الفصل الثالث

*3*

*_"حين سألوه: كيف وجدتها وسط الزحام؟

قال: أي زحام؟ أنا لم أرَ سواها!"__

---

_ انتِ قسيتي عليها قوي يا شرين، والموضوع مش مستاهل.

_ إزاي مش مستاهل؟ لازم كنت أفرملها وأفكرها بالحقيقة اللي عشت أتعذب طول عمري بسببها.

_ غلط اللي بتعمليه. ياسمينة من حقها تعيش، ويبقى لها بيت وراجل.

_ وليه يبقى لها بيت وراجل؟ عشان محتاجة لحب؟ ما أنا بحبها والكون كله بيحبها. إنما لو هي حبت هتتعذب زي ما...

قاطعتها انتصار وقالت:

_ مش كل الناس اللي حبت بتتعذب يا شرين. دي سنة الحياة. ما تحرميش بنتك إنها تعيش حياة طبيعية.

_ يعني هو الراجل اللي هيتجوزها هو اللي هيعيشها حياة طبيعية؟ ده هيخونها حتى لو ملكت الجمال، وهيخليها تكره نفسها، وهيقتلها بالبطيء.

_ يا ساتر يا رب! أعوذ بالله منك ومن كلامك. بعد الشر عنها.

_ انتِ هتخافي على بنتي أكتر مني ولا إيه؟ أنا بقولها كده عشان خايفة عليها أكتر من أي حد، ومش عايزاها تعيش اللي أنا عشته.

قالتها شرين وهي ترص الأصناف التي أحضرتها معها بمساعدة انتصار، التي ذهبت إلى المطبخ لإحضار الصحون وهي تقول:

_ هجيب الأطباق، وهنادي على البنات يقفلوا المحل ويجوا يتغدوا.

هنا جاء على هاتف شرين رسالة، فردت عليها لتجد رسالة تجمدت وهي تقرأها في صدمة. راحت ترتجف وتمسك قلبها، وأخذت حقيبتها وركضت. أغلقت انتصار الإنتركم الذي يجعلها تتواصل مع البنات في المحل من خلاله، وعادت وهي تحمل الأطباق قائلة:

_ شكلنا هناكل لحالنا. البنات ضربوا سندوتشات كبدة وحاجة ساقعة.

لكنها لم تجد شرين. راحت تنادي عليها وتبحث عنها، ووقفت في حيرة وتساءلت مترددة:

_ راحت فين دي؟

*☕_ʚଓ ◞𓂃܀*

*بعد مرور أسبوع*

دخلت الأم إلى غرفة البنات اللاتي يستعددن للذهاب إلى مدرستهن، ثم تطلعت إلى ياسمينة التي كانت تجهز حالها بوجه شارد حزين. فاقتربت منها انتصار تسألها في عطف:

_ هتيجي على هنا بعد المدرسة؟

نفت ياسمينة برأسها وهي تقول:

_ لا، هطلع على ماما أشوفها. مشيت امبارح فجأة كده ليه؟ وليه مش بترد على مكالمتي طول الليل؟ مش معقول كل ده عشان سمعتنا بنتكلم أنا ورنا عن... مش معقول يعني. مفيش حاجة حصلت تخليها تتصرف بالشكل الأوڤر ده.

_ معلش، هي بتتصرف كده عشان انجرحت كتير مع أبوكي. انتِ عارفة أمك استحملت إيه طول حياتها.

جلست ياسمينة تبكي، وقالت ويمنى ورنا تتابعانها في تأثر:

_ أنا ذنبي إيه؟ طول عمري شايفاها ضحية، ضحية بابا آه. وطول الوقت بتنصحني إني ما أحبش وأحفظ على قلبي لنفسي. خايفة عليّ، فاهمة. بس زي ما هي غصب عنها لازم تفهم إنه غصب عني كمان. هي اختارت غلط، تديني فرصة أختار أنا كمان. مش يمكن أختار صح يا خالتو؟ مش يمكن أقدر أختار حد ما يكونش شبه أبويا؟

_ أكيد... إن شاء الله تختاري حد مش شبه أبوكي.

