Kabanata 16 : Captivated

Sobrang bigat ng pakiramdam ko ngayon. Parang may nakapatong na mabigat na bato sa ulo ko at tsaka sobrang nanghihina ang katawan ko.

Dinilat ko ang mga mata ko at hindi ko masyadong makita ang paligid dahil sa pagkahilo.

"N-nasaan ako..." Nanghihinang usal ko.

"Pre! Gising na ang prinsesa!"

Dinig kong sigaw ng isang lalaki habang umiikot pa ang paningin ko.

Ngayon ko pa lang napansin na nakatali pala ang kamay ko sa likod ko habang nakaupo sa isang silyang gawa sa kahoy.

Anong nangyayari? Nasaan ako? Si Archival?

Archival...

Biglang nagising ang diwa ko pag-alala sa pangalan niya at napatingin sa lalaking kalbo na nasa harapan ko. Wala nang piring ang mga mata ko kaya kitang-kita ko ang pagmumukha ng mga taong akala ko'y hinding-hindi ko na ulit makikita.

"Anong kailangan niyo sa akin!? Pakawalan niyo ako!"

Paos kong sigaw at pilit na kinakalas ang pagkakatali sa likod. Pero sobrang higpit nito na halos ram