Chapter 6 - Birthday

Sa maliit na hagdan, makikita ang pagkakaiba ng malaking katawan ni Mark kumpara sa mga lalaki.

Pero madali lang naiiwasan ni Mark ang suntok ng mga ito. Tumalon si Mark nang walang kahirap-hirap sa railing, at saka sinipa ang isa sa kanila sa mukha.

“Shit! Ang sakit no’n, ah?” Agad na nagdugo ang ilong ng lalaking nasipa.

Mahinang natawa si Mark. “Isa akong 4th-degree black belter.”

“9th dan black belt na si master!”

Bumawi naman ng sipa ang lalaki dahil sa galit kay Mark.

Tumalon pababa si Mark mula sa railing bago sinuntok ang isa pang lalaki. Napailing na lang siya habang natatawa dahil sa kaignorantehan nito.

Totoong isang fourth-degree black belter si Mark. Ngunit para maging isang 9th dan black belt, kinakailangang nasa edad 50 o 60 na ang nagmamay-ari nito. At mukhang walang ideya ang lalaking ‘to tungkol dito.

Matagal nang nag-eensayo si Mark ng iba’t ibang martial arts, hindi lang Taekwondo.

Nagpakawala si Mark ng isang Bruce Lee-style inch punch na naging dahilan para masuka ng asido ang kalaban niya.

Binuhat at itinapon ni Mark ang lalaki na mas mabigat pa sa kaniya gamit ang shoulder throw, kaya humampas ito nang malakas sa railing!

Ang dalawang propesyonal na pinadala ng mga Gutierrez ay walang kahirap-hirap lang na pinataob ni Mark.

—-

Sa isang hotel sa Okada kung saan ginanap ang kaarawan ng nakatatandang Gutierrez, natanggap agad nila ang balita tungkol sa nangyari.

“Ma! Nabugbog lang ni Mark ang mga professional thug na pinadala ko,” nahihiyang sambit ni Ramil sa kaniyang ina.

“Ano?”

Natakot ang lahat. Sinong mag-aakalang marunong palang mag-martial arts ang biyenan nilang ‘yon?

“Wala na ba talagang makakapagpadisplina sa hayop na 'yan?!” Galit na hinampas ni Mrs. Gutierrez ang lamesa.

Sakto namang dumating si Marcol, ang general agent ng Grab Food Delivery, para batiin ang matanda at magdala ng regalo para sa kaarawan nito.

Pagkakita kay Marcol ay agad napangiti si Mrs. Gutierrez.

Isang pipitsuging delivery rider lang noon si Marcol. Ilang taon na ang nakakalipas, noong mga taon na hindi pa uso ang food delivery, gumastos siya ng halos dalawang milyong piso para maging general agent sa syudad.

Ngayon, kahit dagdagan pa ‘to ng isa pang zero, mahirap na makuha 'yon.

Magmula noong kumita na siya ng malaki mula sa pagde-deliver, ninais na rin niyang makasali sa upper class na kinabibilangan ng pamilya Gutierrez.

Ngayong ika-80 na kaarawan ni Mrs. Gutierrez, gagamitin niya itong pagkakataon para makuha ang loob ng buong pamilya nito.

“Boss Marcol, welcome! Kumusta na ang negosyo?” nakangiting pagbati ni Romulo habang papalapit sa kaniya. 

Nakipagkamay si Marcol sa kaniya gamit ang kanang kamay habang hawak naman niya ang isang red wine sa kabila. “Maraming salamat sa concern, Mr. Gutierrez. Maayos naman po.”

Sunod naman ay nilapitan niya si Mrs. Gutierrez at inabot ang dala niyang red wine. 

“Mrs. Gutierrez, balita ko po ay mahilig kayong uminom. Here’s a 90-year-old bottle of Romani Condi for you. Happy birthday, and more birthdays to come!”

Tumayo naman ang ginang para tanggapin ang regalo nito. “Maraming salamat, Marcol. Nag-abala ka pa.”

“Kumusta naman po ang lahay niyo, lola?” tanong ni Marcol.

Napabuntonghininga lang si Mrs. Gutierrez.

Agad na hinarap ni Marcol si Romulo. “Mukhang hindi maganda ang mood ni Mrs. Gutierrez, ah?”

