Kabanata 3

—2 Years Later—

"I told you I don't want to eat soup vegetables!" Sigaw ni Zendaya kasabay ng pagtilapon ng mangkok na naglalaman ng mainit na sabaw at tumama sa kamay ni Cyan.

Mariin siyang napapikit dahil sa hapdi. Nang nagmulat siya ng mga mata ay nakatitig lang sa kanya si Zendaya. No remorse could be seen in her eyes. No apology from her either. Bagkus ay mukhang proud pa ito sa nagawa nito sa kanya.

Two years...

It's been two years since she married Zach pero sa loob ng dalawang taon, walang nagbago sa trato ng mag-ama sa kanya gaya noong una silang magkita. Zendaya still doesn't like her habang si Zach, nanatiling malamig ang trato sa kanya. Pero nanatili siya. Nanatili siya dahil iyon ang kailangan. Kailangan kahit na pagod na pagod na siya.

Sinubukan niyang sumuway noon sa kagustuhan ng kanyang ama pero nang araw ding iyon ay ipinadampot ni Don Sebastian ang kanyang mga magulang para ipakulong. Napag-alaman din niyang bukod sa pera ng Don na naipatalo nito noon, dumagdag pa pala ang utang nito habang kasal si Zach at Chloe noon dahil lulong parin ito sa sugal kaya ganun nalang sila kung gipitin ng lolo ni Zach.

Kung siya lang ang masusunod, hahayaan niyang makulong ang kanyang ama para magtanda! Pero nagmakaawa ang kanyang ina na tulungan sila. Hindi naman siya ganun kasama para talikuran ang mga taong nagbigay buhay sa kanya.

"What happened here?" Malamig na boses ni Zach ang umalingawngaw sa kanyang pandinig.

"It's her fault, Daddy! Pinilit niya akong kumain ng vegetables soup kahit na ayaw ko," sumbong ni Zendaya sa daddy nito.

Hindi siya nagsalita at pinili nalang linisan ang kalat sa sahig pati na ang basag na bowl. Kagagaling lang ni Zendaya sa lagnat nito kaya naman naghanda siya ng masustansyang pagkain para makabawi ng lakas ang bata. Pero hindi na siya nagpaliwanag pa. Hindi niya rin ito pinangaralan sa harapan ni Zach dahil magtatalo lamang sila.

Asawa siya nito sa papel at tumatayong ina ni Zendaya sa nakalipas na dalawang taon but she wasn't treated the way she should be dahil para sa dalawa, wala siyang karapatan sa bahay na iyon. She's nothing but an unwanted substitute.

Nang makabalik siya sa hapag ay nagpakawala ng isang malalim na buntong hininga si Zach bago lumingon sa kanya. "Dalawang taon ka na dito sa bahay and still hindi mo parin alam kung paano alagaan ng tama ang anak ko. Wala ka na talagang ginawang tama sa pamamahay na ito," malamig na turan ng lalaki bago umupo sa hapag.

"I'm sorry," tanging nasabi niya at sinimulan ng pagsilbihan ang dalawa.

Kahit na may katulong sila sa bahay, personal niyang inaasikaso ang dalawa dahil ayon pa kay Zach, iyon ang gawain ni Chloe noong nabubuhay pa ito at dahil siya ang pumalit sa pwesto ng kanyang kapatid, lahat ng gawain nito ay dapat siya rin ang gumawa.

Literal na nagbago ang buhay niya magmula ng magpakasal siya kay Zach. Iniwan niya ang pagmomodelo at naging full-time house wife sa pamilyang hindi ayaw naman sa kanya. Sa tuwing tumitingin siya sa salamin, hindi na niya kilala pa ang sarili niya.

Napapitlag siya nang tumayo na ang mag-ama. Agad niyang inayos ang kanyang sarili bago sumunod sa mga ito pero agad na lumingon sa kanya si Zendaya at pinaningkitan pa siya ng mga mata.

"You're not going with us today. Darating si Tita Laureen at silang dalawa ni Daddy ang maghahatid sakin sa school."

Napalunok siya para mawala ang bikig sa kanyang lalamunan. All those two years that she was married, laging naroon si Laureen sa tabi ng mag-ama. She was her late sister's best friend but now she turned into Zach's mistress.

Hindi paman siya nakakasagot, umalingawngaw na sa buong salas ang malambing na boses ni Laureen habang tinatawag ang pangalan ng kanyang pamangkin.

