All Chapters of A Contract Marriage With Abe Dela Torre: Chapter 51 - Chapter 60

Narinig ko ang isang hagikgik ng babae na nagpakulo sa aking dugo. Pinagkagat ko ang aking mga bagang para pigilan ang anumang reaksiyon. “Y-Yes, I am fully aware of that,” sabi pa nung Brianna gamit ang malanding boses. Sa tingin ko ay boses iyon nung Brianna dahil hindi naman iyon boses ni Vice Mayor na kanina pa salita nang salita. “Bakit daw?” pabulong na tanong ni Ms. Mona sa akin na nakalapit na pala. “Hindi ko po alam eh,” sagot ko. Tumalikod na ako sa kanya at naglakad pabalik sa mesa ni Abe. “Sir, may iuutos po kayo?” tanong ni Ms. Mona na sinundan pa ako nang tingin. Ngayon niya lang ako nakitang nakaupo sa swivel chair ni Abe dahil ngayon lang namin ipinakita sa iba. “Please call Mrs. Ulanday, tell her to send a recruitment officer,” pagbibigay ng instructions ni Abe. Pag-alis ni Ms. Mona ay muling nagsalita si Vice Mayor. “Matagal na kaming hindi nagkakausap ng Mommy mo. Kumusta na ba siya?” Katahimikan. Umangat tuloy ang tingin ko sa lalaki na ngayon ay umiigting

“Isla!”Napalingon ako kay Cath na kumakaway na lumapit sa akin habang karay ang isang matandang babae na sa tingin ko ay ang kanyang lola na siyang nagpalaki sa kanya.“Cath!” nakangiti kong bati.Nagyakap kaming dalawa at sabay na napatili, “This is it!”“‘La, siya po si Isla ang nag-iisa kong kaibigan dito sa school,” pagpapakilala ni Cath sa akin sa kanyang Lola na sa tingin ko ay halos 70 na ang edad.“Aba’y napakagandang bata naman nitong kaibigan mo, Catherina!” nakangiting sabi ni Lola.“Salamat po, lola. Kaya po kami magkasundo ni Cath kasi magkasing ganda po kami. Nagmana po ba siya sa inyo?” sagot ko sa matanda na nagpakinang sa mga mata nito.Hindi bola iyon. Maganda talaga si Cath-- morena, korteng puso ang maliit na mukha, maganda ang hubog ng katawan at nasa 5'2" ang height. Kumunot ang noo ni Cath. “O, asan ang nanay at kapatid mo?”Tipid akong ngumiti. “May check-up kasi sa Manila si Ayah. Hindi namin maipagpaliban kasi para kampante rin akong aalis sa Biyernes.”Naku

Kilig na kilig ang mga kaklase ko at panay ang sabi ng sana all pagkabalik ko sa aking upuan habang si Cath ay panay naman ang tukso sa akin sa pamamagitan ng text messages. Hindi nila naririnig ang tibok ng puso ko na parang sa sobrang lakas ay aalpas na sa dibdib ko. Ipinagpapasalamat ko na lang na ang presidente lang ng university ang nakarinig ng mga sinabi ni Abe kanina.Maya-maya pa ay ipinadala naman ni Cath sa akin ang mga kuha niya sa amin ni Abe habang sinasabitan ako ng medalya kanina. Mamaya ko na lang titingnan dahil baka makisilip pa ang mga katabi ko. Nang matapos ang graduation ceremony, nagpadala si Abe ng message sa akin na maghihintay na lamang siya sa sasakyan kaya sumama pa ako sandali para magpakuha ng litrato kasama si Cath at ang mga kaklase namin.Palabas na kami ni Cath at ng lola niya ng auditorium nang salubungin kami ni Lemuel na may dalang isang palumpon ng mga makukulay na bulaklak.“Congratulations, Isla!” pagbati nito habang iniaabot ang bulaklak sa

Automatic na dumilat ang mga mata ko. Paglingon ko sa digital clock sa ibabaw ng night stand ay 4:30 pa lamang ng umaga. Pinayagan akong mag-leave ngayon ni Mr. Refuerzo para ma-celebrate ko raw ang graduation ko kahapon. Napalingon ako sa kabilang side ng kama nang maalala na nakatulugan ko na kagabi si Abe sa tabi ko. Bakante ang puwesto niya. Nasanay na rin kasi siya na lumilipat sa kabilang silid kapag inaantok na pero kagabi binilinan ko pa siya na huwag na muna lumipat dahil bahing siya ng bahing kahapon pagdating namin at gusto ko sana ma-monitor siya kung magtutuloy ang sipon niya kahit inagapan na namin ng gamot.Hindi ako mapakali kaya dinampot ko ang sleeping robe ko na nakasampay sa reclining chair para silipin ang lalaki sa kabilang silid. Pagbukas ko ng pinto ay napansin ko agad na naka-off ang aircon pero bukas ang dim lights. Balot na balot ng comforter ang lalaki at nagulat ako nang marinig ang mahinang ungol ni Abe. Nilapitan ko siya at agad na kinapa ang noo. Tama

Kinahapunan ay wala nang lagnat si Abe pero ako naman yata ang aatakihin sa puso dahil naroon na siya sa loob ng mini-office niya at nakikipag-online meeting! Inis na inis ako dahil nang silipin ko siya ay panay pa rin ang tagaktak ng pawis niya at sa loob ng isang oras na meeting niya ay dalawang ulit ko nang pina-off ang camera niya para punasan ang pawis niya at palitan ang longsleeves niyang suot. Hindi ba puwedeng magpahinga muna?Sa sobrang inis ko si Harris ang inaway ko sa phone dahil ibinilin ko na i-cancel ang lahat ng meeting ni Abe pero ang boss pa rin niya ang sinunod niya.“Tapusin mo na iyang meeting mo o uuwi na lang ako sa amin?” galit ko nang sabi. “Kapag ganito lagi baka maging nagger na ako!”Narinig ko ang mahinang tawa ni Abe habang pinapainom ko siya ng gamot. Naka-every four hours kasi ang gamot niya sa lagnat at maya’t maya ay pinapainom ko siya ng tubig para may pamalit sa ipinapawis niya.“Harris, please wrap this meeting up. I need to rest baka mabitay na a