الفصل الأربعون النهاية

وفي الأسفل كان قد أتي والديها ومعهم حياة ومروان اما حسام لم يستطع الحضور

ناهد: نورتونا والله ياجماعة انا مبسوطة انكم وافقتم تقعدوا معايا علي ما الولاد يرجعوا من السفر

فتحي: يا مدام ناهد احنا أهل واحمد من يوم ماطلب ايد بنتي كنت متأكد انه هيحافظ عليها ومعزته عندي زي ياسين واكتر، ولما طلب مني نيجي نقعد علي مايرجعوا من السفر كنت متأكد انه مش عايز والدتهم تقلق عليهم مش تقليل ليكي لكن زيادة أمان

ناهد: بابتسامة، عارفة والله وبعدين انتوا منورينا

حياة: بصوت خافت لوالدتها، ماما هي نجلاء اتأخرت ليه هما مش هيقعدوا معانا شوية قبل ما يسافروا

الأم: وهي تلكزها،بس اسكتي

وبعد قليل من الوقت توجهوا للأسفل

مروان: وهو يحتضنه، اهلا اعريس، ليقول بصوت منخفض، وشك منور يبقي دخلت دنيا

ليقوم بلكزه في كتفه ويقول بصوت منخفض

أحمد: بس اسكت بلاش رخامة عشان منكدش عليك، واخلي حياة تبات هنا مع البنات

مروان: لااا ابوس ايدك، اتأخر براحتك يا برنس

ليتجه لوالدة زوجته، ازيك يا أمي عاملة ايه

الأم: بخير يا حبيبي تعيش وتدوم السعادة يا رب

أحمد: ازيك يا حياة، عاملة ايه، ليكمل بمكر،  لو محتاجة تغيري جو ممكن تخليكي هنا مع البنات علي ما نرجع

مروان: بصدمة، لاااا تغير ايه، انت متعرفش الجو عندنا ايه طراااوة، عندكم حر، صح ياتوتا

حياة: لتهم بالحديث ولكن بنظرة من زوجها يرجوها ألا تفعل، لا يا أبيه احنا بيتنا حلو، وبعدين انا مسيبش بيتي

مروان: يسلم لي العاقل، طيب انا هستأذن اروح شغلي وهاجي هنا اخد حياة انت هتمشي باليل اكون انا جيت

احمد: خلاص ماشي

ليغادر مروان وينسحب أحمد مع والد زوجته إلي الداخل ليتناقشوا في أمر هام،والصغيرات يلهون معا ويلعبون لايعكر صفو عالمهم البريئ شئ من أحقاد وشرور البشر، اما حياة فقررت مضايقة أختها قليلا

حياة: الا قوليلي يا نوجا هو انتوا اتأخرتوا ليه، كنتوا بتعملوا ايه هااه! !

الأم: بت يا حياة عيب كدة، انتي الجواز ضرب نفوخك ولا ايه

ناهد: بابتسامة،لا لسة شوية هي حياة وش ذلك

حياة: حبيبت قلبي يانهود ناصفاني شالله يخليكي

نجلاء: وهي تقترب منها بهمس، علي فكرة لو مبطلتيش رخامة هقول لمروان علي موضوع الفراخ

حياة: وهي تبتلع ريقها، لا هتسيحيلي يانوجا حبيبتك انا، لتكمل بصوت مرتفع كنتي بتجهزي عشان السفر صح

نجلاء: وهي تجلس بغرور مصطنع، شاطرة هو ده بالضبط

الأم: حبيبتي تعالي قربي عاوزاكي،

لتأتي ناهد للمغادرة وهي تأخذ حياة معها لتوقفها وتخبرها ان هذا ليس سرا عليها

ناهد: طيب تعالي معايا جوة يا حياة

نجلاء: ماما ناهد راحة فين، خليكي معانا انتي كمان مامتي ومن حقك تطمني عليا

الأم: طبعا ياحبيبتي هي دي بنت الأصول، ودي بنتي اللي ربتها، المهم  قوليلي عينيكي بتلمع، ووشك منور من السعادة

نجلاء: انا الحمد لله كويسة ومبسوطة، واحمد أحلي حاجة حصلتلي في حياتي انا هريحكم عشان تطمنوا، انا بحب احمد فوق ما تتخيلوا، وهكمل عمري الجاي كله معاه، ومستحيل ابعد عنه لأنه روحي اللي ساكنة جوايا، هو العوض اللي ربنا رضاني بيه

....... 

