الفصل الثالث عشر

---

*الفصل السادس عشر: "تدريب الوحش الصغير"*

معداش 10 دقايق على ما الذئاب مشيوا، وسمع سليم صوت عربيات بتفرمل تحت في الجراج. صوت فهد من بره الباب الحديد بيصرخ:

*فهد*: "غلطة عمرك يا سليم! الوحش اللي يسيب القطيع... القطيع بياكله!"

سليم بص لبسمه ووشه كله جد: "قوم يا بسمه. مفيش وقت. هيهجموا."

*بسمه*: "إيديها بتترعش" ... "هيقتحموا علينا؟"

*سليم*: "لأ. أنا اللي هطلع أاكلهم قبل ما يقربوا منك."

سحبها من إيديها ودخل بيها أوضة السلاح. فتح صندوق حديد وطلع منه مسدس صغير فضي لونه وردي.

*سليم*: "خدي ده يا روحي. ده بتاعك من النهاردة."

*بسمه*: "أنا عمري ما مسكت سلاح يا سليم!"

*سليم*: "وأنا عمري ما هخلي حد يلمسك. بس لو أنا وقعت... لازم تعرفي تحمي نفسك."

مسك إيديها الاتنين ولف صوابعها حوالين المسدس. وقف وراها ولزق صدره بضهرها عشان يثبتها.

*سليم*: "بصي يا قلبي. رجلك كده... ضهرك كده... عينك على الهدف. نفس عميق... وطلعي الرصاصة."

علمها إزاي تفك الأمان وإزاي تصوب. وهو بيشرحلها كان بيبوس شعرها كل شوية عشان يهديها: "متخافيش، أنا ضهرك. اضربي في السقف لو خفتي، بس اوعي الرصاصة تيجي فيكي."

فجأة الباب الحديد اتهز من بره. الذئاب بدأوا يكسروا فيه بالـC4.

*فهد*: "من بره" ... "5 ثواني والباب هيقع يا سليم!"

سليم لف بسمه لحضنه بسرعة وباس جبينها: "اسمعي مني يا بسمه. أول ما الباب يقع، إنتي هتستخبي ورا الكنبة الحديد دي. ومهما حصل متطلعيش راسك. فاهمة؟"

*بسمه*: "عيونها كلها دموع بس صممت" ... "فاهمة يا جوزي. بس أوعدني هترجعلي."

*سليم*: "وعد الحر دين عليه."

شال بسمه وحطها ورا الكنبة المصفحة، وغطاها بجسمه ثانية واحدة: "لو جرالي حاجة... إضربي في رجل أي حد يقرب منك. وإستني لحد ما الشرطة تيجي. بس أنا مش هسيبك."

بووم!!! الباب الحديد طار من مكانه والدخان ملى الأوضة.

سليم طلع زي الشيطان. بالدراع السليم شايل رشاش، والتاني ماسك مسدس. بدأ يضرب نار وهو بيتحرك بين العواميد زي الظل.

كل طلقة = واحد من الذئاب يقع. وهو بيجري كان بيصرخ: "قلتلكم اللي يقرب من مراتي هدوسه!"

فهد دخل يجري عليه: "خلاص يا سليم! آخر فرصة!"

*سليم*: "رمى المسدس الفاضي ومسك سكينة" ... "آخر فرصة كانت لما سبتكم تمشوا. دلوقتي مفيش غير الموت."

اتخانقوا سوا، سليم مصاب وبيخسر دم، بس الغضب مقويه 100 مرة. في الآخر غرس السكينة في كتف فهد وهمس في ودنه: "دي عشان بصيت لمراتي."

وقع فهد على ركبه. سليم وقف قدامه والدم نازل من كتفه زي النهر: "انقلعوا كلكم. واللي هيفكر يرجع... هدور على عيلته كلها."

الذئاب شالوا مصابينهم وهربوا مرعوبين من "الوحش" اللي بقى أشرس عشان بيحمي بيته.

الهدوء رجع... سليم وقع على ركبه من التعب ونزيف الدم. بسمه طلعت تجري من ورا الكنبة ومسدسها لسه في إيديها.

*بسمه*: "وهي بتعيط" ... "إنت مجنون! دمك! دمك كتير أوي!"

*سليم*: "ابتسم وهو بيقع في حضنها" ... "خلصوا يا روحي... الوحش حما عرينه."

