CHAPTER 15

"DITO NA LANG AKO." Aniya kay Xander nang huminto ang jeep na sinasakyan nila sa simbahan.

Kaunting lakad na lang papasok at makakauwi na siya. Hindi naman ganoon kalayo, kaya okay lang. Ang hindi okay nang pati si Xander ay bumaba pa ng jeep at nakabuntot sa kaniya.

Mataas na ang sikat ng araw. Alas dos na nga yata kung tutuusin, kaya naman malamang na naglipana na sa daan ang mga living cctv sa kanilang barangay. Instant pulutan na naman siya kapag nakita siya ng mga ito at may kasama pang lalaki.

"Ihahatid kita." Maikli nitong sagot kaya naman humarap siya rito.

"Kapag hinatid mo ako, pagtsitsismisan tayo. Iisipin nilang boyfriend kita at nadawit sa bar. Okay lang sa akin kasi guwapo ka naman at hindi nakakahiyang irampa. Ang tanong... okay lang ba sa'yo?" Mahabang lahad niya. Ngunit sa hinaba-haba ng pinagsasabi niya, tango lang ang naging sagot nito. "Halika na nga, tigas ng itlog mo!"

Hinawakan niya ang laylayan ng damit nito saka hinila na palakad sa bukana ng daan kung saan i