All Chapters of Ms. Angas at Mr. Arogante: Chapter 241 - Chapter 250

Third Person“Kung hindi mo talaga magagawang tanggapin ang asawa ko, mabuti pang umalis na lang kami rito sa mansyon.”Mabigat ang tinig ni Alfonso nang bitawan niya ang mga katagang iyon. Hindi iyon simpleng pagbabanta o bugso ng damdamin. Ramdam ng lahat na handa siyang panindigan ang bawat salitang lumabas sa kanyang bibig. Mahigpit niyang hawak ang kamay ni Mildred, para bang gusto niyang iparamdam dito na anumang mangyari ay hindi niya ito bibitawan.Nagulat ang lahat ng naroon.“Dad!” halos sabay-sabay na bulalas nina Nathan, Calvin, at Matthew. Hindi nila inaasahang darating sa puntong handang talikuran ng kanilang ama ang tahanang kinalakihan niya para lamang ipagtanggol ang babaeng mahal niya.Nanlaki rin ang mga mata ni Lolo Ruel. Hindi niya inakalang magiging ganoon kabigat ang magiging reaksyon ng anak. Akala niya ay kahit paano ay maglalaan ito ng panahon upang makinig sa kanila, ngunit tila tuluyan na itong nabulag ng pagmamahal kay Mildred.Samantala, bahagyang yumuko

JenelynAlam kong hindi basta-basta nagpapatawag si Lolo Ruel ng kahit sino sa mansyon, lalo na kung si Bradley ang hinahanap niya. Sa ilang buwan ko nang nakikilala ang pamilya Salazar, alam ko na may sapat siyang dahilan sa tuwing gumagawa siya ng ganoong hakbang.Kaya nang sabihin sa akin ni Bradley na pinapunta siya ng kanyang lolo sa mansyon, hindi ko na siya tinanong pa kung bakit. Pakiramdam ko ay may kinalaman iyon sa nangyayari sa kanilang pamilya. Posibleng may bagong impormasyon, o baka naman muling nagkaroon ng pagtatalo dahil kay Tita Mildred.Habang iniisip ko iyon ay tumayo muna ako mula sa workstation ko. Ilang oras na rin akong nakatutok sa harap ng monitor at nagsusulat ng codes para sa Dr. Machine. Kailangan ko ring bigyan ng pahinga ang sarili ko kahit ilang minuto lang.Nagpunta ako sa kusina at nagsalin ng malamig na tubig sa isang baso. Tahimik ang buong condo. Tanging mahinang ugong ng air conditioner at refrigerator ang maririnig. Habang umiinom ako ay hindi k

BradleyPakiramdam ko ay kaya kong ngumiti buong araw.Hindi ko alam kung ilang segundo akong napatitig lang kay Jenelyn matapos niyang sabihin ang mga salitang iyon. Hanggang ngayon ay paulit-ulit pa rin iyong umaalingawngaw sa isip ko."If you want to get married, then we can get married."Napakasimple ng pagkakasabi niya, pero para sa akin ay napakalalim ng ibig sabihin noon.Biglang gumaan ang pakiramdam ko na para bang may malaking batong matagal ko nang pasan ang kusang nawala sa dibdib ko.Sino ba naman ang hindi matutuwa sa narinig ko?Mahal ko siya.Mahal na mahal ko siya.Matagal ko nang gustong maging asawa si Jenelyn. Sa bawat araw na lumilipas ay lalo lang akong nagiging sigurado na siya na ang gusto kong makasama habambuhay. Kaya nang sabihin niyang handa na rin siyang maging Mrs. Salazar, halos hindi ako makapaniwala.Pero kasabay ng matinding saya ay may isang tanong ding agad na pumasok sa isip ko.Hindi ba masyado pang maaga?Tahimik akong napabuntong-hininga habang

Third PersonIlang linggo na lamang ang natitira bago sumapit ang ika-limampung kaarawan ni Mildred Salazar.Katulad ng nakasanayan sa mansyon ng mga Salazar, tahimik na nagsasalo sa almusal ang pamilya sa mahabang dining table. Ang malawak na silid-kainan ay nababalot ng pamilyar na katahimikan na paminsan-minsan lamang napuputol ng mahinang kalansing ng mga kubyertos at pinggan.Naroon sina Alfonso, Mildred, Lolo Ruel, Calvin, Matthew, at Nathan. SI Bradley ay nasa kanyagn condo kasama si Jenelyn.Ngunit kahit wala siya ay alam niya ang mangyayari sa mansyon dahil plinano nila iyong magkakapatid.Tahimik na kumakain si Alfonso habang paminsan-minsang sumusulyap sa asawa. Samantala, si Mildred naman ay elegante pa ring kumikilos, katulad ng nakasanayan nitong gawin sa harap ng pamilya. Walang sinuman ang mag-aakala na sa likod ng mahinahon nitong ekspresyon ay nagtatago ang isang babaeng punong-puno ng kasinungalingan.Sa mahabang panahon ay pinangatawanan ni Mildred ang pagigng kaga

Third PersonSa loob ng isa sa pinakasikat at pinakamamahaling hotel sa lungsod, abala ang lahat sa paghahanda para sa engrandeng pagdiriwang ng kaarawan ni Mildred Salazar.Mula sa grand lobby hanggang sa pinakamalaking ballroom ng hotel ay makikita ang walang tigil na pagkilos ng mga staff. May mga waiter na maingat na inaayos ang mga mesa at mamahaling silverware, habang ang mga event stylist naman ay sinisiguradong perpekto ang bawat floral arrangement na nakapalibot sa venue.Ang kisame ay pinalamutian ng naglalakihang crystal chandeliers na nagbibigay ng eleganteng liwanag sa buong ballroom. Sa gitna ng entablado ay nakapuwesto ang napakalaking LED screen na nakahanda nang magpakita ng family photos at birthday presentation mamaya. Ilang musikero rin ang nagsasagawa ng final sound check habang ang event coordinator ay paulit-ulit na nag-iikot, tinitiyak na walang kahit isang detalye ang mapapalampas.Halatang pinaghandaan nang husto ang gabing iyon.Hindi lang dahil birthday iyo