Chapter 5

Chapter 5

Wala akong ideya na may iba pa palang kaibigan si Amore bukod kina Kath at Liza na ayon kay Rica, nasa ibang bansa.

At ang totoo'y kinakabahan ako. Sa presensya pa lang ni Eureko na akala ko ay umalis na. Hindi pala. Nandito siya, nakahalukipkip habang ang paa ay nakadekwatro.

"Are you not going to talk to her?" taas kilay niyang tanong ko. "Nasa labas siya."

"S-Sige..." Napakurap-kurap ako. "Kakausapin ko."

Kita ko ang pag-awang ng kanyang labi dahil sa sinabi ko. Hindi ko na lang iyon pinansin at saka nilubayan na lang siya ng tingin.

Gusto kong makausap si Rica ngayon kaso baka magtataka si Eureko. Hindi ko alam kung ano ang pangalan ng kaibigan ni Amore. Hindi ko rin in-expect ito.

Nang nasa may porch na ako ng bahay ay isang matinis na boses ang halos bumasag sa boses ko.

"Amore!" patili na tawag ng isang babae na naka-dress sa akin. Agad siyang lumapit at walang sabi-sabing niyakap ako. "I miss you!"

Napangiwi ako lalo na nang niyakap niya ako at nakipagbeso-beso.