الفصل الثامن:-

---

*الفصل الثامن: "ليلة الأمان"*

هبط الليل على برج الزمالك، ولا يزال الحصار مضروباً حوله من الخارج. لكن داخل الشقة، كان هناك عالمٌ آخر لا يعرفه أحد.

بعد عقد القران، أدّت الأم ركعتين شكرٍ، ثم قبّلت رأس ابنتها وقالت بدموع: "اعتني بزوجك يا بسمه... وأنت يا سليم اعتنِ بأمانتي."

وانصرفت إلى غرفة الضيوف، وقد اطمأن قلبها أخيراً.

وقفت بسمه في غرفة النوم، ترتدي فستاناً أبيض بسيطاً، وشعرها منسدل على ظهرها، وعيناها تائهتان بين الخوف والخجل. لم تكن تخاف منه، بل كانت ترتجف من فكرة "لقد أصبحت زوجته حقاً".

انفتح الباب بهدوء، ودخل سليم.

خلع سترته، وفك أزرار قميصه الأبيض، لكنه ما إن رأى ارتعاشة عينيها حتى تجمد في مكانه. ألقى بجسده على الأرض أمامها، جاثياً على ركبتيه، وأمسك بيديها الاثنتين.

*سليم*: "بصيلي يا بسمه."

وما إن نظرت إليه حتى قال : اللهم صل على النبي ايه الحلاوه دي.

*بسمه بخجل*: "إنت زعلان مني في حاجة؟"

هز رأسه نافياً، وطبع قبلة على كف يدها: "أنا زعلان من نفسي. عشان خليتك تخافي. يا قلبي، الليلة دي بتاعتك انتي. لو عايزة تنامي لوحدك، هنام بره على الأرض. لو عايزة تحكي للصبح، هسمعك. لو عايزة تعيطي، هعيط معاكي."

اقترب وعدّل خصلة شعر سقطت على وجهها: "أنا استنيتك سنتين يا بسمه. أقدر أستنى عمر كله لحد ما تقوليلي 'أنا جاهزة'. إنتي مراتي حلال، بس جسمك وقلبك ليهم حرمة عندي. محدش هيقرب منهم غصب... حتى أنا."

ارتجف قلب بسمه من حنانه. الرجل الذي كسّر الدنيا بالأمس، يجثو أمامها الآن كطفل تائه.

*بسمه*: "إنت ليه كده؟ ليه حنين أوي معايا؟"

*سليم*: "عشان انتي أول واحدة بصت في عيني وملقتنيش وحش. أول واحدة قالت اسمي من غير خوف. فقلبي بقى بتاعك انتي وبس."

نهض وفرش بطانية صوف على الأرض جوار السرير، ثم تمدد عليها: "أنا هنا يا مراتي. السرير سريرك، والأمان أمانك. نامي وإنتي متطمنة... أنا صاحي بحرس نومك."

نظرت إليه بسمه وهو ينام على الأرض كي يريحها، فطار كل خوفها. جرت وجلست بجواره على البطانية، وأسندت رأسها على كتفه.

*بسمه*: "قوم نام على السرير يا مجنون. أنا مش هعرف أنام وانت نايم على الأرض بسببي."

*سليم*: "بجد يا بسمه؟"

هزت رأسها بخجل وأخذت يده ووضعتها على قلبها: "بجد... عشان قلبي اختارك خلاص. مش خايفة منك يا سليم. خايفة عليك."

ضمها إلى صدره برفق شديد، كأنه يحمل زجاجاً، ودفن وجهه في شعرها.

*سليم*: "ونعم الاختيار يا روح سليم. أوعدك عمري ما هخليكي تندمي لحظة. معاكي هبقى الأمان كله، مش الوحش."

ناما على السرير، وهو يحتضنها من ظهرها، ويده على قلبها كأنه يحميه من العالم بأسره.

*سليم*: "تصبحي على خير يا زوجتي... يا أغلى نعمة في عمري."

*بسمه*: "وانت من أهله يا جوزي... يا أماني."

بالخارج تبحث الشرطة عن مجرم... وبالداخل ينام رجل يحتضن زوجته ويحلم بها.

---

أشرقت شمس القاهرة من خلف زجاج البرج، فاخترقت أشعتها الذهبية غرفة النوم. كانت بسمه نائمة في حضن سليم، رأسه مدفونة في شعرها، وذراعه القوي يطوق خصرها كأنه يخشى أن تختفي إن أفلت قبضته.

