Chapter 16

"Na...nasasaktan...ako."

Isa na naman ito sa mga araw na hindi ko maintindihan ang takbo ng kanyang pag-iisip at pag-uugali. Kahapon niya lang sinabi na siya ang ama ng dinadala pero ngayon para bang gusto niya na akong patayin at mawala na lang.

"Gov, huminahon po kayo! Baka mapatay niyo si Miss Gaia."

Mabuti na lamang at pumagitna sa amin si Raul kaya nabitawan niya ako. Agad akong itinago ni Raul sa likuran niya kaya naman sumama ang tingin ni Stelo sa kanya.

"Raul, huwag ka makialam dito!" Mariin niyang pagkakasambit at handa na sana niya akong hablutin pero humarang si Raul.

"Mainit lang ang ulo mo dahil sa Senado. Gov naman. Babae na 'tong sinasaktan mo, paano kapag napatay mo siya ngayon?"

Napapikit na lang si Stelo bago kami tinalikuran. Sa pagkakaalam ko ay wala pang alam si Raul na buntis ako at si Stelo ang ama.

"Ayos ka lang ba, Gaia?" Tumango ako. "Sige. Sundan ko lang siya, balikan na lang kita mamaya." Tumango na lang ulit ako.

Hindi ko alam kung ano ang mero