الفصل الثالث

— "خلاص بقى يا سلطان.. كفاية كدا، نمرتي قربت

هتف بخشونة وعيناه لا تزالان تبحثان عن تفريغ غضبه:

— "إيه يا روح أمك؟ مش أنتِ اللي كنتي هتموتي عليا وتتحايلي؟ متبقيش فصيلة بقى..

وبعد دقائق ابتعد عنها وأخرج علبة سجائره ليشعل واحدة، ينفث دخانها في سقف الغرفة، بينما وقفت هي أمام المرآة تعدل من هندامها المبعثر

— "أنت.. ده يا ويلها وسواد ليلها اللي تقع تحت إيدك

هتف سلطان بسخرية لاذعة وهو ينظر إليها عبر المرآة:

— "أنتِ اللي بقيتي خرعة ومبقتيش تستحملي زي زمان.. راحت أيامك يا شوشو."

ثم أطلق ضحكة عالية، مجلجلة، وهتف بتهكم:

— "أنتِ أخرك حكيم.. العجوز

تمتمت بضيق وألم حقيقي يعتصر قلبها:

— "متجبش سيرته .. أنا بكره نظرته ليا، نظرة الراجل الطيب اللي بتحسسني في كل ثانية إني ست وحشة وخاينة

رد باستهزاء وبرود

— "وانتِ إن جيتي للحق.. ست كمل أوي

قالت بمرارة

— "أنا اخترت أعيش مع حكيم وأتجوزه عشانك أنت يا سلطان! مرضتش أبقى زي البنات الشمال اللي في الصالة، اتجوزته عشان أعمل لنفسي غطا، وعشان أبقى جنبك وليك لوحدك في أي وقت تطلبني فيه.. واستحملت سجنه ليا عشانك !"

لكن صوته جاء باردًا كالثلج، بلا أي مشاعر أو تقدير

— "بلاش نغمة التضحية دي.. هو كل واحدة هتقعد تقولي سجن ؟ اخلصي مش عايزين نتأخر على العالم برا ."

خرج من الغرفة وهو يرتب ياقة قميصه ليصطدم بـ "حكيم" في طريقه. كان يحمل صينيته المعدنية القديمة، وعيناه المطفأتان تنظران بكبرياء مجروح. قضى حكيم عمره كله داخل هذا الكباريه، عاصر أجيالاً ورأى حكايات، حتى صار قطعة من جدران المكان النخرة.

كان يعرف أصل الحكاية؛ شادية نفسها جاءت من ملجأ أيتام، طفلة مشردة قذفت بها الأيام إلى الشارع، ثم سحبها سلطان بيديه الشيطانيتين إلى مستنقع الكباريه. وحين شعرت بالغرق، وبأنها ستتحول إلى مجرد سلعة رخيصة، ظهر حكيم بقلبه النقي وعرض عليها الزواج ليسترها ويمنحها اسماً. وافقت هي، لكنها وافقت هرباً من مصير مظلم، لا حباً فيه.

لكن السنوات الطويلة صنعت بينهما فجوة مؤلمة وعميقة؛ حكيم أحبها بصدق ، بينما ظلت هي بنقصها الداخلي تشعره دائمًا بأنه رجل عجوز، رجل لا يناسب طموحها ولا يشبع رغباتها، وظلت روحها معلقة بسلطان الذي يذلها

