Kabanata 03

“Jade.” Inangat ni Jade ang kamay niya. “Jade ang pangalan ko, ikaw, anong pangalan mo?”

“I’m Oliver.” At tinanggap ni Oliver ang kamay niya. “Tinatanggap mo na ba ang alok ko?” tanong niya pa.

“Gusto kong pag-usapan natin nang masinsinan iyan. Ayoko ng ganito lang.”

“Sure. Puwede tayong mag-usap sa isang coffee shop.”

Tumango lang si Jade bilang tugon kay Oliver. Samantalang si Oliver naman ay inaya na si Jade sa pinakamalapit na coffee shop. Um-order muna sila ng kape bago ipinagpatuloy ang kanilang pag-uusap.

“Bakit hindi ka na lang mag-asawa?” tanong ni Jade matapos s******p sa kaniyang kape.

“Ayokong mag-asawa,” kaagad na tugon ni Oliver. “I hate women,” anito pa.

Mabilis na napakunot-noo si Jade sa tinuran ng lalaki. “Bakit naman?” Nagkaroon tuloy siya ng interes kay Oliver.

“I am traumatized.” Bumuntong-hininga si Oliver bago nagpatuloy sa pagsasalita, “Niloko ako ng ex ko, at natatakot akong magmahal muli. Paano kung masaktan ulit ako?”

“Syempre, kailangan mong piliin iyong babaeng mahal ka rin. Iyong babaeng hindi ka lolokohin. Marami namang babae na hindi katulad ng ex mo,” wika ni Jade.

Sunod-sunod na umiling si Oliver. “Mas okay nga sa akin ang tumandang walang asawa. All I want now is to have my own child.”

Muling s******p si Jade sa kaniyang kape at halos isang minutong pinasadahan ng tingin si Oliver bago nagsalita. “Tinatanggap ko na ang alok mo. Kailan natin sisimulan?”

Pikit-matang tinanggap ni Jade ang alok ni Oliver dahil sa matinding pangangailangan. Kailangan na nilang matubos ang bahay nila sa lalong madaling panahon kaya kahit ano ay handa siyang tanggapin. Tapos na-scam pa sila kaya halos pagsakluban ng langit at lupa si Jade kanina. Nanghina siya.

“May tanong lang ako. May boyfriend ka na ba? Ayokong magkaroon ng conflict itong gagawin natin.”

Bahagyang natawa si Jade. “Wala akong boyfriend at…” Napakagat-labi si Jade. “At virgin pa ako…”

Namilog agad ang mga mata ni Oliver sabay sunod-sunod na napalunok. “Oh, I-I didn’t ask that part…”

“Virgin pa ako kaya hindi mo kailangang mag-alala. Wala pang nakakagalaw sa akin. Hindi ko kasi priority ang magkaroon ng boyfriend ngayon dahil busy ako sa pagtatrabaho.”

“Puwede na tayong magsimula mamayang gabi. We can do it in my condo. Pagkatapos, iaabot ko na rin sa iyo ang bayad ko.”

“Mamayang gabi na agad?” gulat na tanong ni Jade.

“Kailan mo ba gusto?”

“Puwede namang bukas o sa makalawa. Kailangan ko munang magpahinga, kakagaling ko lang kasi sa shift ko.”

“Sure, we can do it tomorrow night. Puwede bang makuha ang cellphone number mo?”

Kaagad na tumango si Jade kaya naman mabilis na dinukot ni Oliver ang cellphone sa kaniyang bulsa. Nang abutin niya iyon kay Jade, tinipa nito agad ang numero sa cellphone niya bago ibinalik sa kaniya.

“One last question, sigurado ka na ba?” paninigurado ni Oliver kay Jade.

“Kailangan naming matubos ang bahay namin kaya kahit ano, tatanggapin ko na. Wala na ang pera namin, hindi ko alam kung paano pa ako makakapagsimula.”

It’s a yes. Sunod-sunod na tumango si Oliver. Sandali pa silang nag-usap ni Jade bago tuluyang nagpaalam ang babae sa kaniya. Sinundan ng mga mata niya ang papalayong bulto nito hanggang sa tuluyan na itong mawala.

Malapad ang ngiti sa mga labi ni Oliver ng sandaling iyon. Hindi na siya makapaghintay para bukas. Gusto na niyang matapos ang araw na ito.

Ilang minuto pang nanatili si Oliver sa coffee shop bago niya napagdesisyunan na umuwi.

“PASENSYA na talaga, Jade. Hindi namin inakala na lolokohin kami ni Bestie.”

Pagkapasok pa lang ni Jade sa bahay nila, bumungad agad sa kaniya ang mama niyang hilam ang mga mata.

“Ma, wala na po tayong magagawa. Ang kailangan po nating gawin ngayon ay ipademanda iyang kaibigan niyo. Nakagawa na po ako ng paraan, matutubos na rin po natin itong bahay natin.”

“Saan ka nakadelihensya, anak?” nagtatakang tanong ng mama niya.

Bumuga nang marahas na hangin sa bibig si Jade bago sinagot ang mama, “Nangutang po ako. Huwag niyo na pong itanong kung kanino. Sige po, aakyat na po ako sa kuwarto ko at para makapagpahinga na po ako. May shift pa po ako mamaya.”

Hindi na hinintay ni Jade na makasagot ang mama niya. Pumanhik na siya sa kaniyang silid sa ikalawang palapag. Nang makarating, kaagad ibinagsak ni Jade ang sarili sa kama at tumitig sa kisame.

Iniisip niya kung tama bang tinanggap niya ang alok ni Oliver. Sampung milyon. Saan ka makakakuha ng sampung milyon ngayon? Kailangan lang niyang magbuntis sa anak ni Oliver, at dalhin iyon sa sinapupunan niya sa loob ng siyam na buwan. Wala nang pagpipilian si Jade ngayon. Bahala na kung ano ang mangyayari.

HINDI na namalayan ni Jade ang oras. Dumating na naman ang oras nang pagtatrabaho niya. Pumasok siya ng gabi, samantala ang iba niyang katrabaho ay pauwi na. At dahil sa napagkasunduan nilang dalawa ni Oliver, nagpaalam siya sa supervisor niya na hindi siya makakapasok sa susunod na gabi. Pumayag naman kaagad ito kaya naging smooth ang pagtatrabaho ni Jade hanggang sa matapos ang shift niya.

Kaagad siyang umuwi sa kanilang bahay at nagpahinga. Nang magising siya, hapon na. Sakto namang nag-ingay ang cellphone niya kaya kinuha niya iyon at nang makitang may tumatawag, sinagot niya agad iyon.

“Hello, sino ito?” Bungad niya.

“It’s Oliver, Jade.”

“Oliver, ikaw pala.”

“Magkita tayo sa Ayala Triangle Gardens. I’ll see you there at exactly 8 P.M.”

“Sige-sige.”

“See you there, Jade,” malambing na wika ni Oliver bago nito pinatay ang tawag.

Natatawang napailing si Jade. Ibinaba niya ang kaniyang cellphone at humikab. Kahit maaga pa, naghanda na siya. At dahil ito ang kauna-unahan niyang pakikipagtalik, sinigurado ni Jade na malinis ang buo niyang katawan. Nagkudkod siya para maganda at presentable siya sa paningin ni Oliver.