palagi talagang dumadaan si --Pareng Kulas Dayaw", pambabara ulit ng pinsan nya. *Pareng Kulas Dayaw * ang kadalasang tawag ng mga Pilipino sa taong palaging bilib sa sarili.

"Ikaw talaga insan, palagi panira ng trip eh", tinapunan nya ng matalim na tingin ang pinsan dahil hindi nya nagustuhan ang pambabara nito sa kanya.

"Tet, si Marvin pala, ang pinakapangit kong pinsan", pagpapakilala nya sa pinsan na may kasamang pang-aasar.

" Pangit talaga ha, saan ko ba nakuha ang kapangitan ko, di ba sa lahi natin, ibig sabihin pangit ka din! ", lagi talaga itong may baon na pambara sa pinsan na lalo naman itong kinainis ni Ivy. At natawa ito ng mahina ng makita ang reaksyon ng pinsan.

" Hi", bati nito sa kanila para maiba ang ihip ng hangin. Ready na ba kayo?, sila ang tinutukoy nito.

"Aba, syempre Iho", si Aling Minda ang sumagot. "Kanina pa nga excited ang mga ito. Halos hindi na makapaghintay na makarating sa resort".Itinuro pa nito ang mga kasama.

"Kung ganun, halina kayo", aya nito sa kanila at nauna nang tumungo sa van na nakaparada.