Chapter 4: The Deal

Hindi maalis ni Lorraine ang panginginig ng mga kamay niya habang tahimik na nakaupo sa napakalawak na living room ng Zaragoza Mansion.

Pakiramdam niya ay mali pa rin ang lahat ng nangyayari. Talaga namang mali. Walang tama sa ginawa niya mula pa kahapon.

Mahigpit niyang yakap ang bag niya habang pasulyap-sulyap sa malalaking glass windows ng mansion at pilit na pinapakalma ang sarili. Humina na ang ulan sa labas ngunit nananatiling kulay gray pa rin ang kalangitan. 

Kanina pa niya gustong umalis pero hindi siya pinapalabas ng mga guards. At mas lalo siyang kinakabahan dahil wala pa ring sinasabi si Tyron tungkol sa dahilan kung bakit kailangan pa siyang pigilan.

Pakiramdam niya ay sasabog na ang dibdib niya sa sobrang kaba. Pati mga daliri niya ay nanginginig na at nilalamig pa. Parang ilang segundo na lang ay sasabog na siya.

Hindi niya alam kung ilang minuto na siyang naghihintay doon nang bigla niyang marinig ang mabibigat na yabag pababa ng hagdan.

Unti-unti siyang napalingon at doon niya nakita si Tyron.

Nakaayos na ito ngayon. Nakasuot ng itim na suit habang maayos na nakatali ang necktie nito. Bumalik na naman ang malamig at intimidating na aura nito, parang iyong lalaking kasama niya kagabi ay biglang nawala. Mas gusto niya ang personality nito kahapon.

Yeah, right! Napabukaka ka nga eh, tukso ng utak niya.

Muli siyang nailang. Mahirap paniwalaan na ang lalaking ito ay iyong taong humalik at yumakap sa kaniya buong gabi. Hindi lang basta yumakap at humalik kundi kinuha pa ang puri niya. Talaga naman, oo!

Hindi niya namalayang napayuko siya.

Samantalang si Tyron naman ay diretsong lumapit sa center table bago may inilapag doon. Inilapag nito ang isang tablet at tahimik nitong binuksan ang screen saka iyon itinulak palapit sa kaniya. Nagtatanong ang mga mata niyang tininingnan si Tyron.

“Look.”

Napakurap siya bago dahan-dahang tumingin sa tablet. At sa isang iglap ay parang nanlamig ang buong katawan niya.

Sunod-sunod na articles ang bumungad sa screen.

“Mystery Woman Spends Night Inside Zaragoza Mansion!”

“Tyron Zaragoza Finally Seen With A Woman!”

“Who Is Lorraine Montecarlos?”

Nanlaki ang mga mata niya at hindi siya lubos makapaniwala sa mga nababasa niya sa tablet ni Tyron. Mabilis niyang ini-scroll pababa ang screen habang mas lalo siyang pinanghihinaan ng tuhod sa bawat nakikita at nababasa niya.

May mga pictures siya habang pumapasok sa mansion kagabi. May pictures din habang palabas siya kaninang umaga. Kahit malayo ang kuha ay siya pa rin iyon.

At mas lalong lumala ang pakiramdam niya nang mabasa ang comments.

“Teacher daw pero mukhang gold digger.”

“Feeling innocent.”

“Tyron deserves someone better.”

“Baka naghahanap lang ng sugar daddy.”

Parang may humigpit sa dibdib niya. Hindi niya namalayang nanginginig na pala ang kamay niyang may hawak sa tablet.

“Hindi,” mahina niyang bulong habang namumutla. “Paano nila nalaman ‘to?”

Tahimik lang si Tyron habang nakatingin sa kaniya. Mas lalong sumikip ang dibdib niya nang mapansing pati pangalan ng school niya ay nasa articles na rin.

“St. Augustine Academy teacher Lorraine Montecarlos…”

Bigla niyang ibinaba ang tablet. Parang gusto niyang masuka. Hindi niya alam kung anong dapat maramdaman sa mga oras na to. Nag-mixed na sa dibdib niya ang mga emosyon na pwede niya maramdaman.

“Diyos ko,” halos pabulong niyang sabi habang napapahawak sa noo niya. “Masisira ako nito.”

At hindi lang siya kundi pati ang trabaho niya at ang reputasyon na iniingitan niya. Unti-unti siyang napayuko habang pilit kinokontrol ang panginginig ng katawan niya.

