Chapter 7 - Ang Batas ng Pamilya Gutierrez

Chapter 7

“Damn!”

Saka lang napagtanto ni Mark na ang order na ‘to ay isang trap na ginawa ng pamilya Gutierrez para papuntahin siya rito sa hotel.

Naglakad si Marcol palapit kay Mark habang sumisigaw. “Tanggalin mo ‘yang uniform at helmet mo!”

“Anong ibig mong sabihin?” nalilitong tanong ni Mark.

Sa mga oras na ‘to, lumapit na rin si Sean sa kanila. “Anong ibig niyang sabihin? Kilala mo ba kung sino siya? Siya lang naman ang boss mo! Si Marcol ang general agent ng Grab Food Delivery dito sa Manila.”

Mapait na natawa si Marcol. “Kung ayaw mong maniwala, wala akong ibang choice kundi tawagan si Xander na siyang nagpasok sa ‘yo!”

Hindi rin nagtagal ay tumawag si Xander sa telepono ni Mark. “Pare, bakit mo naman binangga si Mr. Marcol? Pinapatanggal ka na niya ngayon sa ‘kin!”

Napangisi si Mark, hindi inaasahang sa ganitong paraan pa matatapos ang trabaho niya.

Sa totoo lang, nag-eenjoy siya sa pagde-deliver ng mga pagkain. Nakakakilala siya ng iba’t ibang tao, at nakakatulong din sa pag-improve ng pasensiya at ugali ng isang tao.

Gusto niya sanang matapos ang trabaho niya nang matiwasay pero mukhang sisirain lang ‘yon ni Marcol.

Muling sumigaw si Marcol. “Hindi mo pa ba huhubarin ‘yang damit mo? Tinanggal ka na sa trabaho ni Xander!”

Lahat ng gamit niya ay galing sa kompanya, magmula uniporme, helmet, pati na rin ang motorsiklo. Ngayong natanggal na si Mark sa trabaho, wala na siyang karapatang gamitin pa ‘to.

“Sige.”

Madilim ang mukha ni Mark habang tinatanggal ang kaniyang uniporme sa harap ng maraming tao.

Natawa naman si Sean nang sobra na halos mapaupo pa siya sa sahig. “Para siyang aso na tinanggalan ng balahibo!”

Galit din sumigaw si Romulo. “Walang kwenta! Hindi ba at ang tapang mo pa kanina? At may lakas ka pa talaga ng loob na saktan ang anak ko. Tingnan natin ang angas mo ngayon!”

Empleyado pa ni Marcol si Mark kanina kaya wala siyang magawa kundi ang sundin ito.

Pagkahubad ng uniporme, iniwan ‘yon ni Mark sa motorsiklo at sinabi, “Marcol, narinig ko na mage-expire na ngayong taon ang prangkisa mo sa Grab Food Delivery.”

Natigilan si Marcol sandali. “Ano naman ‘yon sa ‘yo?”

Ngumiti si Mark. “Hindi mo na kailangang pumunta pa ng Quezon para pag-usapan ang tungkol sa contract renewal. Dahil mula ngayon, hindi na ikaw ang magiging general agent ng Grab Food Delivery.”

Si Mark, ang tunay na may-ari ng Grab Food Delivery, ay may ideya na kung sino si Marcol. Matagal na nitong gustong mag-set ng isang appointment para personal na makilala ang pamilya Ayala. Ngunit sa lahat ng pagtatangka niya ay palagi lang siyang tinatanggihan ng lolo ni Mark.

Isang banggit lang sa kaniyang lolo, siguradong mawawala na si Marcol sa syudad na ‘to.

Galit na galit si Marcol dahil gusto niyang kumita ng pera bilang agent.

“Sino ka ba sa palagay mo? Kapag sinabi mo bang hindi na ako ang magiging general agent, ganoon na nga ang mangyayari? Alam mo ba kung gaano kalakas ang kapit ko sa boss ng Grab Food Delivery?”

Nagpatuloy siya, “Noong panahong wala pang naniniwala sa pag-unlad ng food delivery, ako ang nagbuhos ng pera para tulungan siya! At ngayon, handa akong magbigay ng kulang 50 million pa.”

Malamig na ngumiti si Mark. “Kahit maglabas ka pa ng 100 million, hindi mo na makukuha ang prankisang ‘yon. Kung ayaw mong maniwala, eh di subukan mo.”

