Chapter 3: Nagbabakasakali

Hindi pa rin kumbinsado ang mga beastmen na nagbago bigla ang kanilang sadistang mistress. 

“Ano na namang bagong torture ito?” tanong ni Gin kay Lev. Tumawa lang ang lion-man sa tanong ng fox-man, kasi siya rin takang-taka sa nangyayari. 

Lumapit kay Andrea ang snake-man na si Hermes. Straight ang titig sa mata ng dalaga, walang bahid ng tuwa sa mukha. “Anong kalokohan ito, Mistress? Alam mo naman na wala kang ginawa kundi saktan kami. Bakit mo naman naisip na tutulungan ka namin?” Kahit na halatang may galit, mahinahon pa rin ang pagkabitaw ng mga salita ng Hermes, na kusang-loob na pumunta kay Mistress Freya noon para makipag-kontrata. 

Nanginig si Andrea sa takot. Ngayon lang sumapi sa kanya na malalakas ang mga beastmen na ito. At kung hindi dahil sa mga kontrata niya sa kanila, matagal na siyang pinatay sigurado.

“Kapag maayos niyo kong madadala sa kinaroroonan ng aking ama, bibigyan ko kayo ng gantimpala.” tugon ni Andrea. “Sa ngayon, ‘yan lang ang gusto kong gawin ninyo. Aalis tayo kinabukasan para hanapin ang scorpion-man na si Vali, ang aking ama.”

Naalala ni Andrea na bawat beastman ay may iba’t ibang klase ng lakas. Tiyak, isa sa kanila may kapangyarihang mag-hilom ng mga sugat. Bigla niyang naalala mula sa pagbasa ng fantasy novel na ang kausap niyang si Hermes ang may healing powers. Medyo weird nga lang kasi ni isang beses, never niya pinagaling ang sarili niyang mga sugat. 

Hindi na matiis ni Andrea na makitang duguan si Triton, kaya agad nitong inutusan ang kausap, “Hermes, dalian mo at pagalingin ang mga sugat ni Triton. Hindi ko kayo makakausap nang matino nang may duguan diyan.” Sinusubukan pa rin ni Andrea na maging kasing-strikto ni Mistress Freya.

Napahinto ang mga lalake, pinapanood si Hermes kung tutuparin nga ang utos. Sa buong pagsasama nila sa isang bubong, ngayon lang nang-utos si Freya ng para sa ikabubuti nila. 

“Masusunod, mistress.” sagot ng snake-man. Nilapat niya ang kanyang kanang kamay sa mga sugat ng fishtail ni Triton. Maya-maya, umilaw ang kaniyang palad at makikitang naghihilom ang mga sugat… na para bang naka-timelapse ito. Inalis niya ang kaniyang kamay nang naging peklat na ang mga sugat. 

Namangha si Andrea sa kaniyang nakita. “Salamat, Hermes.” sabi niya sa snake-man. Unti-unti niyang naalala na siya pala ay isang monghe bago nagpunta sa kanya para makipag-kontrata. 

“Walang… anuman, Mistress.” dahan-dahan na sagot ni Hermes.

“At dahil diyan...” biglang pahabol ni Andrea. Hinawakan ni Andrea ang kwintas na nakasabit sa kanyang leeg. Mayroon itong pendant na kamukha ng isang ngipin ng hayop – ito ay binigay kay Freya bilang anting-anting, mula sa kanyang ama. May matulis na parte ang pendant at ito ang pinang-sugat ni Andrea sa kaniyang daliri. 

Napatingin ang limang lalake sa dugong unti-unting lumabas. Hindi nila akalaing makikita nila ang kulay ng dugo ng isang mala-demonyong babae… At ito ay tulad ng dugo nila. Pula. ‘Di nila akalaing normal lang din ang babaeng to.

“Dahil sinundan mo ang kagustuhan ko, lalagyan kita ng isang patak ng aking dugo sa seal mo.” dagdag ni Andrea. Nagulat si Hermes nang makitang umilaw ang kanyang seal nang madikitan ng dugo ni Mistress Freya. Pagkatapos, medyo nabawasan ang kulay ng purple seal ni Freya sa dibdib ng snake-man. 

Lumaki ang mga mata ng ibang beastmen… Nagbakasakaling baka sila rin ay makakawala sa kontratang puro sakit lang ang napala. 

Sa sobrang gulat, hindi na nakapagpasalamat si Hermes. Bigla nitong pinag-usapan ang request ng kanilang mistress. “Sabi mo gusto mong hanapin namin ang iyong ama… pero ni isa sa ‘min walang ideya kung saan siya nagpunta, mistress.” 

Pinikit ni Andrea ang kanyang mga mata. Na-visualize niya ang mga pangyayari sa fantasy novel. Pumunta nga pala ang tatay ni Freya sa Eagle Tribe, isa sa mga malalakas na uri ng beastmen. “Sundan natin siya sa Eagle Tribe.”

“Isang linggong paglalakbay ‘yan, mistress.” sumingit si Gin sa pag-uusap ng dalawa, na para bang bibigyan siya ng reward sa pagpresenta ng impormasyon. Pinagtinginan siya nang masama ng ibang beastmen. Bakit bigla siyang naging bibo sa babaeng grabe manakit sa kanila? Yumuko sa kahihiyan ang fox-man.

“Kaya kailangan na natin mamahinga. Lahat kayo. Ayusin niyo na ang mga kailangan para sa isang linggong paglalakbay. Sige na, at pagod na rin ako.” itinaboy ng nawindang na si Andrea ang mga beastmen. Siyempre, naiwan si Triton na hanggang ngayon ay nasa malaking sisidlan pa rin ng tubig. 

Sa kanyang “bagong” primitibong bahay, humimlay si Andrea sa higaang gawa sa balahibo ng mga hayop at tuyong mga dahon. “Pwede na rin.” isip niya. Nagkaroon na siya ng peace and time para pag-isipan ang plano niyang mabuhay nang matiwasay sa bago niyang mundo.

“Hahanapin ko yung tatay ni Freya para may proteksyon ako habang tuluyan kong iteterminate ang mga kontrata ko sa limang beastmen. Pagkatapos nun, puwede na ko maghanap ng beastman na gusto ko talagang maging partner! Hehe. Makakahanap ako ng cute at mabait, di tulad ng mga ‘to, medyo nakakatakot sila.” napa-isip siya sa mga posibleng mangyari habang hinahanap nila ang tatay ni Freya. 

“At least ngayon, medyo napa-kalma ko sila. Baka unti-unti ko ng ma-redeem tong si Mistress Freya. Pero di pa tayo sure. Hay.” napa buntong-hininga si Andrea. 

Inaantok na ang dalaga… at nakalimutan niyang kasama niya pa rin ang merman sa loob ng kuweba. Napaka-lapit na ni Andrea sa dreamworld nang biglang…

Amoy barbeque ang paligid!?

“Gusto mo ng niluto ko?” sumilip si Gin, ang fox-man na may kakulitan sa boses. Hawak niya ang isang malaking dahon na ginawang plato para sa mga niluto niyang baboy, barbeque style! 

“Kung kakainin mo ba tong gawa ko, bibigyan mo ba rin ako ng dugo?” nakangiting tanong nito.