Chapter 7

Chapter 7

Napasinghap ako at tumigil ang mundo ko sa narinig. Tama ba itong narinig ko? Tinawag niya ako na Amora?

Nanigas ako sa aking puwesto at hindi maigalaw ang katawan sa gulat. Yakap pa rin ako ni Eureko pero itong emosyon na naramdaman ko kanina ay nagbago.

Amora ba talaga ang narinig ko o baka namali lang ako ng dinig?

Nang kumalas si Eureko sa pagkayakap ay hindi ko magawang magsalita o kaya ang tumingin sa kanya. Masyado akong nagulat at sobrang bilis na ng tibok ng puso ko dahil sa kaba.

“Rest, Amore. Mag-usap na lang tayo mamaya,” aniya sa malalim ba boses bago tumayo mula sa pagkaluhod at saka tumalikod na paalis.

Amore…

Baka guniguni ko lang iyon. Amore na ang tawag niya sa akin at baka imahinasyon ko lang iyon kanina.

***

“Ma’am, hindi na ako magtatagal sa tabi mo,” ani Rica sa akin habang tinatanggal ang contact lenses ko. “Pinapabalik na ako ni Sir dahil doon naman talaga ang trabaho ko.”

Bigla akong nalungkot. “Sayang naman. Gusto pa sana kitang makasama.”

Nang nat