CHAPTER 11

PIKIT MATA niya na lang tinanggap sa sarili na sa mga oras na 'yon ay wala na siyang kawala. Wala siyang laban. Na kahit ano pang tawag niya sa Papa niya upang humingi ng tulong ay wala na ring mangyayari. Hindi siya maririnig nito. At walang may gustong tumulong sa kaniya.

Ngunit lumuwag ang pagkakahawak ng lalaking nasa likuran niya sa kaniyang baywang. Kasabay ng pag lingon niya rito ay siya ring pagbagsak nito sa lapag habang sapo ang tiyan.

Nang lingunin niya kung sino ang may gawa no'n sa lalaki ay napaawang ang bibig niya.

"X-Xander..."

Yes! It was him... Xander.

Awang ang bibig at hindi siya makapaniwala habang nakatingala sa matangkad na lalaking dumating. Patay sindi ang kulay dilaw na ilaw sa hallway papunta sa silid na nakalaan para sa kaniya, at malabo rin ang kulay pulang ilaw na nagmumula sa stage. Pero kitang-kita niya ang galit sa kulay asul na mga mata ni Xander.

Ngunit bakit nasa V.I.P area ang lalaki? Akala niya ay umalis na ito matapos ang halik na pinagsaluhan n