Chapter 22

Nang malaman ni Aiden na umalis si Kit sa condo unit nito ay wala na siyang nagawa. Hindi niya naman masisisi ang dalaga sa paglayo nito.

Dahil sa sobrang pagkamiss sa dalaga ay tinungo niya ang bakante nitong unit. Natatandaan niya pa ang password ni Kit, kaya pumasok na siya agad sa loob. Dumiretso siya sa kwarto ng dalaga, at nakapikit niyang ibinagsak ang katawan sa kama nito. Kahit papaano ay alam na ni Aiden na madidiskubre rin ng lahat ang tungkol sa kanila, kaya hindi na nagulat pa ang binata nang bigla na lamang bumitaw si Kit sa kung anuman ang namumuo sa pagitan nilang dalawa. Hindi siya galit, at sa halip ay nasasaktan siya para sa babaeng minamahal dahil alam niyang doble ang sakit na nararamdaman nito ngayon.

Nagmulat siya ng mga mata nang marinig ang tunog ng cellphone niya. Nang makitang ang kapatid na si Aivi ang tumatawag ay bumuntong-hininga muna siya bago iyon sagutin.

“O, Aivi. Napatawag ka. Ma