Kabanata 04

KINAGABIHAN, pasado alas-siyete y medya, walang paalam na lumisan si Jade ng kanilang bahay. At dahil malapit lang ang Ayala Triangle Gardens, nakarating agad doon si Jade. Nakaupo siya sa bench habang lumilinga-linga. Halo-halo ang nararamdaman niya ngayon. Kinakabahan at natatakot siya. Nanginginig din ang mga tuhod niya ng sandaling iyon.

Mayamaya pa, isang sedan ang tumigil sa harap niya. Bumaba ang bintana ng passenger’s seat at ibinungad noon si Oliver. Dali-daling lumapit si Jade rito. Pero kaagad siyang napakunot-noo nang makita ang mukha nito. Bahagya iyong namumula at ang mga mata nito ay namumugto.

“Anong nangyari sa iyo, Oliver?” nagtatakang tanong ni Jade sa lalaki nakangiti sa kaniya.

“I’m fine, Jade. You don’t need to worry. Let’s go.”

Napailing na lang si Jade at pumasok na sa loob ng kotse ni Oliver. At nang kukunin na niya ang seatbelt, bigla iyong kinuha ni Oliver at ito na mismo ang nagkabit noon sa kaniya. At dahil halos magdikit na ang mga katawan nila sa isa’t-isa, hindi mapigilang maamoy ni Jade ang lalaki. Tama nga siya ng hinala, lasing nga ito.

“Ipagpabukas na lang kaya natin, Oliver. Lasing ka, b-baka maaksidente tayo.”

“Hindi ako lasing,” giit ni Oliver. “Nakainom lang ako. Don’t worry, safe ka sa akin. Nakapagmaneho nga ako papunta rito, pabalik pa kaya?” May pagmamalaking ngumisi ang lalaki bago nito minaniobra ang sasakyan.

Napalunok na lang si Jade ng sandaling iyon. Kahit may nararamdamang takot sa pagkatao niya, pikit-mata na lang niyang hinayaan si Oliver sa pagmamaneho. At sa gitna nang pagmamaneho nito, bigla itong may inilapag sa hita niya. Chocolate iyon. Maliit lang at isang kagatan lang.

“Anong gagawin ko rito?”

“Kainin mo.”

Nag-aalangan pa sa una si Jade pero sa huli, kinain din naman niya. Natahimik na ang isa’t-isa ng sandaling iyon at para hindi maburyo, inaaliw ni Jade ang sarili sa pagmasid sa labas.

Ngunit makalipas ang ilang minuto, biglang nag-init si Jade. Bukas naman ang aircon ng kotse ni Oliver pero bakit ang init ng pakiramdam niya? Pinagpapawisan siya ng malamig ng sandaling iyon at wala siyang ibang ginawa kundi ang lumunok nang lumunok. Mas lalo pa siyang nag-iinit sa tuwing sinusulyapan niya si Oliver.

“Ang init,” asik ni Jade.

Napangisi si Oliver ng sandaling iyon at imbes na pansinin ang babae, hinayaan niya lang ito. Halos hindi mapakali si Jade ng oras na iyon hanggang sa tuluyan na silang makarating sa condo unit ni Oliver.

Hinubad ni Jade ang suot niyang jacket dahil mas lalo siyang nakaramdam ng init. Pero hindi pa rin iyon sapat. Mas lalo siyang nag-init. Hindi na mawari ng babae kung ano ang gagawin niya ng sandaling iyon.

“Hindi ko alam kung bakit init na init ako!”

Patuloy lang sa pag-asik si Jade ng sandaling iyon hanggang sa may mamataan siya sa kama. Kinuha niya iyon at napagtanto niyang mga chocolate iyon na katulad lang din nang ibinigay ni Oliver sa kaniya kanina. Binasa niya kung anong klaseng tsokolate iyon at napamulagat siya nang mapagtanto na niya.

“Oliver!” sigaw ni Jade.

“Yes, Jade?” At walang ano-ano’y niyakap siya ni Oliver mula sa likuran niya at napa-awang siya nang may maramdamang tumutusok sa puwetan niya.

