الفصل الثامن

قالت ليل بصوت منخفض:

_علشان أهنته وقولته أنه مش محترم بيتنا ولا أهله، لأنه غدير جت عايزة بابا بس كان مشغول فقعدت مع فارس واتكلمت وهزرت بطريقة مكنتش حلوة بالنسبة ليا فقولتله إزاي يكلمها كدة وأنه بالشكل ده مش محترم أهل البيت اللي هو ضيف فيه وهو زعل ومشي.

رفعت رولا حاجبها بمكر وهى تبتسم إبتسامة جعلت ليل غير مرتاحة.

ليل بإنزعاج:

_بتبصيلي كدة ليه؟

رولا:

_لا ولا حاجة أصل حاجة جت على بالى فجأة.

ليل بنبرة جدية:

_قوليلي أنا فعلا غلطت فى حقه؟

رولا بتهكم:

_غلطتِ فى حقه؟ أنتِ كان ناقص تطرديه حرفيا من بيتكم ولسة جاية تسألي!

بان الضيق على وجهها:

_طب أعمل إيه دلوقتى؟

قالت رولا برزانة:

_قبل ما تفكري هتعملي ايه لازم تفكري الاول عملتِ كدة ليه.

أخفضت ليل رأسها بخجل: حسيت بإحساس وحش أوى وأنا شايفاهم قدامي وخصوصا غدير وهى قاعدة تتدلع عليه كدة.

سفقت رولا بيديها بحماس:

_يعنى كنتِ غيرانة عليه؟

لم ترد ليل وهى خجلة للغاية فضحكت رولا بقوة، ارتفع رأس ليل وحدقت إليها بضيق.

ليل:

_هو فيه حاجة تضحك فى مشاعري يا رولا؟

وضعت رولا يدها على كتفها:

_مش مصدقة بس أنك بتحبي يا ليل!

دق قلبها بقوة ورددت ورائها بدون استيعاب:

_بحب!

رولا:

_اه بتحبي علشان كدة زعلتي لما لاقتيه بيتكلم مع غيرك علشان كدة غيرتي عليه.

صممت ليل فى ظل هذه الإكتشاف الجديد، متى أحبته بالضبط؟ وكيف ذلك وهما لا يعرفان بعضهما سوى منذ أيام قليلة؟ لكنها تصدق الآن أنها تحبه بالفعل.

توقفت وهى تنظر لرولا بذعر:

_بس اللي أنا عملته!

أومأت رولا:

_لازم دلوقتى تعتذري له وتقولي له إنك مكنتيش تقصدي.

ليل بحيرة:

_بس هبرر اللي أنا قولته إزاي؟

قالت رولا بتفكير:

_ممكن مثلا تقولي له إنك كنتِ مضايقة فغصب عنك الضيق ده طلع فى شكل كلام مش مهذب منك.

قالت ليل بإبتسامة: ايوا معاكِ حق.

ثم عادت فعبست مجددا لتعقد رولا حاجبيها:

_فى إيه تانى؟

ليل بإحباط:

_أنا معرفش عنه حاجة.

رولا بذهول:

_نعم؟ إزاي ده؟

ليل:

_معرفش غير إسمه وأنه دلوقتى بيدير شركة باباه اللي مات بس حتى دى معرفهاش!

وضعت رولا يدها على ذقنها ثم صمتت قليلا حتى قالت بحزم:

_لازم تدوري عليه افتكري أي حاجة عنه مثلا مكان بيروح له أو أي حاجة ممكن توصلك ليه.

قالت ليل بإصرار: هدور عليه وهفضل أدور لحد ما الاقيه أن شاء الله.

وبالفعل هذا ما قامت به، حاولت التفكير فى جميع الأماكن التى يوجد بها أو يذهب إليها فلم تعرف لأنها قابلته مرتين فى الشارع ومرة فى المقهي، فكرت عندها أن تذهب للمقهي، ذهبت فى اليوم التالى مبكرا وقد انتظرت أن يظهر ولكن انتهي بخيبة أمل.

جلست على سرير بتنهيدة إحباط، تذكرت حين أنقذها لأنها كانت قريبة من بيته ولكن كيف تذهب إلى شارع لا تعرفه لتبدأ البحث فى مئات الإحتمالات الممكنة!

لم تيأس وقالت إنها ستذهب إلى المقهي كل يوم فهذا هو أملها الوحيد، استيقظت مبكرا وخرجت حتى أن والدها أستغرب منها ولكنها أعطته تفسيرا واهيا عن قضاءها اليوم برفقة أحد الأصدقاء ثم خرجت وجلست مجددا تنتظر أن يظهر، كان تنظر لساعتها وباب المدخل وهى تأمل أن يظهر وإلا عندها ستكون فقدته للأبد من حياتها.

حل المساء وكانت على وشك أن تيأس وتغادر حين دلف إلى المقهى فجأة ففرحت بشدة ونهضت، لم يراها فوقفت مكانها متوترة.

جلس على طاولة لوحده، أخذت نفسا عميقا ثم تشجعت وسارت إلى حيث يجلس.

رفع رأسه ثم اندهش عندما وجدها أمامه:

_ليل!

