الفصل التاسع والثلاثون

وفي المنزل بعد ان استعد الجميع وأصبح كل شئ علي أكمل وجه، وحانت لحظة قدوم أبطال الحفل، اما أحمد فقد أرسل فستانها سابقا وكانت حياة وإيمان بانتظارها،ليساعدوها بارتدائه

اما عند وصولهم فقد كانت الأضواء مغلقة لتقلق علي الصغار

نجلاء: أحمد هو ليه النور مطفي وفين البنات

لتجد الأنوار أضائت وتجد الجميع باستقبالها فهي كانت لاتتذكر ان اليوم هو ذكري مولدها

لتلمع الدموع بعينيها ولكن تأخذها إيمان وحياة سريعا للأعلي وبعد قليل تنزل وبجانبها

أطفالها الأربعة ليبدأ الحفل ولم تشعر بالسعادة كما تشعر بها الآن تريد أن ترتمي بأحضانه وتبوح له بمكنونات قلبها ولكن هيهات وبعد قليل من الوقت غادر الجميع وذهب كل منهم لمملكته ليصعدا هم كذلك لمملكتهم ليدخل الغرفة بعد توديع أصدقائه يجدها تقف بمنتصف الغرفة وهي ترتدي ثوب أبيض قصير ذو حمالة رفيعة من الأعلي ذو قصة بسيطة ولكنها كانت فاتنة رغم بساطتها وخلو وجهها من مساحيق التجميل لكن كان جمالها طبيعيا ليتصنم محله ولم يستطع التحرك فخطوتها هذه دليل قوي علي انه قد نجح في معركته وحررها من قيودها ليقترب منها

ولكنها تمنعه من الحديث عندما تضع يدها علي فمه

نجلاء: اسمحلي انا اتكلم النهاردة،  لتحاول التخلص قليلا من خجلها أمام زوجها. احمد انا بحبك وهفضل اقولها لآخر يوم في عمري   انا بحبك، وقلبي معرفش دقاته غير لما حبك

،كان خايف وبيهرب منك، بس مكنش يعرف ان أمانه ومرساته هنا

لتضع يدها علي قلبه

أحمد: نجلاء، مش خايفة من كلام الناس لو عيشتي حياتك يقو

نجلاء: ميهمنيش حد غيرك انت ليا كل الناس، ومش عاوزة رأي حد غيرك، ومش عاوزة أمان غير حضنك

أحمد: وهو يأخذها بأحضانه ،وانا وقلبي وحضني وكلي ليكي انت وبس، ليبدءا حياتهم معا وتسطر حروف عشقهم معا بعد ما صبرا علي كل الشدائد التي مروا بها لتبدأ ليلة أبحرا فيها لعالم يخصهم عالم ليس به سوي عشق وحب وعطاء ووفاء، وهو العشق الحلال

***************************

في البداية احب اقولكم ان انا كان نفسي الرواية تكون أطول منذ كدة، لكن لقيت ان الأحداث لو طولت عن كدة هتبقي مط خصوصا ان انا ناقشت القضية اللي في الرواية ووضحت ازاي البطلة قدرت تتغلب عليها، وان حياتنا محدش له الحق انه يدخل فيها، طالما مبنعملش حاجة غلط، وكلام الناس مش قانون ولازم

نمشي عليه، لأن للأسف أوقات كتيييير جدا اللي بيتكلم بيكون قصده الشر، والعادات السيئة اللي في مجتمعنا وأصبحت رئيسية في حياتنا كلنا ،ارجو ان نتحرر جميعا من دائرة العادات والتقاليد،الفصل الجاي هيكون الأخير كان نفسي الاقي التشجيع اللي يخليني اكتب واتعمق في الكتابة بس الفصل الأخير هيكون طويل وهيكون ميعاده يوم الأربع القادم ولو خلصته بدري هنزله وبشكر البنات القمرات اللي دعموني وبجد انتوا احسن حاجة طلعت بيها من هنا شكرا ليكوا

اسفة للإطالة

.......................

في غرفة أبطالنا بعدما عاشوا معا اولي خطوات السعادة، نري بطلنا قد استيقظ ولازالت بطلتنا نائمة بعمق،وبعد قليل تستيقظ ولكنها لم تنتبه لمن يتطلع إليها

أحمد: حبيبي صباح الخير

نجلاء: بابتسامة خجولة، صباح النور، اسفة بس انا محستش بنفسي،أول مرة انام بالعمق ده، او انام مطمنة أصلا

أحمد: وهو يأخذها بأحضانه، اولا متتأسفيس علي حاجة ياقلبي، ثانيا انا فعلا أمانك، ولو مقدرتش احسسك بالأمان يبقي ما استهلكيش،

وبعدين انا أسعد واحد في الدنيا دي النهاردة

نجلاء: ليه!

