الفصل الثاني ... طبيب نفسي...

وبعد اربعة أشهر من ذلك الحدث جلس نفس الفتى أمام الطبيب النفسي يحدثه

_ حياتي زي ما هي يا دكتور مفيش فرق

نفس الشخص البائس بشوفه كل يوم قدام المرايه

شخص ببقي عاوز اقتله، شخص مهزوم، مخنوق غضبان من كل حاجه في حياته.

شخص كان السبب في موت أقرب الناس ليا، مفيش فايده يا دكتور من ايي حاجه، لا الادويه و لا الجلسات بتجيب فايدة.

تمالكت نظره معاتبة في عين الطبيب ورد

_ يعني ايه يا زين

أنت عاوز توهم نفسك بالفشل.

رفع زين وجهة ورد بهدوء

=لا انا فاشل بالفعل يا دكتور

ضرب الطبيب الطاوله بقوه بعدما خرج عن سيطرته و صاح به

_ يا ابني يا ابني انا بقالي عشرين سنة دكتور نفسي و اول مره تجيلي حالة تجيب لي تروما

يا زين يا ابني لازم تتابع علاجك

رمق زين الطبيب الجالس أمامه ببرود ورد

=علاجك ده مش بينفعني، انت ليه مش قادر تفهمني العلاج ده بيخليني تعبان اكتر.، منغير مشاعر زيي زي ايي روبوت لا قادر افرح ولا قادر أحزن مش قادر اعمل ايي حاجه، بيخليني ساكت ومش قادر اعيط ولا قادر اتكلم حتى.

اقترب منه الطبيب و مسك بيديه بقوة قائلا

_ زين يا ابني لازم تاخد العلاج، لازم المحنه دي تنتهي و ترجع لشغلك و لحياتك.

=" مفيش حاجة بتنتهي يا دكتور،

مفيش وجع هينتهي، ولا حزني على ملك هينتهي العلاج بس بيسكتني ويكتفني عن حزني مش بينسيني ملك.

ملك كانت صغيره اوي يا دكتور، افهمني.

كانت لسه بتبدا حياتها، كانت صغيرة و جميلة.. "

أكمل زين حديثه و هو يحبس الدموع في عينه و يعتصر قبضة يديه كما يعتصر قلبه

_ عاوزني انسي ملك يا دكتور و اتخطي موتها، ملك اللي كانت باقيه لي من ابويا و امي راحت هي كمان

انا خلاص يا دكتور حياتي خلصت و مستني موتى بس جايلك عشان تخليني اقدر استني موتي و مموتش نفسي.

كان ذلك الرد زين نابع من أعماق قلبه، فكيف تنتهي معاناه كان هو من بدئها... كيف يتخطى ليله فقدانه لشقيقتة..

ايام التعاسة تملئ حياته و ايام السعاده تنتظر عند مماتة.

نهض الطبيب من جواره و ذهب ليجري اتصالاً هاتفياً ثم عاد جلس جوار زين حتي دق باب الغرفه فأذن الطبيب بالدخول .

حينها اعتدل زين ليرى من الداخل لتقع عينه على فتاة ترتدي السترة البيضاء تبدو كطبيبه و على عيونها نظاره طبية و ابتسمت و تحدثت

_ طلبتني يا دكتور يحيى في حاجه

ابتسم لها الطبيب بتوسع ورد

= اتفضلي يا هدي

دخلت هدي بخطوات بسيطه و جلست على الاريكه مجاورة لزين فألتقتت عينها عينيه و نظرت له مستعجبه فتتذكر تلك الملامح جيداً.

قاطع تأملها صوت الطبيب يتحدث

_ هدى يا زين مديرة المستشفى و دكتورة معانا فى الطوارئ درست الطب في أمريكا و رجعت فتحت المستشفى دي.

القي زين نظره عليها و قال

= برافو

ابتسم هدى و تذكرته اكثر فردت

_ سوري يا دكتور انا مش فاهمه ليه حضرتك ناديت عليا خير؟

اكمل الطبيب حديثه

= هدي يا زين كانت مريضتي

كانت حالتها شبه حالتك تماماً والدتها توفت وهي في أمريكا ولما نزلت القاهره عرفت انها ماتت و محدش كان قالها،، ودخلت في تروما كبيرة

بس قدرت تتغلب عليه و تنجح و تكمل دراستها و بورثها من والدتها فتحت المستشفى دي.

علمت من يكون الشاب من نظره عينية التي سبق و رأتها

بداخله الفقدان ذلك الشعور الذي كان يقتلها

أطالت النظر له كعادتها فوجدت ملامح وجهه المستهزئه و رده المستهزء

_ برفوا يا انسه هدي بجد المره دي انتِ قويه جدا

ثم زفر بقوه و نظر للطبيب و قال

=المطلوب مني ايه بقا يا دكتور اقول ان لسه في امل و العبارات اللطيفة اللي بتتكتب على الفيس دي صح؟

سيناريو لطيف جدا من حضرتك.

