Kabanata 9

Kahapon pa dapat kami nakapunta sa bahay para pag-usapan ang tungkol sa kasal pero dahil may ibang nangyari ay ngayong araw palang kami tutuloy.

Kahapon lang din napag-usapan ang oras kung kailan puwedeng pumunta at umaga ang napagkasunduan kaya maaga kaming nagising para makapaghanda.

Hindi ko maitago ang aking kaba dahil matagal din akong hindi nakauwi roon. It didn't feel like a home to me anymore. Simula noong umalis ako roon, hindi na bahay ang tingin ko roon kung hindi ay kulungan.

"Puwede pa namang pakiusapan sila na rito na lang sa bahay mag-uusap kung hindi ka kumportable roon sa inyo," ani Spade mula sa aking likod.

Nakaharap ako sa salamin habang nakaupo sa harap ng dresser. Spade was sitting on the bed, waiting for me to be fully ready. Kanina pa rin kasi siya nakapagbihis at aalis na lang kung kailan ready na ako.

Hindi naman ako natatagalan dahil sa make-up kundi dahil sa iba't ibang scenario na tumatakbo sa utak ko.

Paano kung biglang magkagulo? Paano kung bi