GUSTONG-GUSTO nang tumakbo palabas ni Carla nang mga sandaling iyon. How she wished, she didn't come. Si Evan ang kahuli-hulihang tao na gusto niyang makita. Rather, ang taong ayaw na niyang makita pa.
Tumawa si Brent. "Hopefully, my soon-to-be fiance kung sasagutin ako. Hindi ko pa siya girlfriend, pare. Plano ko palang sana ligawan siya ‘pag nagkataon." Tumingin ito sa kanya. "Carla, meet my friend, Evan. Evan, this is Carla," pagpapakilala nito sa kanila."Hi, Carla. Nice meeting you," saad nitong matiim ang pagkakatitig sa kanya habang nakalahad ang palad.Tinitigan lamang niya iyon. Ayaw niyang tanggapin ang pakikipagkamay nito.Nakahalata naman si Brent na parang natutulala siya kaya't tumikhim ito. Wala na siyang nagawa kundi ang tanggapin ang pakikipagkamay ng taong kinamumuhian niya.Tila may bolta-boltaheng kuryenteng nanulay galing sa palad nito papunta sa palad niya. Agad niyang binawi ang kamay mula rito nang maramdamang marahang pinisil nito iyon."Tol, nandito ka lang pala."Napabaling sila sa nagsalitang si Mark. Papalapit ito sa kanila. Kasama nito ang asawang si Nancy. Nagpalipat-lipat ang tingin nito sa kanilang tatlo na waring nagtataka kung bakit sila magkakasama.Tinabihan siya ng kaibigan, at palihim siya nitong siniko."Yeah, I've met the visitors here," pormal na sagot ni Evan.Tumango-tango si Mark. “By the way, tol, my wife, Nancy. You didn't come on our wedding kaya 'yan tuloy, ngayon mo lang siya nakilala," sabi nitong natatawa, sabay halik sa labi ng asawang si Nancy.Kinurot ito ng kaibigan niya. "Huwag ka ngang ganyan. Nakakahiya," sabi nito."Okay lang 'yan para naman mainggit si Evan at maghanap na ng mapapangasawa," saad ni Mark na napahalakhak."I will. I will marry someone..." saad ng binata na bahagya siyang sinulyapan.---NAIPANGAKO ni Carla sa sarili na iyon na ang kahuli-hulihang pagkikita nila ni Evan. Hindi na niya nakita pang muli ang binata, kaya naman balik sa normal ang buhay niya.Mag-iisang linggo na rin ang nakararaan nang mangyari ang hindi nila inaasahang pagkikita ng lalaki. As much as possible, she doesn’t want na mag-krus pang muli ang landas nila nang gabing iyon, kaya naman agad siyang pumuslit at iniwan ang nagkakasayahang bisita sa party. Ni hindi na niya nagawang magpaalam kina Nancy at Mark. Agad siyang nagpahatid sa bagong kakilalang si Brent. Tutal mukha naman itong mabait at mapagkakatiwalaan, kaya magaan ang loob niya rito.It was a Saturday. Wala siyang pasok sa bangkong pinagtatrabahuhan, so she planned her weekly general cleaning of the house. Linis dito, linis doon ang ginawa niya. Madumi na rin ang suot niyang damit at tagaktak na siya ng pawis habang nakatungtong sa mesa at nililinis ang kisame."Huh? Sino kaya 'yon?" tanong niya sa sarili nang mayamaya’y makarinig siya ng doorbell sa labas. Wala naman kasi siyang ini-expect na bisita.Naulit ang pag-doorbell, kaya naman dali-dali siyang pumanaog sa mesa at tinungo ang pinto.'Ikaw?' piping bulalas niya sa isip nang mapagsino ang kaharap. It was Evan!"Hi," bati nito sa kanya."W-what are you doing here? At paano mo nalaman ang bahay ko?" pormal niyang tanong.Ngunit imbis na sagutin nito ang tanong niya ay dali-dali itong pumasok sa loob ng bahay."Hey! I said, what are you doing here?!" asik niya. "You're trespassing. Basta-basta ka na lang pumapasok nang hindi ka naman pinapapasok!" galit