Chapter 19

Excited akong umuwi sa bahay para itanong si Spencer kung siya ba ang nagbigay sa akin ng isang kahong donuts na hanggang ngayon ay dala dala ko pa din. Hindi na naman kasi kami sabay sa pag-uwi dahil may aasikasuhin daw siya.

Pag-uwi ko, agad akong nagluto't naglinis. Nagpalit na din ako ng pambahay habang nasa lamesa naman ang kahon ng donuts na dala ko. Maya maya pa, nakita ko na si Spencer na kakapasok pa lang ng pintuan.

"Hi" bati ko saka ako sa kanya lumapit. Binigyan niya ako ng tipid na ngiti. "Tara, kain na tayo"

"Kumain na ako sa labas" tugon niya na nakapagpanguso sa akin. Ano ba yan, wala pala akong kasabay ngayon. "Pero kung gusto mo, kakain na lang ako ulit" napatingin ako sa kanya, seryoso ang mukha niyang nakatingin sa akin kaya nginitian ko siya.

"Ok lang, hindi na. Umakyat ka na lang sa kwarto mo, mukhang pagod ka" sabi ko. Tumango siya. Akma na sana siyang aalis sa harapan ko ng