Chapter 46

“King, ayos ka na ba?”

Nilingon ni King ang kapatid na si Stefan.

“Limang araw ka ring nagpahinga,” ani Grim. Nagsabay silang tatlo sa paglalakad.

“Maayos na,” pagsisinungaling ni King. Sa totoo ay hindi, mayroon pa ring ‘di siya magandang nararamdaman. Isama pa na ‘yong mga bagong pangyayari sa kanya ay nagsisimula na uling manlabo sa kanyang alaala.

Natigil sila sa pag-uusap nang makarating sila sa silid ng kanilang ama. Silid-tanggapan iyon dahil doon ito madalas gumagawa ng gawain nito sa malaking mansion.

“Kumusta, mga anak?” masayang-masaya ‘to.

Ang isang mata nito sa kaliwa ay walang buhay dahil peke lamang iyon. Nabulag ito noon dahil sa pakikipaglaban daw sa isang Pureblood.

“King kumusta na ang nararamdaman mo?” masaya pa rin ang hitsura nito.

“Maayos naman, ama. Medyo nagiging mahirap lang sa ‘kin matandaan ang hitsura nang bago