Chapter 12: UNTOLD FEELINGS

CATTLEYA'S POV

"Why you didn't wake me up?" Pag-aalburuto ni Sir Luhan sa galit nang ipinaalam ko sa kanya 'yong ipinapasabi ng babae sa akin. "-And why you didn't stop her? Seriously? Wala ka manlang ginawa? How stupid you are!"

Halos mabingi ako sa pagtataas niya ng boses sa akin. Napaatras pa ako ng bahagya palayo sa harap niya dahil natatakot ako na batuhin niya ako ng mga pwede niyang mahawakan o 'di kaya naman ay pagbuhatan ng kamay. Nararamdaman ko na nanginginig na rin ang tuhod ko sa takot. Gustong-gusto kong tumakbo palabas pero hindi ko magawa. Para bang may sariling utak ang mga tuhod ko at ayaw nilang magsigalaw.

"Sir, sinubukan ko naman po na ientertain siya kaso naunahan niya lang po ako. Sa inaakto niya rin po kanina mukhang wala siyang balak magtagal upang mamalagi rito sa opisina niyo. Basta nakita ko po na dire-diretso niyang inilapag 'yang invitation card sa mesa niyo saka umalis na." Pagpapaliwanag ko. Nakayuko ako at hinimas-himas ang mga palad ko dahil sa takot