Chapter 17.2

Third Person POV

“Boss no offense, pero mukha kang tanga riyan.”

Tila walang narinig at hindi pinansin ni Freed ang naging komento sa kaniya ni Noah. Sa halip ay medyo ibinaba nito ang suot na sunglasses at saka iniayos ang pagkaka-ipit ng puting orchid sa kaniyang tainga.

“Did the plane landed yet?” pagtatanong ni Freed kay Noah.

Tumingin muna si Noah sa kaniyang wristwatch bago sumagot. “Preparing to land boss.”

Tumango-tango si Freed at inayos ang kaniyang pagkakasandal sa pader na kanilang pinagtataguan. Naningkit ang kaniyang mga mata nang makita ang isang papalapag na eroplano mula sa hindi kalayuan.

Kaagad na bumalatay ang pagkataranta sa mukha ni Freed at dagling kinuha ang binoculars na siyang nakasabit sa leeg ni Noah. “S-Sandali boss, ’yung l-leeg ko—ack!”

Hindi pinakinggan ni Freed ang naging pagdaing ni Noah sapagkat tutok ang mga mata nito sa pagtingin sa binoculars. Gamit ang binoculars ay mabilis nitong hinanap ang hagdan kung saan bumababa ang mga sakay ng eropl