Chapter 36

"Tingnan mo...family picture." bulong ng kuya niya at may inaabot.

Nasa reception sila. Medyo madami din ang tao. Pinandilatan niya ito ng mata dahil picture nilang dalawa yun ni Shaun Dale kanina sa simbahan.

Bale dalawang kopya iyon. Yung una nakatingala siya dito kasi nga pinapangiti siya. Kung titingnan nga parang magkatitigan lang sila dito at walang kasamang bata. Yung ikalawa ay parang sila ang mag-asawang may kasamang anak.

A perfect family nga. Pero sa picture lang yun eh. Kukurutin niya sana ito ng bigla itong tumayo.

"Sshh!" sumenyas itong wag siyang magulo tapos itinapat ang cellphone sa tenga.

Pinabayaan na lang niya at wala sa loob na pinagmasdan niya ulit ang mga pictures. Sayang kung hindi lang nangyari yun. Napatingala siya nang maramdamang tila may nakatitig sa kanya. Pagtingin niya ay mga mata ni Shaun Dale na katapatan lang niya sa pabilog na mesang kinauupuan niya.

Mabilis siyang nag-iwas ng tingin.

"Dahlia," tawag ng kuya niya ng matapos makipag-usap sa cellphone