“Ikaw…”

Hindi na napigilan ni Mrs. Gutierrez ang magsalita. “Walanghiya kang bata, Mark. Huwag ka ngang masyadong mayabang!”

“Una, pinagtaksilan mo ang apo kong si Jade, pagtapos ay binugbog mo pa ang apo ko. Ngayon, oras na para parusahan ka mismo sa harap ng maraming bisita! Bakit, natatakot ka bang pumasok?”

Muling napangiti si Mark. “Bakit naman ako matatakot?” Sumulyap siya mula sa pintuan ng hotel.

Bukod sa maimpluwensyang pamilya ang pamilya Gutierrez, marami ring mga bisita ang nagpunta para sa kaarawan ni Mrs. Gutierrez.

Alam ni Mark na ang mga bisitang ito ay malalaking tao o hindi kaya naman ay may mga impluwensya rin sa buong syudad ng Manila.

Kung hindi man sa politika, sa martial arts world, sa negosyo, o mga artist, lahat sila ay may kakayahan at kapangyarihang hindi lang maiisip ng isang ordinaryong tao.

Gayunpaman, wala pa ring takot si Mark sa harap ng mga big shot na ‘to!

Isang maliit na high-class city lang naman ng syudad ng Manila.

Taas-noong naglakad si Mark kasunod ng pamilya patungo lobby ng hotel.

Dahil matanda na si Mrs. Gutierrez, pinareserba niya ang buong hotel, at wala nang ibang outsider sa lobby maliban sa mga waiter.

Nang pumasok si Mark, miski ang mga waiter ay iniiwasan siya.

Naupo si Mrs. Gutierrez sa gitna ng sala. Kahit medyo maliit siya ay punong-puno pa rin siya ng awtoridad.

“Hayop ka! Bakit hindi ka pa lumuluhod?”

Tumingin si Mark sa paligid at sinabi, “Bakit ako luluhod?”

“Tatlong taon na ang nakalipag nang pumasok ka sa pamilya namin bilang asawa at nangako kang kung gagawa ka ng ikapapahamak ng pamilya, tatanggapin mo ang batas ng pamilya namin. Tinatanong kita, totoo pa rin ba ang pangako mo noon?”

Itinuwid ni Mark ang kaniyang likod. “Syempre. Ang sinasabi ko, tinutupad ko!”

“Magaling! Dalhin dito ang Royal Dragon Ruler!”

Sa utos ni Mrs. Gutierrez, agad inabot ni Romulo ang Dragon Ruler na matagal na nilang inihanda.

Ang malaking Dragon Ruler na ito ay nagmula pa sa ninuno ng mga Gutierrez. Gawa ito sa metal at mas malaki kumpara sa normal na rulers.

Isang panukat lang ang gamit nito, ngunit sa katagalan ay ginamit na ito para sa pagpapatupad ng batas sa pamilya.

Sa oras na tamaan ang sinuman sa mukha gamit ito ay tiyak iinda nang halos tatlong araw.

Hinawakan ni Mrs. Gutierrez ang Dragon Ruler at sinabi, “Mas maganda siguro kung aaminin mo na. Anyone, saktan niyo na siya nang dalawampung beses!”

“Opo!”

Matagal nang gusto makaganti ni Romulo para sa kaniyang anak kaya siya ang unang lumapit.

Ngunit binawi naman ni Ramil ang Dragon Ruler sa kaniya.

“Ma, hindi trabaho nang iba ang disiplinahin ang manugang ko, kaya ako mismo ang magtuturo sa kaniya ng leksyon!”

Nang makuha ni Ramil ang Dragon Ruler ay siya naman itong inagaw ni Beatrice.

“Ako ang palaging sumasampal sa kaniya. Hayaan mong ako ang gumawa!”

Marami pa ang nakipag-agawan sa Dragon Ruler.

Ang hindi inaasahan ni Mark ay nang miski ang kaniyang asawa ay nagsalita.

“Asawa ko siya. Hayaan niyong ako ang magparusa sa kaniya!”

Nakuha ni Jade ang malaking Dragon Ruler. Hindi inaasahan ni Mark na ang balingkinitang kamay pa ni Jade ang magpaparusa sa kaniya. Ang mga kamay na halos tatlong taon ding hindi nahawakan ni Mark.