niyang dagdag.Ngunit parang wala itong narinig. Bagkus ay dumeretso ito sa sulok kung saan nakalagay ang frame ng litrato niya. Kinuha nito iyon at tinitigan.Hahablutin na sana niya iyon pero naging maagap ito."You're still young on this photo," komento nito."So?!" pagtataray niya. "Akin na nga 'yan!" sabi niya. Halos umusok na ang ilong niya sa galit. “The nerve of you—” Nanlaki ang mga mata niya nang bigla nalang siya nitong kinabig, at iniharap dito. "A-ano ba! Let go of me!" galit niyang turan.Hindi ito natinag, bagkus ay nakatitig lang ito sa kanya. Para bang pinag-aaralan nito ang bawat detalye ng mukha niya.Mayamaya’y may kinuha ito sa bulsa ng pantalon. "You've got a dirty nose.” anitong pinahiran ang tungki ng ilong niya gamit ang panyo nito.Sa pinaghalong inis at gulat ay itinulak niya ang binata. "What are you doing here? I can't continue what I'm doing dahil nakakaistorbo ka lang!" asik niya."Ang taray mo na ngayon, ah!" he said, then smirked.Sasagutin na sana niya ito nang biglang mag-ring ang cellphone niya. Agad niya iyong kinuha sa lagayan ng TV. It was Brent calling."Hello, Brent. Napatawag ka?""Oh, sure! When?""Okay, no problem.""Bye," panghuling sabi niya. She ended the call after that.Muli niyang binalingan si Evan. Nasilayan niya sa mga mata nito ang galit. Pero bakit naman ito magagalit nang bigla-bigla? Kani-kanina lang ay parang okay naman ang mood nito. Ah, ewan!Lumapit ito sa kanya. Pormal na ang mukha nito. "I'll pick you up tonight. Seven PM, sharp," sabi nito habang nakatitig sa kanya.Bakit siya susunduin nito? Ano'ng mayroon? tanong niya sa isip. Nasa mukha niya ang pagtataka."Mom wants to see you." Tila nabasa nito ang mga katanungan niya.Nanlaki ang kanyang mga mata sa sinabing iyon ng binata.Mrs. Carmela Ricaforte was Evan's mother. Aaminin niyang napamahal ito sa kanya. Kaya nga parang ina na rin ang turing niya rito. Napakabait nito sa kanya. How she missed Tita Carmela. Pero bakit gusto siya nitong makita? Gayong matagal na silang wala ng anak nito—a decade perhaps."B-But why? I-I mean…" Hindi niya maituloy ang sasabihin sapagkat hindi niya alam kung paano isasatinig ang nasa isip niya."She misses you. I told her, you were on my party. Hindi siya naka-attend dahil na-confine siya sa hospital," pagpapaliwanag ng binata."I can't go—""You will go with me. That's final," madiing putol nito. "I'll drop you by seven PM," anito, saka tuluyan nang umalis.Nagtatakang sinundan na lamang niya ito ng tanaw.NAKARATING sila ni Evan sa mansyon ng mga ito—ang mansyon ng mga Ricaforte. They reached there quarter to eight.Walang itulak-kabigin si Carla. Napakaganda at napakalawak pa rin niyon. Napapalibutan iyon ng mga ornamental plants. May malaki ring swimming pool sa bandang gilid ng mansyon. The same house she had seen ten years ago, at mas lalong gumanda pa iyon ngayon.When they finally reached the main door ay sinalubong sila ng isang kasambahay."Where's Mom?" tanong dito ng binata. Pero bago pa man ito makasagot ay namataan na nila ang Donya na papalapit sa kanila."Carla, hija," salubong na wika ni Mrs. Ricaforte, sabay halik sa pisngi niya. Gumanti rin siya ng halik dito. Nagbeso-beso sila. "Mas lalo kang gumanda ngayon, ah. The pretty girl I used to know turned to be a beautiful lady now," nakangiti pa nitong sabi."Salamat po, Tita," aniyang sinuklian ito ng ngiti.Inakay sila nito papuntang kumedor kung saan maraming nakah