"Zendaya..."

Agad na nagningning ang mga mata ni Zendaya at patakbong yumakap sa babae. "I miss you Tita Laureen. Did you buy me a pasalubong?"

Matamis namang ngumiti ang babae. "Of course! Ikaw pa ba," anito at ibinigay ang isang paperbag kay Zendaya bago ibinaling ang atensyon kay Zach.

"Hey, I'm sorry kung natagalan ang balik ko?" Malambing nitong sambit at agad na umangkla ang braso ni Zach. Hindi rin nakaligtas kay Cyan ang mapang-uyam nitong tingin nang magawi ang mga mata nito sa kinatatayuan niya.

"It's okay as long as nag-enjoy ka sa bakasyon mo," tugon naman ng kanyang asawa at hinalikan pa sa ulo si Laureen.

Iniwas niya ang kanyang tingin sa dalawa lalo pa't nakaramdam siya ng panghahapdi ng kanyang mga mata. Ang dating pagtingin niya kay Zach noong kabataan niya ay namumbalik nang magkasama na sila sa iisang bahay. Hindi lang pala nanumbalik, mas lumalim pa sa kabila ng lamig ng pakikitungo nito sa kanya.

Halos ayaw nitong mapalapit sa kanya. Kung iwasan siya nito ay para bang may nakakahawa siyang sakit. Dati ay naitanong na niya sa lalaki kung bakit ayaw na ayaw nito sa kanya. Kung tutuusin, wala naman siyang kasalanan dahil hindi naman niya ginusto ang kasalan na naganap sa pagitan nila pero walang naging matinong sagot si Zach mula sa kanya.

"Siguro nextime dapat magkasama na tayong tatlo. Gusto mo ba yun, Zendaya?" Baling ni Laureen sa bata.

Agad na nagliwanag ang mga mata nito. "Of course!"

Kaya gustong-gusto niya si Tita Laureen ay dahil alam nito kung paano siya pasayahin. Ibang-iba silang dalawa ng Tita Cyan niya. She's strict kaya ayaw niya dito. Hindi tulad ng Tita Laureen niya na hinayaan siya kung ano ang nais niyang gawin at ibinibigay ang lahat ng gusto niya just like her mommy.

"Let's go. Malalate na si Zendaya sa school," aya ni Zach kay Laureen.

Agad na humawak sa kamay ni Laureen si Zendaya at nanatili namang nakaabrisyete ang babae sa braso ni Zach. Masayang lumabas ng mansion ang tatlo na para bang isang perpektong pamilya habang siya, nagmistulang palamuti lang sa isang tabi.

Huminga siya ng malalim para mawala ang bigat na nararamdaman niya. Nais niyang pagtawanan ang sarili niya. Parati naman na ito ang nakikita niya sa halos araw-araw pero bakit tila hindi parin siya nasasanay hanggang ngayon?

"Sigurado ka bang okay lang talaga kay Cyan itong relasyon natin, Zach? Paano kung isang araw bigla nalang siyang magalit at gumawa ng paraan para sirain ako," may bahid ng takot na sambit ni Laureen.

Mula sa daan, ibinaling ni Zach ang kanyang tingin sa babae. She's always like this everytime she went to his house. Isang masuyong ngiti ang sumilay sa kanyang labi.

"Don't worry. Walang gagawin na hindi maganda si Cyan, Laureen," puno ng kasiguraduhan niyang wika.

Sa loob ng dalawang taon, wala siyang narinig na reklamo kay Cyan tungkol sa relasyon nilang dalawa ni Laureen. Ang madalas lang nilang pagtalunan ay ang tungkol sa anak niya.

Cyan is strict while he and Laureen wanted to spoil Zendaya. Lumaki siya noon sa puder ng lolo niya kung saan kontrolado nito ang lahat. Kung may nais man siyang gawin na hindi nito nais ay pagagalitan lamang siya at parurusahan.

Iyon ang bagay na ayaw niyang maranasan ni Zendaya. He wanted her to be free unlike him. At sa bagay na iyon, nagkakasundo silang dalawa ni Laureen.

Gustong-gusto rin naman ng anak niya si Laureen at kung hindi lang dahil sa kanyang lolo, matagal ng wala si Cyan sa buhay nila. Laureen is a much better option to become Zendaya's mother. Mas panatag siya kapag ito ang kasama niya…