Pumihit si Jade rito at mas lalo siyang napa-awang nang mapagtanto niyang hubo’t-hubad na si Oliver ngayon.

“Bakit mo ako pinakain nito?” tanong niya.

Ngumisi si Oliver at sinapo ang pisngi niya. Bahagya itong lumapit sa kaniya at halos maduling na si Jade ng sandaling iyon. Napalunok na naman si Jade. Kakaiba na ang nararamdaman niya at mas lalong tumaas ang antas ng init na nararamdaman ng buo niyang katawan.

Mayamaya pa ay inilapit ni Oliver ang bibig nito sa tainga niya. “Let’s start…” nang-aakit na sambit nito bago walang pasabing nilukumos siya nang mapusok na halik.

Kaagad nadala si Jade kaya sinagot niya agad ito. Pareho silang naging mapusok ng oras na iyon hanggang sa pareho na silang walang saplot at nag-iisa sa malawak na kama ni Oliver.

KINABUKASAN, naalimpungatan si Jade mula sa pagkakatulog nang tumatama sa mukha niya ang sinag ng araw. Bahagya niyang inipod ang ulo niya bago iminulat ang mga mata. At saka lamang niya napagtanto na bukas ang bintana. Bumaba siya ng kama at sinaraduhan iyon.

Pabalik na siya ng kama nang maramdaman niya ang sarili na ni isang tela sa katawan ay wala. Gagad niyang hinila ang kumot at itinabing iyon sa buong katawan niya. Naalala niya iyong nangyari sa kanilang dalawa ni Oliver kagabi. Pero nasaan ito ngayon? Bakit wala ito?

“Oliver!” tawag ni Jade sa pangalan ng lalaki.

Subalit walang tumutugon sa kaniya kaya naman lumabas siya ng kuwarto na balot pa rin ng kumot ang katawan. Nagtungo siya sa sala ngunit hindi niya ito nakita. Napailing si Jade at dinako ang kusina. At sa lamesa, may namataan siya. Nilapitan niya iyon at kinuha ang maliit na papel na may nakasulat.

‘Pasensya na kung hindi ako nakapagpaalam sa iyo. Kailangan ko kasing umalis nang maaga at may kliyente pa akong kailangan kitain. Don’t worry, hindi naman kita tatakasan. Nandiyan na rin iyong cheke. Thank you, Jade. I had fun last night.’

—Oliver S.

Kinuha ni Jade ang cheke na nasa lamesa at tiningnan iyon. Mabilis na naging emosyonal ang babae nang makitang hindi siya binigo ni Oliver. Katulad ng usapan, nakatala sa cheke ang halagang ipinangako nito. Sampung milyon ang nakatala sa cheke kaya halos hindi magkamayaw ang puso ni Jade ng sandaling iyon.

Matutubos na rin nila ang bahay nila. Sa wakas!

Dala ang cheke, bumalik si Jade sa kuwarto at nagbihis. Matapos magbihis, lumabas na rin siya ng unit ni Oliver. At habang nasa elevator, dinukot niya ang cellphone sa bulsa niya at nagpadala ng liham kay Oliver.

‘Salamat, Oliver,’ aniya.

Ilang segundo lang ang nakakalipas, nakatanggap agad siya ng reply mula rito.

‘You’re welcome. Huwag mong kalimutan iyong napag-usapan natin kagabi.’

Napangiti na lang si Jade at imbes na reply-an pa si Oliver, ibinalik na lang niya ang cellphone sa bulsa. Nang bumukas ang pinto ng elevator, kaagad na dinako ni Jade ang exit. Sumakay siya ng taxi pauwi ng kanilang bahay.

Nang araw ring iyon, naproseso na nila ang pagtubos ng bahay nila. Magandang balita iyon para sa pamilya ni Jade. At sa wakas, naibalik na rin ang rights ng bahay nila sa kanila. Masayang-masaya si Jade at sobra ang pasasalamat niya kay Oliver dahil kung wala ito, baka kung saan na sila pupulutin ngayon.