ثم قال بصوت مكسور،

— "الناس عايزينك

~~~~~~~~~~~~~~~~~~~~~~~~~~~~~~~~~~~~~~~~~~

دلف سلطان إلى مكتب "ضاحي" دون استئذان، وعن أي استئذانٍ نتحدث في عالمٍ استباح كل شيء؟ وجد والده خلف المكتب مع "فتاة" في وضعٍ لا يترك مجالًا للشك.

انتفضت الفتاة من فوق ساقي ضاحي تعدل فستانها القصير بارتباك:

— "لا مؤاخذة يا سي سلطان."

ابتسم سلطان بسخرية مقرفة:

— "لا لا مؤاخذتك معاكي يا نوسة."

ثم مال هامسًا قرب أذنها:

— "ها.. الموتور لسه شغال ولا اتحرق؟"

ضحكت بتهكم

: — "ده اتحرق خالص وأنا كنت بانعشه .

وقبل أن ينفجر ضاحي فيهما، هربت للخارج وهي تكتم ضحكتها.

صاح ضاحي بغضب

— "بتتوشوشوا في إيه؟ غوري يا بت!"

ظل سلطان واقفًا ببرود يرمق والده باحتقار، ثم قال:

— "إنت لسه فيك حيل تعُط؟"

رد ضاحي وهو يعدل قميصه:

— "وإنت مالك يا روح أمك؟ احترم نفسك ياض ."

ضحك سلطان بوقاحة:

— "يا راجل ارحم نفسك ده إنت قطعت مية ونور من زمان."

استشاط ضاحي:

— "إنت عيل وسخ.. تربية شوارع."

هز سلطان كتفيه

: — "بفضلك ... اصلاحية و شوارع وكباريهات ميكس جميل "

رد ضاحي بامتعاض:

— "الحق عليا إني لميتك ."

ابتسم سلطان بسخرية:

— "كتر خيرك.. أهو بقيت ظابط قد الدنيا."

لوى ضاحي فمه

— "كنت فاكر نفسك هتبقى ظابط بجد بوشك ده ؟ ؟"

قال سلطان بجمود:

— "طول ما أنا ابنك مستحيل."

هنا قذف ضاحي بكلمته السامة:

ط

— "على أساس أمك كانت دكتورة يعني ؟"

تجمد سلطان للحظة، ثم اشتعلت عيناه بجنون. أمسك كرسيًا خشبيًا وقذفه ناحية الواجهة الزجاجية، فتناثر الزجاج في أرجاء المكتب.

صرخ بصوتٍ مرعب:

— "متجيبش سيرتها على لسانك الوسخ ده سامع !"

تراجع ضاحي خطوة رغم خوفه:

— "ما إنت اللي قليت أدبك وطولت لسانك الاول علي ابوك ."

اقترب سلطان منه بعينين قاتمتين: — " ابويا ؟! اه معلش قصر الكلام.. التسليم بكرا."

ارتبك ضاحي:

— "بسرعة كده؟"

قاطعه سلطان:

— "ملكش في وبلاش هري كتير .. بلغ اللي مشغلك بالميعاد."

ثم استدار وغادر، بينما بصق ضاحي على الأرض وهو يسبه بغيظ ثم هتف ببرود مريض :

. خلفة و*** .. فصلني ابن الكلب

في الصالة، وقف سلطان أمام "عشري" يعطيه أوامره المعتادة: —

"الصالة في أمانتك.. والبت متطلعش طول ما أنا غايب."

تنهد عشري:

— "حاضر يا سلطان، انا حافظ الكلام ده قولتوا عشرين مرة قبل كده ."

رد سلطان بضيق:

— "وهفضل أعيده طول ما أمها الحيزبونه وضاحي بيزنوا عليها."

نظر له عشري بحيرة:

— "غريب إنت يا سلطان.. بتغير عليها بجنون، طب بترقصها ليه؟

صمت سلطان لحظة طويلة، ثم قال بصوت خافت:

— "عشان لو خرجت من الكار ده هتخرج من تحت إيدي. الرقص هو اللي رابطها هنا."

رمقه عشري بتأثر وهو يكمل:

— "لما بترقص قدامي بحس إنها بتاعتي.. لكن أول ما تختفي ترجع تعاندني فكرك انا عاجبني انها ترقص قدام اللي يسوي واللي ميسواش لا طبعا انا ببقي عايز اخزق عينهم بس لو قعدت ضاحي هيمشيها ولو مشيت هتفلت مني ومش هعرف اجبها "

قال عشري بدهشة:

— "كل ده جوا قلبك يا صاحبي ؟"

نفث سلطان دخان سيجارته:

— "أنا مبفتكرش إن عندي قلب.. غير لما أشوفها."

في قلب الصحراء، جلس "حمزة" خلف مقود سيارته الشرطية يراقب الظلام الممتد أمامه. بجواره كان "رامي" منشغلًا بإرسال رسالة صوتية لخطيبته.

— "الجو برد يا هنون.. بس دبلتك مدفياني."

