الفصل الثاني

في الصالة، كان "عشري" يجلس فوق البار يراقب الزبائن بعينيه المعتادتين على الفوضى. لم يكن صاحب حكاية مأساوية؛ مجرد شاب بسيط سحبته الحياة إلى عالم الكباريه مبكرًا، حتى صار رئيس الفرقة وضابط إيقاعها. وبرغم ضجيج المكان، كان الوحيد القادر على فهم ما يدور داخل سلطان، خاصةً حين يتعلق الأمر بـ "درة".

دق عشري على البار ضاحكًا:

— "الله ينور يا عم حكيم يا عسل !"

ابتسم حكيم لذلك الشاب الذي تربى أمامه وقال:

— "إيه يا عشري ؟ خلصت نمرتك علي المسرح وجاي تعملي نمرة هنا وتصدعني ؟"

ضحك عشري:

— "صداع إيه بس يا عمنا ؟ ده إحنا عايشين جوه الصداع نفسه ."

تنهد حكيم وهو يلمع كوبًا زجاجيًا:

— " علي رأيك اللي زينا اتعود يدفن اللي جواه وسط الدق والطبل بنداري علي الدوشة اللي جوانا بالدوشة اللي حاولينا ."

هز عشري رأسه بإعجاب ومزح :

— "تصدق إنك طلعت حكيم فعلًا يا عم حكيم."

رمقه الرجل بنظرة ساخرة:

—انت "بتتريق يا واد انت ؟

قهقه عشري ثم قال:

— "مقدرش يا عمنا ده انت عمدت المكان كله ومافيش زيك يلا بقى، هروح أجهز لنمرة شادية."

تبدلت ملامح حكيم تمامًا فور ذكر اسم زوجتة .

في غرفة درة الصغيرة، كانت بدلات الرقص المليئة بالترتر متناثرة في كل مكان. جلست أمام مرآتها تمسح الكحل عن عينيها بإرهاق، ثم وقفت خلف ساتر الملابس محاولة فك رباط فستانها بصعوبة.

في تلك اللحظة، فتح سلطان الباب ودخل بهدوء.

انتشرت رائحة عطرها داخل صدره، فرأى ظلها خلف الساتر، وسمعها تهتف بضيق:

— "زيزي.. يا زيزي تعالي فكي البتاع ده مش راضي يتفك ."

اقترب بخفة، وحين لامست أصابعه ظهرها انتفضت بعنف واستدارت شهقة قوية تفلت من بين شفتيها:

— " يلهوي أنت! بتعمل إيه هنا اخرج ؟"

همس قرب أذنها:

— "ايه بفكهولِك.. مالك مش كنتي عايزه تفكي ؟"

قالت بارتباك وغضب:

— "ابعد يا سلطان واطلع برا ."

لكنه لم يبتعد، بل شد طرف الفستان بين أصابعه وهمس بخبث:

— " يا بت مش أنا أحسن من زيزي؟"

دفعته محاولة الابتعاد:

— " اخرج برا يا سلطان .إيه اللي دخلك هنا؟"

تنهد وهو يحدق بها:

— "الشوق .. الشوق اللي جابني.. كل ما أبعد رجلي ترجعني ليكي انتي عاملة زي النداهه يا درة ."

صرخت بحدة:

— "وأنا مش عايزاك! ترجعلي عايزاك تسيبني في حالي وتحل عن سمايا ."

لمعت عيناه بقسوة:

— "ما أنا حالِك يا بت وانا اللي ليا فيكي ."

نجحت في الإفلات منه وتراجعت تضم القماش إلى جسدها:

— "لاااا أنت سجاني! أنت وأمي حبستوني هنا وسط القرف ده وحكمتوا عليا مخرجش منه "

اقترب أكثر حتى التصق ظهرها بالحائط:

— "وانتي بقا عايزه تخرجي لمين ؟ و تروحي فين؟ ده مكانِك، ومفيش غيره."

انفجرت بغضب دفين:

— " وانا بكره المكان ده وبكرهك أنت كمان! مش عايزة أفضل رقاصة طول عمري مش عايزه افضل في المخروبه دي زهقت ."

صاح بعصبية:

— "أمال عايزة إيه .. انطــقي يا بت ايه شيفالك شوفه صح ده بموتك ؟"

رفعت عينيها إليه وقالت بصوت مرتعش:

— "بقولك عايزة أنضف.. تعرف النضافه يا سلطان جربت احساسها .. نفسي أعيش بكرامة، أتعلم وأشتغل بالحلال. نفسي عيني تشوف حاجة غير القمار والخمرة ومناخيري تشم غير الدخان وعرق النسوان اللي بيجروا طول النهار في الصاله و اسمع صوت غير صوت طبلتك اللي خرمت نافوخي ."

سكتت الكلمات، لكن صداها ظل يتردد في أركان الغرفة الضيقة. وقف سلطان أمامها صامتاً، لا لأنه اقتنع، بل لأنه لا يعرف. لم يستوعب حرفاً مما قالت؛ فمشاعر "النظافة" التي تتحدث عنها هي لغة غريبة عليه، شعورٌ نسيه منذ زمن بعيد.