Napabuntonghininga rin si Romulo bago nagsalita. “Sa totoo lang, Marcol, nakakahiya man aminin, pero ang malas talaga ng pamilya namin! Naalala mo si Mark? ‘Yong biyenan ko na asawa ng pamangkin kong si Jade?”

Tumango si Marcol. Tatlong taon ang nakakalipas nang ikasal ang apo ng isa sa mga Gutierrez sa isang ordinaryong lalaki. Naging usap-usapan ito noon sa buong syudad.

Noong mga panahon ding iyon, sobra ang panghihinayang ni Marcol dahil hindi siya si Mark.

Isa rin naman siyang ordinaryong lalaki, at gusto niya ring makapangasawa ng anak-mayaman.

“At ang hayop na ‘yon!” pagpapatuloy ni Romula. “Hindi lang niya niloko si Jade, binugbog pa ang anak ko. Tingnan mo. Binugbog niya ang anak ko!”

Doon lang napansin ni Marcol ang mga pasa at sugat sa mukha ni Sean.

Ngunit sa mga oras na ‘to, nasa alanganing sitwasyon din si Marcol. 

Anong karapatan niyang makialam sa problema ng ibang pamilya? Isa lang din naman siyang ordinaryo at maliit na tao.

“Nakakapanghinayang lang na wala ako masyadong kakilala sa Manila. Kung hindi niyo po kayang ayusin ‘to, hindi ko rin po alam kung ano pang magagawa ko. Kung may maitutulong lang talaga ako, tuturuan ko talaga ng leksyon ang walang utang na loob na lalaking ‘yon!”

Tinapik ni Romulo ang balikat nito at sinabi, “Boss Marcol, masyado ka namang humble. Kayang-kaya mo kaming tulungan sa bagay na ‘to.”

“Empleyado mo ang lalaking ‘yon. Nagde-deliver siya sa kompanya mo,” hindi mapigilang pagsingit ni Sean sa usapan.

Nagulat pa si Marcol nang marinig ito. “Empleyado ng Grab Food si Mark? Kung gano’n, Mr. Gutierrez, hayaan mo na ang isang ‘to sa ‘kin!”

Si Marcol ang general agent ng Grab Food Delivery sa Manila. Hawak niya ang buhay at trabaho ni Mark, at alam niya kung nasaan ito sa lahat ng oras.

Agad na may tinawagan si Marcol. “Hoy, Xander, i-check mo nga kung ano ang employee number ni Mark? At pati na rin ‘yong eksaktong location niya ngayon. Padalhan mo agad siya ng order at papuntahin sa hotel na kinaroroonan ko ngayon.”

Matapos ang tawag, humarap siya kay Mrs. Gutierrez. “Mrs. Gutierrez, parating na po ang palamuning ‘yon. Ako na ang bahalang maghiganti para sa inyo at dudurugin ko talaga siya sa harap ng maraming tao!”

Malapad ang naging pagngiti nina Mrs. Gutierrez, Romula at ni Sean.

Pagkaraan ng labinlimang minuto, dumating din si Mark sa hotel sakay ng kaniyang motorsiklo.

Tinawagan niya ang customer. “Grab po. Nandito na po ‘yong order niyo sa labas ng hotel. Pakikuha na lang po rito.”

Kasalukuyang nakikipagkwentuhan si Marcol kina Mrs. Gutierrez at sa iba pa sa lobby ng hotel.

“Ipasok mo rito!” utos ni Marcol sa rider.

Tumingala si Mark sa mamahaling p***o sa entrada ng hotel. Mayroong malaking rainbow door doon na may nakapaskil na, “Congratulations to Mrs. Gutierrez on her 80th birthday!”

Bukod roon, ang hotel na ito ang pinakasikat na hotel sa Manila pagdating sa mga birthday banquet, kaya alam din ni Mark na nandito ang pamilya Gutierrez.

“Bawal po pumasok ang mga delivery rider sa hotel,” sabi ni Mark. “Pakilabas na lang po para kunin.”

Tinakpan ni Marcol ang telepono bago humingi ng permiso kay Mrs. Gutierrez. “Sige. Hintayin mo ako diyan sa p***o!”

Pagkaraan ng dalawang minuto, lumabas na si Marcol kasama ang pamilya Gutierrez!