قالت بإبتسامة خجلة:

_ممكن أقعد؟

قال ببرود:

_ليه فيه حاجة؟ أنا كنت فاكر أنه خلاص مبقاش لينا علاقة ببعض من ساعة ما مشيت.

جلست وهى متوترة من حديثه:

_أنا عارفة أني غلطت ومن حقك تزعل بس أنا جاية أعتذر لك بجد عن اللى عملته أنا آسفة جدا يا فارس مكنش قصدي أني أقول الكلام ده.

رفع حاجبه:

_وأنتِ شايفة أنك اللي قولتيه سهل؟ وليه تقولي كدة أصلا؟

توترت بشدة فكيف تخبره أنها قالت ما قالته بسبب غيرتها من غدير؟

أصر قائلا وهو ينظر لها بقوة:

_لو عايزاني أقبل اعتذارك لازم أعرف ليه قولتي اللى قولتيه؟

لم تحبه ونظرت إلى أسفل وهى تنظر ليديها.

قال فجأة:

_ليل أنتِ غيرتي عليا؟

رفعت عيونها المندهشة إليه، أبتسم فجأة:

_ده السبب صح؟

فنهضت بسرعة وهى تقول بإرتباك:

_اا أنا همشي.

نهض هو أيضا بقول بإبتسامة:

_طب لو قولتلك أني أمبارح كنت ناوي أقولك أني معجب بيكِ هتصدقيني؟

شعرت بقدميها لا تحملانها فجلست:

_معجب بيا؟

جلس أمامها وهو ينظر لها بثقة:

_اه معجب بيكِ جدا بس لما اتكلمتِ معايا كدة حسيت إني شعوري ده من طرف واحد لأنك اهنتيني بكلامك فقولت أنه أحسن حل هو أنه أخرج من حياتك.

نظرت له مبهورة حتى أردف:

_أنا دلوقتى بعترف لك يا ليل أنى بحبك واتمني تكونِ حاسة نفس الإحساس ناحيتي ولو مش بتحبيني أنا مش هزعل لكن هحاول بكل الطرق أخليكِ تحبيني.

خجلت كثيرا ثم هزت رأسها إيجابيا فقال بانتصار:

_كنت حاسس، أنا مبسوط جدا يا ليل.

قالت ليل بخجل:

_طب إيه اللي هيحصل دلوقتى؟

قال فارس بحيرة:

_يحصل إيه مش فاهم؟

ليل:

_يعنى مش هتيجي تتقدم لي؟

هز رأسه بسرعة:

_أكيد طبعا بس

توقف عن الحديث فقالت ليل بتعجب:

_بس إيه؟

عبس وجهه:

_أنتِ عارفة يا ليل أنه وضع الشركة دلوقتى مش كويس ولو جيت دلوقتى هقول لوالدك إيه، طبعا مش هيوافق عليا لأنه أنا معنديش أي حاجة أقدمها ليكِ.

قالت ليل بتذمر:

_بس أنت بتحبني ودى أكتر حاجة تطمن بابا.

قال بنبرة جدية:

_وده مش كفاية لأي أب يا ليل، المهم أنه اللي يتقدم لبنته يكون عنده وظيفة ودخل ثابت وأنا حاليا مش واقف على أرض ثابتة ولو أنا كنت أب واتقدم لبنتي حد مستقبله مش مضمون هرفضه علشان كدة لازم نستني شوية علي ما أقف على رجلي وبعدين أتقدم لك.

ابتسمت له:

_اللى تشوفه مناسب وأنا هستناك.

أبتسم لها فنبض قلبها بقوة:

_نتقابل بكرة؟

أومأت برأسها:

_أكيد، هنروح فين؟

رفع كتفيه بلامبالاة:

_نخرج مع بعض شوية ونتفسح ايه رأيك؟

أبتسمت له وقالت بحماس:

_تمام متحمسة لبكرة.

نهضت ثم رافقها حتى سيارتها مع وعد لقائها يوم غد، عادت إلى منزلها تشعر أنها تكاد تطير من السعادة، سألها والدها عن سبب سعادتها فقالت له أنها سعيدة فقط ولا يوجد سبب محدد، ثم صعدت لتنام ونسيت أن تتصل برولا.

استيقظت فى اليوم التالى ثم اتصلت برولا وقد سردت لها ماحدث البارحة.

قالت رولا بحماس:

_ بجد بيحبك أنا مش مصدقة يا ليل!

ليل بسعادة:

_ولا أنا كمان ومبسوطة جدا يا رولا.

رولا بصرامة مازحة:

_قومي اجهزي يا يلا ولما ترجعي تقوليلي كل حاجة حصلت فاهمة؟

ضحكت ليل:

_طبعا!

استعدت وتزينت وهى تفكر به حتى خرجت من منزلها للقاءه، تقابلا فى مول قريب وتجولا به ثم تناولوا الغداء، كانت سعيدة برفقته فلم تهتم بأي شئ آخر.

كان يقف معاه ويتناولان الآيس كريم في جو من البهجة، كان يخبرها مختلف القصص والنكات فتضحك على طرائفه حين فجأة نظر وراءها وتبدلت تعابير وجهه كليا الذى كان يضحك منذ قليل، الآن أصبحت شاحبة وعينيه يظهر فيها نوع من الصدمة!