أحمد: عشان العسل ده  مبقاش يخاف من كلام الناس،وكمان  رضي عني وعيشت معاه أجمل لحظات عشتها في حياتي

نجلاء: وصوتها لايكاد يظهر من شدة الخجل، لحظات ايه!

أحمد: بابتسامة واسعة، كل لحظة عشتها معاكي من يوم ماشوفتك، واللحظة اللي ملكتك فيها، نجلاء انتي متعرفيش حياتي مع الحية اللي اسمها نيهال دي كانت عاملة ازاي، العلاقة بينا كانت بتكون زي الغصب، وكانت جريئة لأقصي درجة

،لتتغير نبرته وتلاحظ هي ضيقه من ذكر الأمر،  لكن معاكي وبالرغم انك كنتي متجوزة

لكن عشت معاكي كل حاجة زي ماكنت عاوز،

كنتي بنت في كل تصرفاتك ، حيائك خلاني اتمني اني اقابلك الأول، واكون أول انسان في حياتك

نجلاء: مش يمكن لو كنت قابلتني الأول مكنتش اعجبك! كل حاجة في حياتنا ربنا مرتبها، لقانا له معاد، بالرغم اني باشتغل في الشركة عندك بقالي أكثر من سنة لكن عمري ما شوفتك، كل حاجة ربنا له حكمة فيها

أما وهو ينظر لها ويتعمق في النظر الي عينيها ليقتطف منها ماهو حقه الشرعي، وبعد قليل ينظر لها ولعينيها المغلقة ليتذكر أمرا ما

احمد: نجلا، هو انتي ليه مسألتيش عن شبكتك زي أي عروسة! !

نجلاء: شبكت ايه انا عمري ما اهتميت بحاجة زي كدة، أهم حاجة عندي اني احس الأمان اللي انا حاساه في حضنك، حبك ليا وللبنات ده أحلي من كنوز الدنيا كلها

أحمد: طيب قوليلي احب فيكي ايه اكتر من كده، عموما استني ثواني

ليفتح احدي الأدراج ويخرج منها علبة مخملية ،ويفتحها لها لتنظر له بصدمة

نجلاء: احمد 🤭🤭🤭😳😳😳دي ال

أحمد: بابتسامة جميلة، ايوة يا قلب احمد دي الشبكة اللي انتي اخترتيها يوم شبكة ايمان وحسام

لتنفرج شفتيها عن ابتسامة تكاد تصل بها عنان السماء لتدرك انها كانت تختار ما لها وهي لا تدري

نجلاء: يعني انت خلتني اختارها ليا، نطيب انت وقتها قولت مراتي!

أحمد: حبيبتي انت فعلا مراتي وانا قدمتهالك وانت مراتي، وكمان في السرير اهو، بذمتك عمرك شوفتي عروسة لبست شبكتها في السرير

نجلاء: بابتسامة واسعة، الصراحة عمري،

بس عمري ما تخيلت انك تحبني تعرف انا كان تفكيري ايه وقتها

أحمد: ايه!

نجلاء: ان مامتك تفكر اني بعمل كدة قصد او اكون برسم عليك

احمد: اصلا ماما كانت عارفة اني انا اللي برسم عليك،ا لكل كان عارف يا حبيبتي

نجلاء : بجد انت بتهزر، يعني انا اللي كنت مغفلة

أحمد: حبيبتي انتي اللي كنتي حابسة نفسك ورافضة تخرجي، بس الحمد لله خرجنا أجمل وأرق نوجا

لتخجل، ولكنه يتابع: بصي ياروحي احنا هنسافر النهاردة فرنسا عشان العقد اللي مع الشركة الفرنسية

نجلاء: طيب هنسيب البنات

أحمد: ايوة مينفعش ييجوا معانا ليقول بمكر  عشان هنكون مشغولين

نجلاء: بس انا عمري ما بعدت عنهم

أحمد: متقلقيش، وبعدين باباكي ومامتك هيكونوا معاهم كمان علي مانرجع

نجلاء: ايوة بس

احمد: هنكلمهم كل يوم متقلقيش المهم في كلمة سر لازم اقولهالك قبل ما العيال يصحوا

نجلاء: كلمة ايه!

احمد: تعالي قربي عشان اقولك

ليبحرا لعالم عشقهم

*****************************