Chapter 46 – RESOLVE

HINDI na nagdalawang isip si Eleand na gamitin ang Vanire kasama ni Ezekiel. Madalian niyang pinuntahan ang kinaroroonan ng kanilang ama at ni Erone. Pero may isang Shadow na nasa likod ng dalawa. Mabuti na lang at nakahawak siya sa hita ng kanyang ama bago tuluyang naglaho ang mga ito. Kaya nagkasama sila ni Ezekiel sa paglaho.

Halos hindi makapagsalita si Ezekiel sa labis na pagkagulat nang tumambad sila sa mapunong lugar. Napaluhod pa ito at nasuka kaya inalalayan niya ito.

Sinamantala ng kalaban ang pagiging abala niya sa bunsong kapatid. Mabilis ang kilos ng Shadow dahil hindi niya namalayan na malayo na ang agwat nito sa kanila kasama ang ama at panganay na kapatid.

Napansin niyang naroon sila dinala sa isang kagubatan ng kanilang paglaho. Nasa Erganiv na ba sila? Pero nang makita niya ang isang tree house sa hindi kalayuan ay nakakasiguro siyang wala sila sa mundo ng mga diwata kundi sa kanilang private farm sa Caramoan. Ibig s