Sonder

 

 

“Ano ready ka na?” tanong ni Euphie kay Jade habang naglalakad sila papasok sa isang kilalang restaurant sa Tagaytay. Mahigpit ang hawak ng kamay niya sa binata at halatang medyo nag-aalala siya rito.

“Medyo..” mahinang sagot lang ni Jade sakaniya sabay ngiti lang ng bahagya.

“Oy grabe ha! Namamawis yung kamay mo! Kinakabahan ka talaga noh?” natatawang wika ni Euphie sakaniya.

“Hindi ako sanay sa mga gantong bagay kaya Oo, medyo kinakabahan nga ako. Pero ayos lang. Kakayanin.” sagot naman nito sakaniya.

“Don't worry, mababait silang lahat. Wala kang dapat na ikabahala!” sagot naman ni Euphie sakaniya.

“Opo opo.” ngumiti lang si Jade at hinalikan ang kamay ni Euphie saka sila dumiretso na sa loob. Pag-akyat nila sa taas ng Diner's Restaurant ay kaagad nilang nakita ang mga pinsan ni Euphie na sama sama nang nakaupo sa isang mahabang mesa at maiingay na naguusap sa bawat isa.

“Oh! Andito na sila!” napasigaw kaagad ni Anastasia nang mapansin niya ang papalapit na sin