Prologue

Prologue

"AYAN! nakatunganga ka na naman diyan, habang tila nanaginip ng gising!" saglit niyang inalis ang tingin kay Zach na naglalaro ng basketball kasama ang mga kaibigan nito. Nilingon niya ang nagsalita.

"Ahm! Hindi naman, no? ang sarap niya lang kasing titigan!" wala sa sariling naiwika niya at muling ibalik sa binatilyo ang atensyon. Wala sa sariling biglang napangiti ang dalagita at nakabangumbaba habang tinatanaw ito.

Hay! Zachary Jack! matitigan lang kita, ang lakas na ng kabog ng puso ko!

"Oy! Zach, kakaiba ka talaga! bilib na ako sayo pagdating sa mga babae!" bigla siyang natauhan ng biglang may nagsalita isa sa mga kaibigan ng binatilyo. Napalakas ang kabog ng puso niya nang saktong magtama ang kanilang mga paningin.

"Hoy! Anna, ano naman iyang iniisip mo, habang nakatingin sa akin?" biglang tanong nito sa kanya. Hindi siya agad nakasagot. Napangisi na lamang ito. "Siguro, iniisip mo namang nakasuot ka ng traje de boda at kasama ako doon, syempre!" pagyayabang pa nito. "Tigilan mo na nga iyan, dahil kailan man ay hindi iyan mangyayari!" gusto na niyang mapaiyak. Kahit simple salita nito ay nasasaktan siya, dahil lantaran nitong pinapadama sa kanya na ayaw nito sa kanya. Sa inis ay tumayo siya at lumapit sa binatilyo.

"Hoy! Zachary! Ang yabang mo! pero kahit ang yabang mo mahal talaga kita. Pero ito lang sasabihin ko sayo, kahit anong pag ayaw mo sa akin, ako ang babaeng karapat-dapat sayo, walang iba!" mariing bigkas niya at nagpapadyak pa siya sa harapan ng mga ito. Narinig niyang nagtawanan ang mga kaibigan nito.

"Hanep, Pare! ang lakas ng loob!" singit ng isang kaibigan nito. Pinukol niya ito ng isang masamang tingin.

"Ah, basta! Kahit ilang babae pa ang makarelasyon mo, sa akin ka rin babagsak!" iyon lang at iniwan niya ang mga ito. Narinig niya pa ang hiyawan ng mga ito, pero nagtatakbo na siya palabas ng court.

Akala niya batang pag ibig lang iyon at nililipas din. Ngunit taon man ang lumipas ay nasa puso niya parin ang pag ibig para dito.

Sa araw-araw na ginagawa ng diyos, at sa araw-araw na makikita itong iba't ibang babae ang kasama. Gusto na niyang sumuko sa sobrang sakit.

Ang akala niya, kusang mawawala ang pagmamahal niya dito, ngunit nagkamali siya.

"Papa, ayaw ko doon magtrabaho sa Hotel & Casino ni Tito Alwin!" halos nagmamakaawa na siya sa ama.

"Pat, simula palang pinag-usapan na nito ang tungkol dito."

"Pero, Papa..." Hindi niya alam kung anong idadahilan sa ama.

"Anna Patricia!" suko na siya, tinawag na siya ng ama sa buong pangalan niya at hindi na siya aangal.

Kaya nang tumuntog siya sa gusali ng mga Tajarda ay gusto niyang umatras upang iwasan ang taong paparating. Ngunit huli na.

"So?" ito ang unang namatawi sa bibig nito habang titig na titig sa kanya.

"Hindi ako nandito para sayo, sinunod ko lang si Papa!" nanlaki ang mata niya nang maintindihan ang sinabi niya.

"Bakit? May sinabi ba ako? Diffensive, Anna? Hanggang ngayon ba, hindi pa na wawala iyang pag asa mo?" sarkistong wika nito.

"Ang yabang mo! Porket alam mong patay na patay ako sayo, ganyan ka kung makapag-" napatutop siya sa kanyang bibig. Narinig niya ang malutong nitong pagtawa. Nahihiyang nagyuko siya ng ulo.

"Itinawag na sa akin ni Tito Jake ang pagdating mo. At ako ang naatasang magturo kung anong gagawin mo!" seryosong wika nito. Napatango na lamang siya rito. Wala naman kasi siyang sasabihin. "So? Lets go!"

LAKING pasasalamat niya at naging maayos ang unang araw niya sa trabaho. Kahit pa na, nahihirapan siya dahil nasa malapit lang si Zach. Pero ang pinagtataka niya ay tila nag iba ito sa pakikitungo sa kanya. Pero kusa din siyang natigil sa iniisip, naiisip niyang baka dahil sa trabaho kaya ganoon ang binata sa kanya.

Ayaw na sana niyang umasa, pero bigla na lang itong lumapit sa kanya at nagyayang lumabas. Akala niya simpleng pagyaya lang iyon, pero ang minsan paglabas nila ay nasundan pa ng maraming beses.

Hanggang hindi niya namalayan ang pagtakbo ng oras, araw at buwan.

At ngayon, nakaharap siya sa malaking salamin at tinitigan ang sariling repleksyon na nakasuot ng traje de boda.

Ikakasal na siya kay Zachary! Ang lalaking minahal niya mula noon hanggang ngayon.

I