ثم نهض و جذب مفتاح سيارته و هاتفه

_ بس مع الأسف يا دكتور مش هيتحقق السيناريو ده لأن مش كل الناس زي بعض

فنصيحه مني متقارنش شخص بشخص تاني.

لأن كل واحد فينا اتكتب له سيناريو محتلف

ثم نظر لهدي و ابتسم بهدوء و مد يديه لمصافحتها

= اتشرفت بمعرفتك يا دكتورة هدي.

ثم خرج زين من تلك الغرفة يسير سريعًا للخارج

لتتابعه هدى تخرج خلفه قائلا

_ زين زين استاذ زين

وقف زين و استدار لها قائلا

=خير يا انسه هدي

ابتسمت له هدي و قالت

_ سعيده اني شوفتك تاني و سعيده انك قررت تتعالج بجد خطوة رائعة وإن شاء الله تتحسن.

ضحك زين بسخرية و حك أنفه و قال

= اممم انا اسف.. بس مش فاكر اني شوفتك قبل كدة

عقدت هدي حاجبيها و ابتسمت بحرج

_ لا هو اكيد انا مش بشبه عليك أنتَ هو مش فاكرني انا كنت شوفتك من حوالي اربع شهور كده كنت واقف فوق سور و وقعت في النيل يعني مش فاكر حاجه بجد

رسمت بسمه بسيطه علي وجهه زين و ضحك بخفه

= انا اسف بس من اربع شهور انا مستحيل افتكر حاجه حصلتلي أيامها.. ده غير اني مش في مزاج افتكر لحظات رومانسيه زي دي بصراحه.

......

احرجت بشده من حديثة اللاذع هذا

هو لا يتذكرها ولكن لماذا هي مازالت تتذكر ذلك اليوم ..وتتذكر عينيه واسلوبه في الحديث.

..........

وفي الوقت ذاته، على بُعد أمتار في منزل هدى حيث العائلة الثرية التي لم يتبقى لها من دمها سوا شقيقها التوأم "يوسف" و زوج والدتها الذي تولى تربيتها واشرف علي مالها بعد وفاه والدتها "صادق"

كان يوسف توأمها جالساً أمام صادق الذي يصرخ بغضب:

ـ مش فاهم إزاي تيجيلي سفرية مهمة كده وخطوبة هدى ووليد فاضل لها أسبوعين!

زمّ يوسف شفتيه مصطنعاً الحزن:

ـ نعمل إيه يا بابا، لازم تتأجل.

اعتلت الصدمةُ وجهَ وليد الخطيب المنتظر لهدي:

ـ ليه يا جماعة كده؟ سافر إنت يا صادق بيه براحتك وإحنا نعمل الخطوبة.

رمقه صادق ببرود. بينما نظر إليه يوسف بسخرية خفية وصاح بقوة:

ـ إنت مجنون؟ مش عاوز صادق بيه يحضر خطوبتها؟ بابا سافر، وأنا هكلم هدى، هي زمانها محتاجة ترتاح تسافر الساحل شويه

نهض يوسف منتصراً وخرج من الغرفة. لحقه وليد وأغلق الباب خلفه وهو غاضب:

ـ سفر إيه وخطوبة إيه اللي تتأجل؟! يا يوسف

انا مش هسيب هدي ولو علي موتي

أمسكه يوسف من معطفه بقوة:

ـ قولتلك طلّع أختي من دماغك خالص يا وليد. هدى مش ليك ولو اخر نفس في عمري مش هجوزهالك

ـ أنا بحب أختك.

ـ وأنا هعمل كل اللي أقدر عليه عشان ما جوزش أختي لتاجر مخدرات زيك.

فلتت من وليد ضحكة ساخرة:

ـ تاجر مخدرات زيي؟ كلنا في الهوا سوا يا حبيبي، ده أكل عيش.

ابتلع يوسف الغصة:

ـ برضو لا. أختي لا.

على بُعد أمتار، توقفت قدم هدى.

سمعت كل شيء.

عائلتها، خطيبها، عالمها كله يبني علي المخدرات

ارتعشت قدميها بقوه وكادت ان تسقط ..

وفي الجهة الأخرى من المدينة، جلس زين في مكانه المفضل أمام النيل يدخن، يترك نفسه في دوامة أفكاره المعتادة.

حتى توقفت سيارة سوداء خلفه.

نزل منها ثلاثة ملثمين بسرعة واحكموا قبضتهم عليه قبل أن يتحرك. نظر إليهم باستسلام تام وقال:

ـ بالله عليكم قولولي إنكم هتموتوني بقا وأخلص.