دمعت عين انتصار، وبكت ياسمينة بحرقة، واقتربت رنا ويمنى تواسيانها في تأثر وحب. ربطت ياسمينة على يدها التي تربت عليها، ثم نهضت وهي تغلق حقيبتها وقالت:

_ يلا عشان ما نتأخرش على المدرسة. هخلي عندك حاجاتي يا خالتو، يمكن نتخانق وأرجع لك تاني.

_ ربنا ما يجيب خناق يا بنتي. ربنا يهدي لكم الحال ويهدي قلبكم.

ذهبت ياسمينة مسرعة وخلفها بنات خالتها، وراحوا يرتدون أحذيتهم وانطلقوا. تبعتهم انتصار وتنهدت في ضيق وذهبت.

انطلقت رنا ويمنى لمدرستهم التي كانت بالجوار بعد أن ودعوها، بينما ياسمينة ظلت واقفة منتظرة وسيلة مواصلات تأخذها لخارج الطريق الرئيسي. راحت تنظر في اهتمام منتظرة العربات الصغيرة الشعبية، ثم نظرت للاتجاه المعاكس ربما أحدهم يكون قادمًا، لكنها لم تجد. في يأس راحت تجلس على درجات سلم أحد المحلات مع استمرار النظر شمال ويمين على أي عربة قادمة، لتتفاجئ بوجود عزيز واقف أمامي وهو يمدّ لي كوب قهوة مرة أخرى.

نظرت له رافعة حاجبي في دهشة، ونظرت لكوب القهوة وقلت:

_ ده ليا أنا؟

_ وانتِ شايفة حد غيرك واقف بجانبك؟

_ لا... لا مش هاخده المرة دي.

_ شكلك مرهقة جدًا هتحتاجيله. خديه، وبالمناسبة شكلك جميلة وأنتِ مرهقة كده.

_ إيه كل جرأتك دي؟ ومين أنت؟

_ أنا رجلٌ مملّ. من المرة الأولى اللي شوفتك فيها وقلبي لا يهدأ في مكانه. ولكنني لم أجرؤ على محادثتك منذ يوم السوق لأنك ما خرجتيش من بيت ست انتصار من تلات أيام. بس شوفت إنك تملكين أصدقاء كثر، تقدري تتكلمي معهم في أي موضوع كان، ولا يملّ أي أحد من محادثتك. ورأيتك تعرفين إزاي تسلّطين اهتمامك على ما يحبه الشخص نفسه، وده استغربته فيكي في الحقيقة. كنت أشوفك تحادثين الجميع في الحاجات اللي بيحبها، ومشوفتكيش بتتكلمي عن حاجة واحدة بتعبّر عنك. وحين تفعلين مصادفةً تغيّرين الموضوع فورًا خوف أن يصاب حد بالملل.

ثم توقف لحظةً حين شعر بأنه انجرف في الحديث كثيرًا وقال:

_ اعذري كتر كلامي، قلت لك من الأول إنني رجل ممل.

_ لا مش كده، ولكن إزاي عرفت ده عنّي وأنا لسه ما أعرفكش!

_ مكنتش من الأول أستمع إليكم قصدًا، ولكن مش ذنبي إن كنتم في السطح المجاور لا تهتمون بما يسمعه الجيران وتتحادثون بكل المواضيع. وبالصدفة... صدفة بس إني أكون جالسًا جمبكم على السطح المجاور شايفكم وأنا فوق.

ثم ضحك ضحكة خفيفة وأكمل:

_ وهكذا استمر الأمر... أراقب من بعيد إلى أن رأيتك في أحد الأيام تجلسين هناك وحدك. فتعجبت جدًا، لأني مشوفتكيش تجلسين وحدك أبدًا. وانتبهت إلى أن الزينة على وجهك قليلة بالنسبة للأيام التانية، وأن تحت عينيك تظهر أشباح هالات سوداء مشوفتهااش قبل كده. لولا أني أعرفك كويس وحفظت ملامحك مطبوعة في عقلي لفكرتك بنت تانية. وهكذا كان الأمر فعلًا، أنتِ في اليوم ده كنتي فتاة مختلفة عن الأيام الأخرى. فحين علمت مذكرتك اللي بتذكريها بالجوار منذ عدة أيام، فلم أجدك تتكلمين مع صديقاتك اللي كنتي بتكلميهم، ومشوفتكيش في المحل تساعدين بنات خالتك. كنتي تنتبهين لدروسك وبس، وتلخّصين بعد الدروس وتحلين أحيانًا بعض الامتحانات وتتأكدين من الإجابة، ثم تخرجين وتتمشين في حديقة الزهور الخاصة بمنزل خالتك قليلًا وحدك. تجلسين هنا في هذا المكان نفسه كل مرة. أقول إنك فتاة مختلفة، لأنك تظهرين حقيقية أكثر في هذا اليوم. يبدو وجهك مع قلة زينته أجمل. تبدين مع تعبك كله مرتاحة أكثر. تشبهين نفسك أكثر في هذا اليوم. وهكذا بقيت عدة أسابيع أراك وأفكر كيف أحادثك إلى أن خطر لي فكرة كوب القهوة مجددًا. كانت فكرة مبتذلة أعلم، ولكني كما قلت لك... رجلٌ ممل. أوف اتكلمت كثيرًا مجددًا.

كنت منذهلة بكل ما قاله. لم أكن أشعر بالملل من كل حديثه، بل كنت أشعر بالذهول... من هذا الطيف الغريب وكيف ظهر لي، ومن حقيقة كل ما قاله. لم أقل أي شيء، لم أقل له كلمة واحدة، ومشيت من فوري دون أن ألتفت.

*☕_ʚଓ ◞𓂃܀*

أنهت ياسمينة اليوم الدراسي في وسط، وخرجت وهي تبتسم مع صاحباتها. ولكنها لمحته على الطريق يتطلع لها في اشتياق. توقفت ونظرت له، ولكنها انطلقت تركب الباص مع صديقتها، وعادت إلى بيتها الفلة العملاقة ذات الغرف الكثيرة. وأخبرتها المساعدة أن أمها لها أسبوع في عزلة واكتئاب. أدركت ياسمينة أن سبب اختفائها تلك المدة أنها قد علمت شيئًا جديدًا عن مغامرات والدها مع الستات التي لا تنتهي.

حاولت أن تدخل لها وتتحدث لها، ولكن أجابتها الأم بصوت باكٍ حزين أن تتركها لحالها بعض الوقت وأن تعود إلى خالتها.

أصررت أن تفتح، ولكنها صرخت مني طالبة ومؤكدة طلبها بأن أتركها الآن.

نظرت إلى الفراغ الذي يحيط بالمكان. وبرغم من بساطة منزل خالتي وبساطة الحي الذي تقيم فيه، إلا أنها تشعر بالحياة هناك.

تشعر بالسعادة والألفة. دخلت إلى غرفتها وراحت تلملم بعض الأغراض الخاصة بها، وعادت إلى منزل خالتها.

في الأسبوع التالي، لم أذهب لمكان جلوسي المعتاد. نظرت من بعيد فوجدته ينتظر قدومي فلم أذهب. كنت ما زلت أفكر فيما قاله... كانت فكرة أن يعرفني أحد لهذه الدرجة مخيفة قليلًا لي... مخيفة وجميلة!

وفي الأسبوع الذي بعده، رأيته مرة أخرى يجلس في مكاني المعتاد واضعًا رأسه في الأرض، لعله كان يفكر كم هو رجل ممل. ذهبت إليه ومددت له يدي بكوب قهوة، نظر لي باستغراب وقال:

_ ده عشاني؟

_ انت شايف حد قاعد جنبك؟

ضحك ضحكته اللطيفة نفسها وقال:

_ شكلك مرهقة شوية النهاردة، وجميلة جدًا... 🖤

ضحكت ضحكة عالية، ونهض هو مبتسمًا وهو يتطلع لضحكتي في إعجاب.

نظر لملابسي والتي لم تكن الزي التقليدي للمدرسة وقال:

_ انتِ إجازة النهاردة من المدرسة؟

_ لا المدارس شغالة. بنات خالتي وخالي لسه رايحين. أنا بس حبيت أغير جو وأغير مود.

