الفصل الرابع عشر

---

*الفصل الثامن عشر: "رد الجميل"*

مر يومين وسليم حاله بقى أحسن. السخونية نزلت والجرح قفل شوية بفضل تمريض بسمه اللي 24 ساعة صاحية جنبه.

اليوم التالت، سليم صحي لقاها نايمة على الكرسي جنبه، راسها مايلة ووشها مرهق وتحت عينيها اسود من السهر.

قلبه وجعه عليها أكتر من جرحه. حاول يقوم بالراحة، كل حركة كانت بتوجعه بس استحمل.

سند على الحيطة ووصل للحمام غسل وشه، ولبس تيشرت واسع عشان يداري الشاش. ثم دخل المطبخ الصغير يتسند على الرخامة.

*سليم*: "وهو بيكلم نفسه بصوت واطي" ... "الست دي سهرت عليا يومين... دوري أنا بقى أدلعها."

عملها أحلى كوباية كاكاو باللبن والعسل زي ما بتحبه، وقطع جنبه شوكولاتة. حط كل حاجة على صينية صغيرة وشالها بالدراع السليم وهو ساند ضهره على الحيطة عشان ميقعش.

رجع الأوضة وحط الصينية على الترابيزة جنبها، ثم قعد على الأرض عند رجل الكرسي بتاعها. مسك إيديها الصغيرة وباسها براحة.

بسمه اتحركت من النوم وفتحت عينيها، لقيته قدامها قاعد على الأرض وباصص لها بحب.

*بسمه*: "مفزوعة" ... "سليم! إنت قومت؟ ليه قومت من مكانك؟ الجرح!"

*سليم*: "مسك إيديها وحطها على خده" ... "ش... اهدي يا دكتورة. أنا كويس. الجرح يهون، بس عينيكي اللي تعبانة دي متستاهلش التعب."

زق الصينية ناحيتها: "اشربي يا روحي. كاكاو سخن زي ما بتحبيه. عشان تصحصحي."

*بسمه*: "دموعها نزلت" ... "إنت مصاب يا مجنون! قوم اقعد على الكنبة!"

*سليم*: "هز راسه وهو مبتسم" ... "مكانى هنا. تحت رجلك. إنتي اللي كنتي سهرانة بتمسحي عرقي وبتغيريلي على الجرح... دوري أنا بقى أبقى تمرجيكي."

سحب رجلها وحطها على حجره وبدأ يدلك باطن قدمها بصوابعه براحة عشان يفك تعب الوقفة.

*سليم*: "عيونه كلها حنية" ... "رجليكي دي شالتني لما كنت هقع. وشالت خوفك لما كنتي مرعوبة. من حقها ترتاح."

بسمه حطت إيديها على شعره: "إنت بتعمل إيه فيا يا سليم؟ بموت فيك لما بتبقى حنين كده."

*سليم*: "رفع راسه وباس كف إيديها" ... "بعمل فيكي اللي المفروض أي راجل يعمله لمراته اللي أنقذت حياته. إنتي مش بس مراتي يا بسمه... إنتي اللي ادتيني سبب أعيش عشانه."

شربها الكاكاو بإيده معلقة معلقة زي الطفل الصغير: "إفتحي بقك يا قلبي... عشان خاطري."

بسمه شربت وهي بتعيط من الحب: "والله ما عارفة أقولك إيه يا سليم. إنت طلعت أحن من أي حد في الدنيا."

*سليم*: "ضم رجلها لحضنه" ... "وأنا مكنتش أعرف إن الحنية دي موجودة جوايا غير لما إنتي لمستي قلبي. إنتي اللي صحيتي البني آدم اللي جوايا."

قرب راسه ونام على رجلها وهي قاعدة على الكرسي، وحضن رجلها: "خلاص يا بسمه... أنا اللي هسهر عليكي دلوقتي. نامي إنتي. أنا صاحي بحرسك."

بسمه حطت إيديها على راسه وبدأت تمشط شعره: "نام إنت يا وحشي... أنا مش هنام غير في حضنك."

سليم غمض عينيه وهو لسه ماسك في رجلها: "ماشي... بس أوعديني أول ما تصحي تلاقيني مستنيكي بفطار تاني."