BENALEWALA na lamang ni Carla ang mga sinabi sa kanya ni Evan. She lived her life as if nothing happened. As if nothing has been said and done. Life must go on, ika nga.Nagpapasalamat naman ang dalaga dahil magmula nang gabing iyon ay hindi na nagpakita pa ang binata sa kanya. Maybe he wasn't serious, maybe he was just fooling around when he said those words. Ano pa ba ang aasahan niya sa isang manlolokong katulad nito?Tili ng kaibigan at katrabaho niyang si Joy ang sumalubong sa kaniya nang dumating siya nang umagang iyon sa pinagtatrabahuhan niyang bangko bilang teller. Agad niya itong nilapitan."Hey, Joy! Ano’ng nangyayari sa 'yo? Nakakita ka ba ng multo?" nagtatakang tanong niya rito."Loka!” anito. “Girl, may bunch of different colors of roses ka at imported chocolates doon sa counter mo. Take note, huh! Imported!" sabi nito na pinakadiin-diinan ang salitang “imported.”"Baka naman, hindi para sa 'kin 'yon," wika niya. Hindi siya
KASALUKUYANG nasa kumedor si Carla at kumakain. It was her day off. Wala siyang pasok sa trabaho kaya naman naglagi lang siya sa bahay niya. Tinatamad naman kasi siyang gumala sa mall.Magana siyang kumakain nang mayamaya'y nakarinig siya ng doorbell sa labas. Uminom muna siya ng tubig bago tumayo at dali-daling tinungo ang pinto."Carla, puwede favor?" bungad sa kanya ng kapitbahay at kaibigan niyang si Elaine. Karga-karga nito ang anak na walong buwang gulang pa lamang."Oo naman," tugon niya. "Ano 'yon?""Puwede bang iwan ko muna sa 'yo si baby? Wala kasing magbabantay sa kanya ngayon, eh. Umuwi ng probinsiya ang yaya niya. Emergency kasi. May trabaho naman kami ng asawa ko ngayon," paliwanag nito.Ngumiti siya. "Oo naman. Akin na si baby," saad niya.Inabot nito sa kanya ang anak, pati ang mga baby stuffs na dala-dala nito. "Pasensiya ka na Carla, ha?" hinging paumanhin nito. "Hindi ko naman kasi puwedeng iwan mag-isa si baby
"OUCH!" bulalas ni Carla nang may makabungguan siya sa supermarket ng isang mall. Nagpunta siya roon pagkatapos ng trabaho niya. Kulang na kasi ang stocks niya ng mga grocery items sa bahay. She was so busy sa pamimili kaya't hindi niya namalayang may tao pala siyang makakabungguan."Naku, I'm sorry, Miss," hinging-paumanhin ng lalaki.Ngumiti siya rito. Alam niyang may kasalanan din naman siya. "It's okay. May kasalanan din naman ako, eh. I was so busy sa pamimili kaya hindi ko namalayang may makakabungguan pala ako." Ngumiti ito. "Miss, ako nga pala si Brendon," pagpapakilala nito habang nakalahad ang palad sa kanya.“I’m Car—”"Oh, hon. Nandito ka lang pala," sabi ng baritonong boses na nagpatigil sa sinasabi niya. Inakbayan siya nito.Awtomatiko siyang napabaling para lang masilayan ang seryosong mukha ni Evan. Tiningnan niya ito ng masama. Hindi niya alam kung ano na naman ang pumasok sa koko
"MAG-A-ALAS-NUWEBE na, kanina pa 'ko rito. Sana naman may dumaan nang tax," mahinang sambit ni Carla sa sarili. Kanina pa siyang pasado alas-siyete nakatayo sa waiting shed na iyon. Sumasakit na ang mga binti niya at medyo nabasa na siya ng ulan, pero wala pa ring dumadaan na sasakyan. Malakas pa naman ang ulan, kumukulog at kumikidlat pa. Tila may nagbabadyang masamang panahon. Nakikita rin niyang umaapaw na ang tubig sa daan, hudyat na babaha na talaga. "Bakit kasi ngayon pa ako nag-overtime, eh."Nasa ganoon siyang pag-iisip nang mayamaya'y may tumigil na kotse sa harapan niya at bumukas ang window shield niyon."Hop in," sabi ni Evan habang binubuksan ang kotse nito.Napatitig siya sa binata. Hindi niya alam kung sasakay ba siya o hindi. Pero kung hindi naman siya sasakay, baka umagahin siya roon sa kakahintay ng taxi."Sakay na. Huwag ka nang mag-inarte riyan," waring naiiritang anito.Nainis siya sa sinabi nito, pero hindi na lang n