حاسة إني زهقانة شوية.

قالتها في دلال وهي تبتعد وتسند على السيارة الخاصة بي وقالت:

_ شوف بقا هتفسحني فين؟

ابتسمت غير مصدق وتقدمت فتحت لها باب السيارة. تقدمت بدورها وجلست وهي تنظر لعيني مباشرة بثقة، فأخذت قلبه تلك النظرة الخاطفة للقلوب. ابتلعت ريقي مبتسمًا وانطلقت بسرعة أجلس على مقعد القيادة، ونظرت لها وتطلعت وراحت تقول:

_ يلا سوق، مستني إيه؟

نظرتها وطريقتها في الكلام وكوني معها جعل ذلك يرف له القلب. أدرت محرك السيارة وأنا غير مستوعب ما يحدث وخائف لأكون بحلم، وانطلقت.

كانت تقف عن بعض فتاة كانت تطلع لما يحدث في ذهول، وانطلقت تركض إلى منزل عزيز وهي تبكي في صدمة.

*☕_ʚଓ ◞𓂃܀*

دخلت سمر فلة عزيز واتجهت إلى بيتها وعبرته وهي تبكي، وجلست جوار والدتها وهي تقول لها في انهيار:

_ ماما عرفت عزيز كل يوم بيصحى بدري بيروح فين؟

تطلعت لها ولبكائها وقالت في اهتمام:

_ بيروح فين لدرجة خلتك تعيطي وتموتي نفسك في العيط كده؟

_ عزيز ماشي مع بنت، اتقابله على ناصية الشارع وأخذها معاه في عربيته ومشيوا.

_ ومين البنت دي؟ يعرفها منين ومن امتى وهو يعرفها؟

_ قولنالك إنه بقاله فترة مش على بعضه، سرحان طول الوقت، وكتير بلاقيه قاعد مع نفسه على سطح فلته. ولما بيكون في الجيم بلاقيه بيسمع أغاني ومش مركز، وكأنه في دنيا تانية.

_ أيوة بس انتِ في حكم المخطوبين. أمه عارفة إنه مفروض يتكلم عليكي، وإنك من زمان هو ليكي وانتِ له.

_ شكل في واحدة تانية شغلت قلبه خلاص.

_ لا واحدة تانية إيه! دانا أهدها فوق دماغه ودماغ اللي خلفوه. يبقى راهنِك معاه السنين دي كلها، وموقف حالك لأن محدش هيرضى يتقدم لك وانتِ معروفة إنك خطيبته، وفي الآخر يبص أو ياخد واحدة تانية.

_ طيب شوفي حل معاه، أبوس إيدك قبل ما يروح مني.

_ تمام، أنا ليا صرفة معاهم. اهدي انتِ كده واجمدي. الرجالة ما بتحبش الوحدة الضعيفة، ياكلوها.

أزالت سمر دموعها وشرّدت وهي تتذكر لحظة ركوبه معها السيارة.

*☕_ʚଓ ◞𓂃܀*

أشارت ياسمينة لعربية فول في سرعة وحماس وقالت:

_ اقف نفطر هنا.

_ على عربية فول؟

_ أيوة بقالي كتير ما فطرتش على عربية فول. اقف نفطر عندها.

_ أيوة بس أول خروجة بنا نفطر على عربية فول؟

لمست ياسمينة يده لمسة رقيقة وهي تقول:

_ اقف من فضلك. دي أحلى فطارة في الدنيا.

نظر عزيز للمسة يداها الجميلة وتوقف على الفور، وابتلع ريقه وهو يرجع بالسيارة للخلف ويتطلع لوجهها الساحر السعيد كالأطفال وهي تؤكد على عشقها للأكلات البسيطة الشعبية. توقف بالسيارة وراح ينظر لموضع يده التي لمست يداها وهو يشعر بدقات قلبه. نظر تجاهها مجددًا فقد كانت لا يُرتوي منها النظر. إنها جميلة، جميلة أكثر من أي شيء رآه.