---

بقلم اسماء عدلى

---

*الفصل العشرين: "الوداع الأخير" *

ارتفع المسدس في يد سليم المرتعشة، وقد أحاطت به قوات الشرطة من كل جانب. وفي لحظة جنونية، اندفعت بسمه كاسرةً باب الغرفة الحديدي بصرخة هزت جدران الملجأ: "لا!"

لم يتردد سليم لحظة. أدار فوهة المسدس وضغط على الزناد، لا ليطلق على أحد، بل ليحطم قفل باب التهوية السري الكامن خلفه. كان ذلك المخرج الوحيد الذي لم يعرفه أحد سواه.

*سليم*: "وهو يدفعها بكل ما تبقى له من قوة" ... "انزلي يا بسمه! ده مخرج للصرف! هيوصلك للشارع اللي ورا!"

*بسمه*: "تشبثت بياقة قميصه الملطخة بالدم" ... "لأ مش نازلة من غيرك! يا نموت سوا يا نعيش سوا!"

*سليم*: "انحنى وقبّل جبينها قبلة طويلة، طعم الدم على شفتيه" ... "عيشي يا بسمه. عيشي عشان أنا مقدرتش. عيشي وافتكريني بحب."

بكل ما أوتي من قوة، دفعها إلى فوهة التهوية الضيقة: "اجري ومتتلفتيش وراكي! اوعي تبصي!"

انطلقت رصاصة من الشرطة فاستقرت في ساقه، فهوى على ركبتيه، لكنه ظل بجسده المتهالك سداً منيعاً يحجب الفتحة عن أعينهم.

*قائد الحملة*: "سلم نفسك يا سليم!"

*سليم*: "ارتسمت على شفتيه ابتسامة انتصار باهتة وهو ينزف" ... "سلمت خلاص... سلمت روحي للي تستاهلها."

من أعماق المجاري، كانت بسمه تسمع دوي الرصاص وأنين سليم المختنق. فصرخت بكل ما في قلبها: "سليييم!"

وضع سليم يده على صدره، حيث يسكن قلبه، وهمس بصوت لم يسمعه إلا الله: "بحبك يا مراتي... بحبك أكتر من عمري."

ثم خيّم الصمت.

خرجت بسمه من فوهة الصرف إلى شارع مهجور في الرابعة فجراً. كان جسدها مثخناً بالجروح وملابسها ملطخة بدمه، لكن عقلها رفض أن يستوعب الحقيقة.

عادت تركض كالمجنونة نحو الملجأ، فوجدته مطوقاً بالشرطة، ورجال الإسعاف يحملون نعشاً مغطى بملاءة بيضاء. بقعة حمراء كبيرة تلطخ طرف الملاءة.

وقفت بسمه في منتصف الشارع، والدنيا تدور بها. لم تقترب، ولم تذرف دمعة واحدة. نظرت إليه من بعيد وهمست كأنها تخاطب روحه:

*بسمه*: "الوحش بتاعي اختار يموت واقف... عشان أنا أعيش. خلاص يا سليم... هعيش. بس عمري ما هحب غيرك."

ومنذ ذلك اليوم، بسمه على قيد الحياة، لكن قلبها دُفن معه تحت ركام ذلك الملجأ. كل أسبوع كانت تضع وردة سوداء على قبر مجهول، وتحدث الهواء قائلة: "شايف يا جوزي؟ أنا لسه قوية زي ما وصيتني."

مات الوحش... لكن حبه ظل حياً لا يموت.

---

*تمت بحمد الله*

بقلم اسماء عدلى

حقيقى يبنات مكنتش عايزه دى تبقى نهايه الحب ده كله

ولكن خلينا نرجع للواقع أن قتل النفس حرام واحنا ملناش أننا نقتل اى حد عشان اى حاجه

ربنا سبحانه وتعالى هو يحيي ويميت وهو على كل شيء قدير

واخيرا وليس اخرا انا مبسوطه أن روايتى نالت اعجابكم واستنونى فى كل جديد بإذن الله

استودعكم الله الذي لا تضيع ودائعه.