حين فضح الحب نفسه

ريمان : انا طبعا 

سامح : لا مينفعش هو انتى بتعرفى تسوقى 

ريمان : اه طبعا آمال فاكر ايه انا مشكلة اصلا مفيش حاجة معرفش اعملها أنا بعرف اعمل كل حاجة متخفش مش هعمل بيك حادثة تانية ارتاح انتا بس على الكرسى التانى 

سامح : مين علمك السواقة 

ريمان : يوسف اخويا مفيش حاجة اطلبها منو غير لو عملهالى وعلمنى السواقة بس انا ليا فترة مركبتش عربية بس لسه منستش السواقة طبعا 

سامح : انتى بنت عجيبة فعلا أوقات كتير بحس انك بنت متقمصة شخصية ولد 

ريمان : هههههه نفس الكلام إلى بتقولهولى ماما بس عادى انى اعيش حياتى زى منا شايفة وانى أعيشها بكل معنى فيها دة شئ يخصنى انا مليش دعوة بكلام الناس لأن كلام الناس تحت الرجل ينداس وبعدين فى حد دلوقتى بيخاف من كلام الناس 

سامح : اكيد فى 

ريمان : اكيد بس كلام الناس مش فى قاموسى بابا قالى كدة لأن الناس ما بتصدق تلاقى غلطة لحد علشان يفضلوا يحكوا فيها ويعملوا فضايح فا كلام الناس بالنسبالى كلام فارغ مش باخد بيه مدام انا عارفة بعمل ايه وعارفه انى صح مش غلط فا مليش دعوة بكلام الناس 

سامح : بجد انتى بنت بمية راجل عجبانى جدا شخصيتك مرحة وودودة وطيبة وجميلة وشقية ....

ريمان: احم ايه حيلك حيلك انتا بتعاكسنى ولا ايه 

سامح : لا ابدا بس بوصف إلى شفته بعينى 

ريمان : على العموم حصل خير إدينا وصلنا 

سامح : الله دى الفيلا بتاعتنا 

ريمان : ايوة آمال انتا فاكر ايه 

سامح : المفروض انا إلى أوصلك 

ريمان : مش مشكلة مرة تانية أن شاءالله أصل مش هينفع تسوق ودراعك كدة لما تخف ابقى وصلنى ليا عندك توصيلة كدة خالصين 

سامح : لا طبعا مينفعش ازاى هتروحى لوحدك 

ريمان : ولا يهمك انا هعرف اروح لوحدى انا مش صغيرة وبعدين انا سليمة أنتا إلى تعبان المفروض انك تاخد الدواء وتربط دراعك وتنام علشان تخف بسرعة وياسيدى انا وعدتك ليا عندك توصيلة وحمدلله على سلامتك مرة تانية وخد بالك من نفسك ومتفكرش كتير فى الكلام إلى حكتهولى فى العربية كانى نسيته اصلا وإنتا كمان أنساه ومتنساش تقول لعلياء أنها تجهز نفسها علشان هنروح بكرة الرحلة سلام 

سامح : سلام 

كان سامح يتحدث مع نفسه 

غريبة قوى البنت دى صحيح بتتكلم كتير بس كلامها جميل جدا دى لو سكتت فى يوم تبقى حاجة عجيبة بنت جميلة وجدعة بجد اول مرة فى حياتى اقابل بنت بالشخصية دى عجبتنى فعلا 

ضرب سامح رأسه لتفكيره بريمان على أنه إعجاب وقال 

ايه إلى انا بقوله دة فوق يا سامح فيه ايه معقول انا أعجبت بيها دة انا مشفتهاش غير مرتين بس ازاى لا لا لا دة بس علشان مش متعود على اهتمام حد بيا مش اكتر متفكرش كتير يا سامح ريمان زى علياء فوق لنفسك 

وبعد ذلك ذهب سامح إلى داخل الفيلا وذهب إلى غرفته لحتى يتجنب التفكير فى ريمان وبعد ذلك ذهب لعلياء ليبلغها بما حدث 

سامح : ممكن ادخل 

علياء : اتفضل يا سامح 

سامح : عاملة ايه دلوقتى 

علياء :كويسة وإنتا ايه دة مال دراعك حصل ايه 

سامح : ولا حاجة اتخبطت بس بقولك 

علياء : قول مالك 

سامح : جهزى شنطتك علشان الرحلة بكرة 

علياء : رحلة ايه مش بابا قال انى مش هطلع

سامح : لا ما خلاص بابا وافق 

علياء : بجد ازاى 

سامح : ما انا كلمته وقولته أن عندى شغل هناك وهروح معاكى وصحبتك ريمان كلمته بردو فوافق انك تروحى 

علياء : بجد شكرا قوى يا سامح ربنا يخليك ليا 

سامح : متشكرنيش اشكرى صحبتك هو لولا هى بردو مكانش بابا هيوافق ويلا بلاش دلع جهزى شنطتك سلام 

ذهبت علياء إلى خزانتها لحتى تأخذ ما تحتاجه فى الرحلة لحتى لا تتأخر أكثر من ذلك فإن الرحلة غدا !

