Kabanata 78

Kalalabas-labas lang ni Kane sa opisina ni Colton matapos nila na tuluyan na magkaayos na magkaibigan. Sino nga ba ang mag-aakala na pagkatapos ng lahat ng sakit na ibinigay nila sa bawat isa ay mas mananaig ang kanilang pagkakaibigan?

At hindi mapagsidlan ang saya na nararamdaman ng bilyonaryo na si Colton dahil nagiging maayos na ang lahat sa buhay niya. Muli ay kasangga niya ang dalawang matalik na kaibigan niya, sina Miguel at Kane.

Unti-unti na rin na inaayos ni Colton ang patungkol sa relasyon nila ni Atasha. Plano niya na pagkatapos na maipagdiwang ang kaarawan ng kambal ay lilipad sila ng Genova upang mabisita ang ina niya na reyna na kasalukuyan na nakakulong sa mga naging pagkakasala nito. Bukod do'n ay nais na rin niya na pormal na harapin ang mga magulang ni Atasha upang makilala sila at pormal na hilingin ang basbas nila para sa kanilang relasyon.

Nais ni Colton na maging maayos ang lahat sa kanilang pamilya bago siya mag-propose kay Atasha ng kasal na nais niya rin gaw