بسمه خدته في حضنها وبدأت تضغط على الجرح بإيديها: "إنت علمتني أضرب نار... بس منسيتنيش أعلمك إزاي تعيش من غيري."

سليم مسك وشها بإيده اللي كلها دم: "عيش من غيرك؟ أموت وأرتاح... إنما أعيش من غيرك ده هو الموت بعينه."

غمض عينيه وهو لسه ماسك في هدومها: "متسيبينيش يا بسمه..."

---

بقلم اسماء عدلى

---

*الفصل التاسع عشر: "اقتحام"*

سليم كان لسه راسه على رجل بسمه، وعينيها بتمشط شعره، والدنيا هادية...

فجأة صوت مكبر صوت من بره الجراج هز الحيطة الحديد:

*ضابط*: "سليم المرشدي! المكان محاصر بالكامل! مفيش مخرج! سلم نفسك ومراتك!"

بسمه اتجمدت مكانها وقلبها وقع: "سليم... عرفوا مكاننا."

سليم فتح عينيه في لحظة، من نايم حنين لـ "الوحش" في ثانية. وقف على رجله بالعافية وسند على الحيطة، كتفه نزل دم تاني من الحركة المفاجئة.

*سليم*: "عيونه ولعت نار" ... "ادخلي الأوضة الحديد جوه واقفلي الباب يا بسمه. حالاً."

*بسمه*: "مسكت دراعه" ... "لأ! مش هسيبك! كل مرة تقولي استخبي وأنا بترعب عليك!"

*سليم*: "مسك وشها بدراعه السليم" ... "يا بسمه افهمي. لو دخلت معايا الخناقة دي هتتأذي. وأنا أموت ولا أشوف نقطة دم منك. اقفلي على نفسك وأوعدك هرجعلك. أوعدك."

بوم بوم بوم! الشرطة بدأت تخبط على باب الملجأ بالكباش الحديد.

سليم زق بسمه بسرعة ناحية الأوضة الداخلية وقفل عليها الباب الترباس: "متطلعيش غير لما أسمع صوتي بقول اسمك. فاهمة؟"

*بسمه*: "من ورا الباب بتعيط" ... "سليم أرجوك متتهورش! استسلم!"

*سليم*: "سند جبهته على الباب من بره" ... "الاستسلام موت يا بسمه. وأنا اخترت أعيش عشانك."

لف وراح وقف قدام باب الملجأ الرئيسي. شال المسدس بالدراع السليم، والتاني ساند بيه على الحيطة عشان الجرح.

*سليم*: "بصوت رعد يرعب" ... "اللي هيقرب من الباب ده... جثته هتبقى عتبة لمراتي!"

الباب اتكسر بالكباش واقتحمت قوات خاصة بالدروع والسلاح. رصاص تحذيري في السقف، ودخان قنابل.

*قائد الحملة*: "ارمي سلاحك يا سليم! آخر إنذار!"

*سليم*: "ضحك ضحكة مجنونة وهو بينزف" ... "سلاحي؟ سلاحي هو مراتي اللي ورا الباب ده. واللي هيقرب منها... هعرفه يعني إيه قاتل الوردة السوداء بجد."

بدأ يضرب نار وهو بيتحرك ويستخبى ورا العواميد. كل طلقة منه بتوقع واحد، وهو جسمه بينزف بس مش حاسس. كل همه إن الرصاص ميعديش ناحية الأوضة اللي بسمه فيها.

رصاصة جت في كتفه السليم ووقع على ركبه، بس كمل زحف وهو بيضرب.

من ورا الباب بسمه سامعة صوت الرصاص وصوت سليم بيكح دم. مسكت المسدس الوردي اللي علمها عليه وصرخت:

*بسمه*: "سليييم! لو جرالك حاجة هموت وراك!"

سليم سمع صوتها فصرخ بكل قوته وهو الدم مغطي وشه: "بسمه! اوعي تطلعي! اقفلي ودانك! أنا جايلك!"

قائد الحملة قرب منه والسلاح في راسه: "خلاص يا سليم... اللعبة انتهت."

سليم بص له وبص للباب اللي وراه بسمه، وابتسم ابتسامة مرعبة بدمه: "اللعبة... لسه مبدأتش."

رفع المسدس بآخر قوة عنده...

---

بقلم اسماء عدلى