أغمض حمزة عينيه بملل بينما واصل رامي:

— "هقبض على العصابات الوحشة الشريرة وأجيلك نتجوز."

ثم فجأة صاح بانفعال:

— "لا يا هنا! الفستان ده مينفعش وانا قولت اللي عندي ."

انتي اللي بتعصبيتي وانتي عارفه اني بغير ودمي حامي

طب خلاص هاتي بوسه !

تنهد حمزة أخيرًا وقال بسخرية:

— "خلصت وصلة المحن يا حضرة الظابط؟"

ارتبك رامي وأغلق الهاتف

: — "حقك عليا يا باشا معلش الفرح قرب ومصدعاني ب الفستان والميكاب حوارات النسوان الفاضيه دي .. ما انت عارف بقا "

رمقه حمزة بغضب : وانا هعرفهم منين ؟

هتف رامي بتوتر : اقصد يعني حضرتك خاطب وكده

رمقه حمزة ببرود:

— " لا يا حبيبي انا لما باجي الشغل بنسي اني خاطب ومبركزش غير في المطلوب مني ... ركز في شغلك أحسن."

عدل رامي جلسته:

— " طبعا يا باشا لازم ده المهمة دي فيها ترقية."

قال حمزة وهو يحدق في الظلام: — " لينا كلنا يا حضرة الظابط ولا انت منفسكش تترقي ؟ "

ساد الصمت للحظات قبل أن يبتسم رامي فجأة: — " لا كبعا نفسي يا باشا بس بالله عليك يا حمزه باشا كلم اللوا شاكر يوافق علي شهر الاحازة بتاعي احسن هنا تلوي بوزها عليا ."

ضحك حمزة بسخرية : — " مش عيب عليك يا حضرة الظابط الكلام ده تلوي بوزها عليك ؟ .. ماشي يسدي هكلمهولك

ليهتف رامي بسعادة وهو يقبله : برنس الدخليه وعم الناس كلهم

اوعا ياض انت فكرني هنا ولا ايه ؟

لينفجر رامي بالضحك

وقف سلطان أمام مرآته المتهالكة يحدق في وجهه كأنه يراه لأول مرة. كان يشعر أن القسوة أكلت ملامحه تمامًا.

وفجأة اجتاحته الذكريات…

طفل صغير ينام بجوار أمه في غرفة فقيرة دافئة.

— "بابا مش هيجي النهارده يا ماما؟"

ربتت حورية على شعره بحنان: — "هيجي ان شاءالله يا حبيبي بس نام دلوقتي ."

قال بعناد طفولي: — " كل مره بتقولي هتصحيني ومش بتصحيني "

ابتسمت بحزن: — "لا وعد لو جه هصحيك ."

طيب احكيلي حدوته الشاطر حسن عشان انا نفسي اطلع زيه وزي بابا

ثم تغير صوتها فجأة: — " لا يا سلطان اوعي تطلع زي ابوك ."

— "ليه عشان بيزعلك ويضربك صح ؟"

تنهدت بألم: — "الراجل الحقيقي عمره ما يخوف ست ولا يضربها يا سلطان "

تردد صوتها داخل رأسه الآن كطعنة: "راجل "

ضحك بمرارة وهو يبتعد عن المرآة. أي رجل أصبح؟

في غرفتها، كانت "درة" تجلس قرب النافذة الحديدية تفكر في الهرب كعادتها. كلما تخيلت فارسًا ينقذها، ظهر وجه سلطان رغماً عنها.

كانت تكرهه… أو تحاول إقناع نفسها بذلك.

دخلت "زيزي" وهي تمضغ علكتها: — "سرحانة في إيه؟"

ردت درة بضيق: — "في القرف اللي إحنا عايشين فيه."

ضحكت زيزي: — "يا شيخة ده إحنا أحسن من غيرنا."

هزت درة رأسها بسخرية: — "أي حد برا السور ده أحسن مننا."

قهقهت زيزي: — " يا بت ده انتي فنانه بنت فنانه ده أمك كان بيقفّلها رجالة بشنبات."

صرخت درة: — "دول مش رجالة! الراجل مش اللي يصرف فلوسه على الرقص والخمرة."

رفعت زيزي حاجبها: — "أمال إيه يا فالحه ؟"

خفت صوت درة وهي تحدق في الفراغ: — "الراجل أمان.. طبطبة."

وضعت زيزي يدها على قلبها بتمثيل: — "أكيد تقصدي سي سلطان."

قذفتها درة بزجاجة عطر: — "غوري يا بت!"

ضحكت زيزي وهي تتراجع: — "خلاص.. هريحك منه يومين، طلع طلعة جديدة."

انتفضت درة رغم نفسها: — "بجد؟"

— "أيوه، وكان بيوصي عشري عليكي الوصاية العشرة"

خرجت زيزي لتلمع فكرة متهورة في رأس درة