Hangover

Dahan-dahang gumuhit ang ngiti sa labi niya habang nakatingin sa lalaking nasa harap niya at mahigpit na nakapulupot sa beywang niya ang kamay. Ang kulay berde nitong mga mata ay tumitingkad kapag nadadaanan ng puting ilaw na umiikot sa buong dance floor.

Ang galit at iritang nakita niya kanina sa mukha nito ay unti-unting nabubura at napapalitan ng paghanga at emosyong hirap siyang basahin habang nakatitig ito sa kanya. What was it? Pangungulila? Pagmamahal? She can't name it...

Mas lumawak ang ngiti niya. Umangat ang kamay niya at pinulupot iyon sa batok nito na ikinatulos nito sa kinatatayuan, kita ang pagkabigla sa mukha nito. Bahagyang namilog ang mga mata nito, umawang ang labi nito nang tumingkayad siya at nilapit ang mukha rito. Tila itong nahipnostismo habang nakatitig sa kanya, tila lunod na lunod pero walang bakas sa mukha nito ang kagustuhang umahon.

Nanlabo ang lahat sa paligid, nawala ang malakas na ingay, magulong mga tao at ang umiikot na paiba't ibang kulay. Biglang