وبعد ذلك ذهبت إلى غرفة سامح لكى تأخذ منه هاتفه لتتحدث مع ريمان لأن هاتف ليس بحوزتها وأنها فقدته منذ آخر مرة 

علياء: احم..ممكن ادخل 

سامح: ادخلى يا ريمان 

علياء: احم احم صحى النوم انا علياء يا سامح ايه إلى هيجيب ريمان هنا هو فى ايه بظبط ايه الحكاية انا مش فهمالك حاجة اليومين دول 

سامح: فى ايه يعنى هتكبرى الموضوع ليه كل دة علشان غلط فى اسمك اصلى مش مركز وكنت بفكر فى شغل بكرة فى ايه متعطلنيش كنتى جاية ليه 

علياء: فى ايه أهدى خلاص ياعم مكنش سوال 

سامح: طيب قولى عاوزة ايه؟ 

علياء: عاوزة تلفونك

سامح: نعم ليه بقى !

علياء: انتا نسيت ولا ايه مش قلتلك أن تلفونى ضاع منى عاوزة اكلمك ريمان دلوقتى علشان اعرف هقابلها بكرة ازاى هتفق معاه 

سامح : ماشى ياختى تلفونى فى جيب الجاكت روحى خديه 

علياء: ماشى يا غالى شكرا 

ذهبت علياء وأخذت الهاتف وتحدثت مع ريمان 

ريمان: رن رن .... الو ازيك يا سامح أخبار دراعك ايه دلوقتى 

علياء: الو انا علياء يا ريمان 

ريمان : اه ازيك يا علياء عاملة ايه 

علياء: كويسة الحمدلله وانتى 

ريمان: تمام الحمد لله انتى أخبار رجلك ايه 

علياء: كويسة مش المشكلة فى رجلى دلوقتى 

ريمان: آمال ايه المشكلة 

علياء: أصل بصراحة مش هقدر اطلع الرحلة 

ريمان: ليه بقى فيه ايه تانى مش عمى خلاص وافق 

علياء: اه وافق بس سامح فى المستشفى مش هيقدر يروح معايا بكرة وتعبان قوى دة حتى دراعه باين عليه اتكسر من سعت ما رجع من بره وهو بيتالم يا حبة عينى وانا مش عارفة ايه إلى حصل خلاه يبقى كدة 

صعق سامح من كلام شقيقته عنه ولكنه لم يتحدث بل ظل يستمع اليها فى صمت ليفهم لماذا تكذب على صديقتها بتلك الطريقة 

ريمان: ليه ايه إلى حصل دة كان كويس بس مجرد التواء خفيف فى الايد مش للدرجادى يا علياء دة حتى انا إلى وصلته الفيلا وسبته كويس 

علياء: ما هو كان كويس بس بعد كدة دراعة ابتدى يوجعه اوى ويصرخ منه 

ريمان : ليه حصل ايه لكل دة هو شال حاجة تقيلة بدراعه انا قلتلوا يرتاح قولى الحقيقة يا علياء ايه إلى حصل متخضنيش 

علياء: هو بس قالى هاتى اشيلك الشنطة أنزلها واحطهالك فى العربية علشان رجلى وحطها من هنا وصرخ من هنا 

ريمان : ليه يا علياء تعملى كدة يعنى انتى مش شايفة انو راجع تعبان بتخليه يشيل الشنطة ليه حرام عليكى أنا زعلانة منك 

علياء : مالك يا ريمان فى ايه بتزعقى ليه وبعدين وانا كنت هعرف منين انو هيتعب كدة لما يشيل الشنطة وبعدين يعنى بتتكلمى بطريقة غريبة وبتزعقى ليه دة اخويا انا على فكرة 

فى هذة اللحظة نهض سامح ونهر علياء عما تفعل لأنه خطأ أن تجرح مشاعر صديقتها بهذة الطريقة وهو لا يفهم السبب 

سامح : ايه إلى بتقوليه دة يا علياء كفاية تمثيل بقى أنا كويس ومفيش فيا حاجة ليه بتقولى عليا كدة 

علياء: ايوة يا سامح من عارفة انك كويس بس بشوف ريمان كانت برضو هتوافق انى اروح الرحلة ولا لما تعرف انك عيان هترفض بس الصراحة ريمان اول ما سمعت بالى حصلك نسيت الرحلة كلها اول مرة اشوفها متفكرش فى الرحلة إلى متمسكة بيها لدرجة كبيرة تنساها لمجرد إلى حصلك لما انا صحبتها لما رجلى اتخطبت برضو كانت بتقنعنى اروح لكن لما سمعت الكلام عليك نسيت الرحلة بالى فيها 

كانت ريمان على الهاتف تستمع لحديث علياء وسامح وغضبت كثيرا مما قالته علياء عنها ولكن ليس هذا هو السبب السبب هو لانها خجلت كثيرا من افتضاح أمرها فهى واقعة فى حب سامح منذ عام ولا تبين ذلك وما حدث بدى يثير فضول سامح أيضا ويريد الاقتراب أكثر من ريمان لأنه أعجب بها كثيرا فتوقع أن اقترابه منها سيغير مجرى حياته