NAPAKASARAP ng tulog ni Carla. Napakahimbing na para bang ipinaghihili siya ng napakaraming anghel. Napakasarap ng pakiramdam niya nang mga sandaling iyon. Parang may isang anghel na masuyong humahaplos sa kaniyang pisngi at niyayakap siya. Ramdam niya ang init ng katawan nito, ang bawat paghinga nito, at ang bawat pagtibok ng puso nito.Pero bakit parang buhay ang anghel na iyon? Para itong hindi isang kaluluwa lamang."A sweet angel is sleeping beside me," narinig niyang sambit ng anghel na iyon.Napakasarap sa pandinig niya ang boses nito. At lalaki pala ang anghel na nakayakap sa kaniya ngayon. Para siyang idinuduyan nang mga sandaling iyon. Naramdaman na lamang niyang may mainit na bagay na dumapo sa kaniyang noo. Hinalikan ba siya ng anghel?"Kahit paulit-ulit mo akong tarayan at ipagtabuyan, patuloy pa rin kitang lalapitan,” narinig na naman niya ang masuyong boses na iyon ng anghel.Ang sarap sa pakiramdam na hindi siya kaila
WALA silang imikan habang nasa loob ng kotse ng binata at inihahatid siya nito sa kaniyang bahay. 'Buti na lang Sabado ngayon at wala siyang pasok sa pinagtatrabahuhang bangko. 'Buti rin at tumila na ang napakalakas na ulan kagabi at hindi na nagtuloy-tuloy pa ang bagyo.Napakaganda na ng sikat ng araw. Hindi niya alam at hindi rin niya maintindihan pero parang sumasabay ang aliwalas at ganda ng panahon sa nararamdaman niya ngayon, at sa naramdaman niya kanina nang gawaran siya ng binata ng napakasimpleng halik na iyon.Hindi namalayan ni Carla na napapangiti na pala siya sa isiping iyon."Hindi mo pa rin makalimutan ang halik ko, 'no?" ani Evan, saka tinapunan siya ng nakakalokong tingin.Hindi niya maiwasang pamulahan ng mukha sapagkat nahulaan nito ang dahilan ng mga ngiti niya. Hindi na lang niya ito pinansin. Nagkunwari siyang walang narinig. Ibinaling niya sa labas ng bintana ang mga paningin. Natatakot siya na sa sandaling makipagsagutan si
KASALUKUYANG naglilinis ng kaniyang silid si Carla. Kailangan na talaga niyang ayusin ang mga gamit doon at linisin dahil sa mga alikabok na nakakapit. Halos magkandaubo-ubo na siya sa mga alikabok na nandoon. Matagal-tagal na rin kasing hindi niya nalilinisan ang silid sapagkat masyado siyang abala sa trabaho. Wala naman kasi siyang kasambahay para gumawa niyon."Ang hirap talaga ng nag-iisa," bulong niya sa sarili habang nagwawalis sa ilalim ng kama niya. Ultimo kasulok-sulokan niyon ay hindi niya pinatos. She covered her nose nang maraming alikabok ang tila sumayaw sa ere. Nagkandaubo-ubo pa siya.She later sat on her bed sa matinding hapong naramdaman. Tagaktak na siya ng pawis at halos basa na rin ang T-shirt niyang suot. "Kung mag-leave kaya ako at magbakasyon sa probinsya? Miss ko na rin sina mama," kausap niya sa sarili. Nakapangalumbaba siya sa walis na gamit. "Hmmm! Bahala na. Saka ko na lang iisipin 'yon," she uttered, then continued cleaning her room.