بداخلالمكتب كان يتحدثان في مجري القضية وما سيحدث مع نيهال ومجريات القضية، ولكنه قرر تأجيل كل شئ يخصها لحين عودتهم من السفر، ليرن هاتفه ويجده حسام ليذهب للخارج ليحدثه ويتفق معه عن الأمور الخاصة بالعمل، لتدخل المكتب وهي تحمل كوبين من القهوة لتجد والدها وعينيها تبحث عن من ملك قلبها ليلاحظ والدها ليبتسم وهو يقول: احمد بيكلم حسام في الشغل روحيله انا هشرب قهوتي برة

نجلاء: اااحم لا يابابا خليك انا

فتحي: حبيبت ابوها مش عيب لما تدور علي جوزها وملك قلبها

ليتركها ويغادر لتتجه لزوجها فكان يتحدث بالهاتف وظهره لها لتحتضنه من الخلف وتضمه كن يتعلق بطوق نجاته، لينتبه لها ويغلق الهاتف

احمد: مكنتش اعرف اني وحشتك اوي كدة

نجلاء: انت قدام عيني بتوحشني

احمد: طيب يلا نطلع للناس اصل يفهمونا صح،وبعدين شوشو بيلعب في دماغي علي الآخر

ليتجهوا للخارج وبعد قليل كانوا تجهزوا للمغادوة بعد بكاء الأطفال ووعد بالرجوع في أقرب وقت

**********************

هنالك في مدينة باريس الساحرة كانت تستمتع بأحضان زوجها وهو لم يبخل عليها بحنانه ،بل كان يعاملها كأنها قطعة من الزجاج يخاف عليها ان تكسر، كان يعوضها عن كل الحزن والألم التي عايشته، كان يبدوا وكأنه بريد أن يمحوا أي أثر لكل ذكري سيئة حدثت، كان يريد استبدالها بذكري جميلة معه، فظلوا يومان يتجولان في أنحاء المدينة. وكانت السعادة تميز. رحلتهم. ،وفي المساء كانت بطلتنا تقف بشرفة الغرفة شاردة مع ابتسامة رائعة، ليأتي زوجها ويحتضنها من الخلف ،لتضم يديها معا كنوع من الشعور بالأمان

أحمد: حبيبتي سرحانة في ايه مخليها مبتسمة، كدة وانا مش معاها

نجلاء: لتلتفت وتنظر لعينيه، سرحانة فيك وابتسامتي انت السبب فيها

أحمد: لا لا مقدرش انا علي الكلام ده، نوجا قلبي ايه اللي قلقك

نجلاء: لترفع عينيها وتنظر له بحب ينبع من داخل عينيها مصدره نبضات قلبها، فهو يفهم ما بها دون حديث،

سرحانة فيك، وفي السعادة اللي انت السبب فيها، بصراحة انا خائفة، خائفة السعادة اللي انا حاسة بيها دلوقتي تتحول لألم ووجع، بقيت خائفة من الحزن، خائفة انك تكون حلم واصحي الاقي نفسي في العذاب من تاني، خائفة و

أحمد: ليضمها بقوة، حبيبتي اوعي تخافي وانا معاكي، وان شاء الله طول ماربنا مقدرني ها سعدك ياقلبي الا لو مت

نجلاء :وهي تخرج من أحضانه تضع يدها علي فمه بسرعة، بعد الشر عنك اوعي تقول كدة، انا مقدرش اعيش من غيرك انا حياتي معرفتش  لها معني الا جنبك، احمد انا قلبي معرفش يعني ايه حب الا معاك، مكنتش اعرف يعني ايه قلبي يحب، لو بعدت عني انا ممكن اموت،لتسقط دموعها

أحمد: وهو يقبل يدها ويزيل بإبهامه دموعها،  بعد الشر عنك ياقلب احمد ،وبعدين انا معاكي وعمري ما ابعد عنك،

بس انا حاسس ان لسة في حاجة كمان قلقاكي

نجلاء: بصراحة، هو هو يعني ايوة

أحمد: باستغراب، ايه اللي مخليكي قلقانة كدة!!

نجلاء: بص من غير عصبية، يعني هو بخصوص نيهال

احمد: وهو يحاول الهدوء، مالها زفتة دي

نجلاء: بهدوء وهي تحتضن وجهه بيديها، حبيبي انا عارفة انها أذتك كتير، بس هي مهما كانت مامت نور ولو اتسجنت ده هيأثر علي نور لما تكبر وممكن تزعل منك عشان كدة ممكن تخرجها مع شوية إجراءات

أمان من ناحيتها، لتبعد يدها بارتباك، وكمان انا حاسة بالذنب نحيتها، لأني لأني يعني ضربتها، لتسرع في القول، والله ده مش طبعي، بس بس هي جات هانتني وغلطت فيا وانا بصراحة يعني كان جوايا بركان من كل حاجة حصلت، وحظها السئ انها جات في الوقت ده، وطلعت غلي فيها

أحمد: حبيبتي نيهال من الأشخاص الغير قابلين للإصلاح، ده غير انها دايما شايفة نفسها أحسن واحدة، ليقربها إليه وهو يحيط وجهها،  حبيبتي انا عارف ومتأكد انك كنتي هاتقولي كدة لأن البراءة والطيبة اللي جواكي مستحيل تأذي حد، وكمان كنت عارف ان اللي حصل ده كان انفجار من متر الضغط علي أعصابك

نجلاء: يعني هتخرجها ؟

احمد:-بتنهيدة، ولو اني مش مقتنع بس اللي حبيبتي تأمر بيه يتنفذ بس انا عايز مكافأة

نجلاء:-لتضع قبلة علي خده

أحمد :-بسخرية انتي بتبوسي ابن اختك

نجلاء:- بضحكة، اختي لسة مخلفتش

أحمد:-ما هو ياروحي دي بوسة ابن اختك، تعالي اعلمك تكافئيني ازاي بضمير

............................. .