لم يذق سلطان من النقاء في حياته سوى ذرات قليلة تلاشت حين أتم عامه السابع؛ بعدها، مُحي كل أثر للجمال من ذاكرته، ولم يتبقَّ فيها سوى قانون واحد تشربه حتى النخاع: قانون القذارة.

قطع هذا الطوفان من الكلمات دخول "زيزي" المساعدة، التي توقفت عند الباب بارتباك.

نظر سلطان نحو بطلتنا نظرة غامضة، ليرد "

انــسي انك تخرجي من هنا يا درة؟!

أما هي فكانت نظرتها له ثابتة لا تتغير؛ نظرة تقطر اشمئزازاً وبغضاً. انسحب من الغرفة وصدره يغلي كمرجل، ففي كل مرة يواجهها، لا تفوت هي الفرصة لتشعره بمدى "قذارته"، ولتؤكد له أنها ليست من ثوبه ولا تشبه عالمه.

كانت كلماتها تتردد في رأسه كصوت طبلة مزعجة: "عايزة أنضف".

عن أي نظافة تتحدث؟ حقاً هو لا يعرف. لقد غاص في الوحل حتى أذنيه لدرجة أنه لم يعد يرى الطين قذارة، بل صار هو جلده الذي يعيش فيه. رحل وهو يشعر بضياعٍ لا يفهمه، تائهٌ في وحلِ حياته، يطارد طيف امرأة تريد غسل أثر وجوده عن حياتها تماماً.

اندفع نحو غرفة "شادية" ودفع الباب بعنف. انتفضت شادية، بينما أشار للفتاة التي معها:

— "اخرجي."

غادرت الفتاة سريعًا، فتقدم سلطان من شادية بعينين مشتعلتين:

— "عايزك."

وفي عالم آخر بعيد عن صخب الكباريه، كانت الطمأنينة تغلف منزل الدكتور "جمال". دخلت زوجته تحمل فنجان القهوة وقالت برقة:

— "القهوة يا دكتور."

ابتسم لها "تسلم إيدك يا أم حمزة."

تنهدت بقلق — "حمزة واحشني أوي.. أول مرة يغيب كده دي شيرين خطيبته هتتجنن عليه ."

قال جمال بهدوء:

— "شغله صعب يا أم حمزة ربنا يكون في عونه ."

لكن القلق لم يغادرها:

— "ليه وافقته يروح سينا؟"

أجابها بفخر:

— "لو كل ظابط خاف، مين هيحمي البلد؟"

همست بحزن:

— "قلبي وكلني عليه مبنامش من القلق ."

ابتسم مطمئنًا:

— "ابنك راجل وبيؤدي واجبه ادعيله يا ام حمزة يطهر البلد من اصحاب الفساد ."

في الجهة الأخرى، كانت شادية تلهث داخل غرفتها:

— "خلاص بقى يا سلطان.. نمرتي قربت."

هتف بخشونة:

— " ايه يا روح امك مش انتي اللي كنتي هتموتي عليا متبقيش فصيله بقا تعالي "

وبعد دقائق، ابتعد عنها يشعل سيجارته، بينما قالت وهي ترتب فستانها:

— " انت .. ده يا ويلها اللي تقع تحت إيدك."

هتف سلطان بسخرية : "انتي اللي بقيتي خرعة."

ثم أطلق ضحكة عالية وهتف:

— " أخرك حكيم."

تمتمت بضيق: — " متجبش سيرته .. بكره نظرته ليا.. بتحسسني إني ست وحشة وخاينه ."

رد باستهزاء: — "وانتي ان جيتي للحق ست كمل اوي يا شوشو"

قالت بمرارة:

"أنا اخترت أعيش مع حكيم عشانك يا سلطان مرضتش ابقي من الشمال اللي في الصاله اتجوزته عشان ابقي جمبك وليك لوحدك واستحملت سجنه ."

لكن صوته جاء باردًا:

— "بطلي الشغل ده يا شاديه هو كل واحده هتقولي سجن ولا ايه ... اخلصي مش عايزين نتأخر علي العالم برا ."

خرج يرتب ملابسه، ليصطدم بحكيم في الممر. كان الرجل يحمل صينيته القديمة بعينين مطفأتين. قضى عمره كله داخل هذا المكان حتى صار قطعة منه.

شادية نفسها جاءت من ملجأ أيتام إلى الشارع، ثم سحبها سلطان إلى الكباريه. وحين شعرت أنها تغرق، ظهر حكيم وعرض عليها الزواج. وافقت هربًا لا حبًا.

لكن السنوات صنعت بينهما فجوة مؤلمة؛ حكيم أحبها بصدق، بينما ظلت هي تشعره دائمًا بأنه رجل عجوز لا يناسبها.

وقف حكيم أمامها للحظات، يقرأ الخيانة داخل عينيها دون أن يتكلم. ثم قال بصوت مكسور قبل أن يغادر:

— "الناس عايزينك."