نزل من سيارته وذهب إلى عربية الفول وجلس على طاولة جانبية، وجاء الجرسون وهو يقول:

_ تحت أمرك يا باشا.

نظر لها عزيز وسألها:

_ تحبي حاجة معينة أطلبها لك؟

_ بحب الفول.

ضحك عزيز وقال:

_ عارف يا قلبي. هطلب لك فول بس حاجة تانية بتحبيها غيره.

_ مش عارفة، اللي هو فول وطعمية والحاجات كده.

هز عزيز رأسه مبتسمًا ونظر للجرسون الذي يتابعهم مبتسمًا وقال:

_ عايز 2 فول، واحد بالزيت الحار وواحد عادي، عشان اللي تحبه معرفش هتحب إيه؟

قالت ياسمينة مبتسمة:

_ أيوة، زيت حار بحبه، وبحبه بالشطة والطحينة ولمون.

_ تمام زي ما قالت كده. وعايز 4 طعمية محشية و4 عادية، وعايز بيض مقلي ومسلوق، وجبنة قديمة، وجرجير بقا، وسلطاتك زبطنا.

_ من عينيا الاتنين.

ذهب الجرسون في سرعة وحماس، ونظر ل ياسمينة التي قد انشغلت في هاتفها فسألها وهو مازال يتطلع لها في انبهار لجمالها وكأنه غير مصدق أنه معها:

_ مشغولة عني ليه؟

_ بحاول أطلب ماما... تخيل من ساعة ما جت متجر الزهور واتخانقنا مع بعض من وقتها مشوفتهااش ولا كلمتني.

_ ليه كده؟ زعلانة منك قوي كده؟

_ لا مش زعلانة مني... زعلانة من شخص تاني.

نظرت ياسمينة بوجهها بعيدًا وكأنها تخفي دموعًا حبيسة ظهرت في عيناها. تطلع لها في تأثر وسألها مجددًا:

_ بتحاولي توصليلها أو تكلميها؟

روحت لها كذا مرة، منعزلة تمامًا، رافضة تكلم حد. وبتصل بيها مش بترد أصلًا، قافلة الموبايل. بطمن عليها من الدادة.

_ بسم الله ما شاء الله... عندك دادة؟

_ أيوة.

_ باين عليكي من طريقتك وشكلك ومظهرك وعربية والدتك اللي جات فيها، والمدرسة الإنترناشونال، إنك مستوى مختلف تمامًا، متزعليش مني، عن ست انتصار خالتك.

مطت ياسمينة شفتيها وقالت:

_ فعلًا... بابا رجل أعمال مرموق. عنده أملاك وملايين ومشاريع معرفش أولها من آخرها. ورغم إن المستوى فعلًا مختلف بين ماما وخالتو، بس صدقني بعشق الحياة عند خالتو. بحس براحة أكثر هناك.

في بيت بابا بحس بفراغ قاتل. كل وسائل الراحة متوفرة، ولكن مفيش روح، مفيش حياة، مفيش حد سعيد. مشاعر جامدة جدًا.

هنا بكت ياسمينة ولم تستطع مقاومة مشاعرها أكثر. تطلع لها عزيز في تأثر أكبر، وفي تردد عانق يداها وهو يقول:

_ أرجوكِ اهدي.

سحبت يدها برفق وراحت تزيل دموعها وهي تعتذر.

قال لها في حنان:

_ مفيش داعي للاعتذار. بالعكس أنا سعيد إنك بتفتحي لي قلبك. دلوقتي عرفت سر حزنك وتغيرك الأيام اللي فاتت.

هنا جاء الجرسون وراح يضع أطباق الطعام التي قد طلبها، فابتسم عزيز ليعيد حماسها الطفولي وهو يقول:

_ يلا يا ست الحسن ناكل، عشان هعيشك يوم النهاردة مش هتنسيه طول عمرك.

_ تمام وأنا موافقة.

قالتها وراحوا يأكلون سويًا وهو يناولها ويقرب لها بعض الخبز البلدي الشهي.

*☕_ʚଓ ◞𓂃܀*

---