XXXVII - Ledger

Elaine's Point of View

Nagising ako dahil sa sinag ng araw na tumatama sa mga talukap ko.

“Good morning, Ma'am Elaine, nagdala ako ng hot coffee para mawala ang hangover mo,” usal ni Blaire habang dahan-dahang ibinababa ang isang tasa na may design na happy face sa side table.

“Ano ka ba, Elaine na lamang ang itawag mo sa akin, at saka salamat pala rito sa dinala mong kape, ha,” nakangiti kong sagot at bumangon sa pagkakahiga. Medyo masakit pa ang ulo ko dahil sa sobrang dami kong nainom na wine.

“Hindi kasi ako sanay na hindi ma'am at sir ang tawag sa mga pinagsisilbihan ko. Alam mo na, naging habit na rin,” pagpapaliwanag ni Blaire. Iniabot niya sa akin ang isang basang bimpo.

Nang matapos ako magpunas ng mukha ay kinuha niya ang bimpo mula sa kanang kamay ko at saka itinuro ang kape. “Inumin mo na ito bago lumamig. Mukhang naparami ka ng nainom,” usal niya na ikinakamot ko na lang ng ulo dahil wala