Samantalang si Tyron ay tahimik lang na nakatayo sa harapan niya. Ngunit sa likod ng malamig nitong mukha ay halatang galit ito.

“Someone leaked the photos,” malamig nitong sabi. “And now everyone thinks you spent the night with me.”

Napatawa si Lorraine nang mahina. Kung makapagsalita kasi ito ay parang hindi nangyari.

“But I did,” mahina niyang sagot.

Biglang natahimik ang buong sala. Maging si Tyron ay tila sandaling natigilan. Unti-unting napakagat sa labi si Lorraine habang pilit pinipigilan ang luha. Nakakahiya at nakakababa ng sarili. Hindi niya inakalang darating ang araw na mamomroblema siya ng ganito. Ni hindi niya lubos maisip na magkakaboyfriend pa siya eh.

“I’m sorry,” mahina niyang sabi habang nakayuko. “Hindi ko ginusto ‘to.”

Natahimik lang si Tyron pagkatapos ay umupo ito sa tapat niya at doon niya muling naamoy ang pabango nitong pilit niyang kinakalimutan mula kagabi.

“Listen carefully, Lorraine.”

Unti-unti siyang napatingin dito. Malamig ang mga tingin nito pero matalim ang mga mata.

“The scandal won’t disappear overnight,” diretsong sabi nito. “The media is already digging into your background and unfortunately, reporters are waiting outside your school.”

Nanlaki ang mga mata niya.

“A-Ano?”

“They’ll keep following you.”

“Then what am I supposed to do?” nanginginig niyang tanong.

Tahimik na tumitig si Tyron sa kaniya. At pagkatapos ng ilang segundo ay saka ito nagsalita.

“Pretend to be my girlfriend.”

Parang biglang tumigil ang mundo ni Lorraine.

“Ha?”

“To stop the rumors,” malamig nitong pagpapatuloy. “We’ll make the public believe that we’re dating.”

Nanlaki ang mga mata niya.

“Anong sinasabi mo?!” Tumayo agad siya mula sa sofa. Halos hindi siya makapaniwala sa naririnig. “You want me to lie to everyone?” nanginginig niyang tanong. “Hindi pwede ‘yon!”

“This is the easiest solution.”

“Easiest for who?” mabilis niyang sagot. “Para sa’yo?”

Sandaling nanahimik si Tyron ngunit hindi niya ito makitaan ng pag-aalinlangan. Na para bang ang mga pinagsasabi nito sa kaniya ay normal topic lang para dito. Pero para sa kaniya, big deal to. Ni hindi pa niya naranasan magkaroon ng boyfriend pero heto na naman si Tyron, may balak yatang kunin lahat ng first niya.

“Both of us benefit from this.”

“Benefit?” Napatawa siya nang mahina dahil sa frustration. “Nasira na nga ang pangalan ko! Ano pang benefit ang makukuha ko, aber?”

Mabilis ang paghinga niya habang nakatitig dito. Hindi niya maintindihan kung paano nito nasasabi ang mga ganoong bagay nang parang business proposal lang ang lahat.

“Listen to me first,” malamig nitong sabi.

“No!” agad niyang putol. “Hindi ako katulad ng mga babaeng kaya mong bayaran para sumunod sa gusto mo!”

At sa unang pagkakataon, parang may kung anong nagbago sa ekspresyon ni Tyron. Bahagyang tumigas ang panga nito ngunit nanatiling kontrolado ang boses nito.

“I’m not trying to insult you.”

“Pero gano’n na rin ‘yon!” Napasinghap siya habang mabilis na pinupunasan ang luha sa gilid ng mata niya. “Hindi ako magpapanggap na girlfriend mo,” diretso niyang sabi habang nakatingin dito. “Ayokong mabuhay sa mundo mo.”

Sinagot siya ng katahimikan ni Tyron, hindi agad ito nagsalita gaya ng inaasahan niya. Ngunit mas lalo siyang kinabahan sa pananahimik nito. Dahil hindi niya alam kung ano ang tumatakbo sa utak nito ngayon, kung ano ang mga pinaplano nito.

“Unfortunately,” mababa nitong sabi habang dahan-dahang tumatayo, “you’re already part of my world the moment you entered this mansion.”