17 Toyang

ANTONNIA YULLIENE VILLA

Tuwang-tuwa ako pagkatawag ni teacher ng pangalan ko. Ako raw kasi ang highest sa test namin sa English. Tumayo ako mula sa upuan ko at nilapitan na si ma’am upang kuhanin ang papel ko.

“Congratulations,” she smilingly greeted.

“Thank you po.”

Pagkatapos ipamigay ang mga papel namin ay nagpaalam na muna saglit si ma’am dahil papasok na iyong Catechist namin. Wednesday ngayon kaya bago ang uwian ay tinuturuan muna kami ng tungkol sa Christianity. Iyong mga kaklase rin naming iba ang religion ay hindi rin naman nila pinipilit na makisali kung ayaw nila. Iyon nga lang ay hindi pa sila pwedeng lumabas ng klase dahil hindi pa oras ng dismissal.

Hindi pa rin maalis ang ngiti ko habang nakatitig ako sa test paper ko. Grabe… ako nga talaga ang highest kaysa sa first honor namin. Matutuwa kaya sina mama nito?

“Wow, highest…”

Napabaling naman ako kay Jayjay na katabi ko nang marinig ko siya. Kasis