استيقظت بسمه أولاً. فتحت عينيها فوجدت نفسها محاطة به. لم تصرخ، لم تهرب. ابتسمت. لأول مرة منذ سنوات تستيقظ وهي تشعر بالأمان. هو ازاى حلو كدا يخرابى على جمالو.

حاولت أن تتحرك برفق كي لا توقظه، لكنه شدها إليه بقوة وهو يغمز لها : "رايحة فين يا مراتي ؟صباحيه مباركه"

*بسمه بخجل*: "صباح الخير يا مجنون... نايم وعينك مفتوحة؟"

*سليم*: "عيني مقفولة، بس قلبي صاحي. قلبي مبيغمضش وإنتي في حضني."

قبل جبينها بحنان، ثم نهض من السرير رغم أنها تشبثت بطرف قميصه: "رايح فين؟"

*سليم*: "رايح أعملك فطار العرسان يا عروسة، انتى تعبتى معايا امبارح. إقعدي إنتي، مكانك هنا."

ردت *بسمه بخجل*: اه يقليل الادب .

ضحك سليم عليها ورد : اوى اوى بس معاكى انتى.

دخل المطبخ وبدأ يتحرك كشيف محترف. رائحة البيض بالسمن البلدي والجبنة الرومي المسيّحة ملأت الشقة كلها. قطع توست، وعصر برتقال فريش، ورتب كل شيء على صينية فضية.

بعد دقائق خرج وهو يحمل الصينية ويرتدي مريلة المطبخ السوداء وكان عارى الصدر . المنظر كان يخطف القلب: قاتل الوردة السوداء واقف في المطبخ بيضحك وهو بيحضر الفطار.

وضع الصينية على السرير أمامها، وجلس على الأرض عند قدميها: "اتفضلي يا هانم. بيض عيون زي ما بتحبيه، وتوست بالعسل، وكوباية اللبن بالعسل الأبيض عشان معدتك."

*بسمه*: "إنت إمتى اتعلمت الطبخ ده كله؟"

*سليم*: "من يوم ما عرفت إنك هتبقي مراتي. دخلت على اليوتيوب واتعلمت كل الأكل اللي بتحبيه. عايز كل يوم تصحي تلاقي فطارك مستنيكي."

بسمه أخذت قطعة توست وأكلتها، ثم مدّت يدها وأكلته هو: "إفتح بقك."

*سليم*: "والله لو أكلتيني السم بإيدك هشربه يا بسمه."

في هذه اللحظة رن جرس الباب الخاص بقوة. صوت مزعج كسر لحظة الهدوء.

سليم تجمدت ملامحه في لحظة، وعينيه السودا تحولت من حنان لصقيع جليد. مسح فمه بمنديل ووقف.

*سليم*: "الشرطة يا بسمه. إوعي تخافي. خليكي قاعدة مكانك وكلي."

ذهب للباب، نظر من العين السحرية، ثم التفت لها وابتسم ابتسامة باردة: "متخافيش يا قلبي. دول ضيوفي، وأنا كريم أوي مع ضيوفي."

قبل أن يفتح الباب، أخذ مسدسه من الدرج، لكنه لم يرفعه. وضعه في جيبه الخلفي فقط.

فتح الباب. على الباب وقف ضابط برتبة عقيد ومعه قوة اقتحام.

*الضابط*: "إيدك لفوق يا سليم المرشدي! إنت محاصر!"

*سليم*: "صباح الخير يا باشا. معلش وطى صوتك شوية... مراتي بتفطر."

قالها وهو يضع يده على الباب كأنه يحمي بيته، وعينيه كلها تحدي: "مراتي بتفطر، فلو سمحتوا... تعالوا كمان ساعة. أو اقتحموا... بس اللي هيخطي خطوة لجوه، هعتبره بيهدد مراتي."

الضابط ارتبك من بروده: "إنت فاكر نفسك فين؟"

*سليم*: "أنا في بيتي يا باشا. وبيتي فيه مراتي. واللي يمس شعرة منها... أنا هخليه يتمنى الموت."

بسمه جريت من وراه ومسكت طرف قميصه: "سليم لا!"

سليم لم يلتفت لها، فقط مد إيده لورا ومسك إيدها وطبع بوسة على صوابعها وهو لسه باصص للضابط:

"متخافيش يا روحي. كملي فطارك. أنا هخلص مع الضيوف دول في دقيقة."

---

بقلم اسماء عدلى 

---

بقلم اسماء عدلى