Chapter 43

Chapter 43

"Tara na?" tanong niya kay Shaun nang makalabas ng bahay.

Dagli nitong kinuha ng isang kamay nito ang bitbit niyang maleta at saka nito hinagip ang braso niya. Pinigilan niyang mapangiti.

Iginiya siya nito pasakay ng kotse saka nito inilagay sa compartment ang maleta niya.

Pakiramdam niya ay nakikipagtanan siya.

"Ready?" tanong pa nito nang ma-i-start ang kotse.

"Yup."

Napangiti ito sa sagot niya.

"Gusto mong magdrive thru?"

"Okay para may food tayo sa daan. Hindi na ko nakapagprepare, eh," sang-ayon niya.

Iniliko nito ang kotse sa natanawan nilang fast food chain na 24/7 nakabukas.

Naglabas kaagad ng pera si Shaun Dale at binayaran iyon saka iniabot sa kanya ang inorder niya.

Binuksan niya ang isang sandwich nang muli nitong paandarin ang sasakyan.

Pumiraso siya at itinapat sa bibig nito ang pagkain.

"Kain ka…" alok niya. Ngumiti ito at tinanggap ang isinusubo niya.

"Hindi pa nga ako nagdinner kanina."

"Eh bakit? Dapat hindi ka nag-i-skip ng meals," paalala