Semua Bab Serravalle's Secret Baby (Serravalle Brothers Series 1): Bab 11 - Bab 20

Seren Evangeline Del ValleMarami pa sana kaming pupuntahan at gagawin nina Austin pagkatapos ng diving activity namin, ngunit lahat ng pananabik ko ay agad na naglaho dahil sa pagkikita muli namin kanina ni Sienna.Matalik kong kaibigan dati ang babae, ngunit nang maging kami ni Cloud ay unti-unting lumayo ang loob nito sa akin hanggang sa tuluyan na kaming mawalan ng komunikasyon nang maganap ang engagement namin ni Cloud noon.Matagal ko na rin namang nararamdaman noon na may pagtingin siya kay Cloud dahil sa tuwing may importante kaming pinupuntahan ng lalaki ay palagi itong pilit na sumasama. Madalas din ang pagtatanong niya sa akin tungkol sa mga bagay-bagay tungkol sa lalaki, ngunit dahil sa pagiging magkaibigan namin ay hindi ko na lang ito binigyang-pansin pa.Ngunit ngayong nakita ko na magkasama sila at malapit na ring ikasal, ay doon ko lang napagtanto na mula pa noon ay matagal nang may pagtingin si Sienna kay Cloud, at marahil nang malaman nito na wala na kami ay saka na

Cloud Serravalle“Pambihira bro, kakatapos lang ng engagement mo pero para kang namatayan diyan sa paraan ng pag-iinom mo,” puna ni Rehan nang mapansin niya ang sunod-sunod na pag-inom ko ng alak sa aming harap.Ngunit imbis na tugunin ang kanyang sinabi ay binato ko lang siya ng masamang tingin kaya naman ang kaibigan ko ay natatawa na lang habang kinuha ang baso ng alak sa kanyang harap.“Tell me what happened, hindi yung nagpaparamdaman tayong dalawa rito,” muling sabi ni Rehan makalipas ang ilang sandali.Kasalukuyan kaming nandito ngayon sa HomeRun Bar na pagmamay-ari ng isa sa mga kaibigan rin namin na si Jarred na tubong Bukidnon pero mas piniling manatili rito sa Maynila para tutukan ang kanyang negosyo. Meron rin siyang bar sa probinsya nila pero mahirap dahil na rin sa nangyari sa kanya roon nitong nakaraan lang kaya mas minabuti na lang niyang manatili rito sa Maynila.“I’m not sick anymore,” seryosong sabi ko sa kaibigan ko na dahilan upang maantala sa ere ang akma sana ni

Seren Evangeline Del ValleNanginginig ang buong katawan ko habang isa-isang inilalagay sa loob ng bag ko ang aking mga gamit. Wala na ring patid ang pagpatak ng aking luha dahil sa nangyari kaya naman ang mga kasama ko ay hindi na rin mapigilan ang mag-alala sa akin.“Seren, ano ba talagang nangyari? Maupo ka nga muna at uminom ka ng tubig,” ani ni Emiel habang pilit akong hinihila paupo sa aming mesa. Agad ring nagsilapit sa akin ang iba naming mga kasama na pawang mga kababaihan rin.Inabutan din ako ni Jade ng isang bote ng mineral water na siya ko namang tinanggap at pagkatapos ay nagpasalamat.“Sinaktan ka ba ni Boss?” tanong pa ni Jade matapos nitong maupo sa aking tabi. Nasa pagitan tuloy ako nila ni Emiel habang ang ibang mga kasamahan namin ay nakatayo lang sa aking harap.Isang mabilis na iling naman ang aking ginawa ngunit nananatiling pumapatak ang aking luha. Napansin din ni Emiel ang mapulang marka sa may leeg ko kaya naman bahagya pa niyang ibinaba ang kuwelyo ng aking

Seren Evangeline Del ValleDahil unang araw ko pa lang sa bagong trabaho ko, tanghali pa lang ay pinauwi na rin ako ng pinuno ng departamento kung saan ako kabilang. Orientation pa lang naman kasi at bukas pa talaga magsisimula ang trabaho ko sa kanilang kumpanya.Akala ko nga noon una ay makikita ko uli si Austin roon ngunit hanggang sa umalis ako ay hindi ko siya nakita. Ang sabi rin sa akin ng ibang mga kasama ko ay hindi naman daw madalas ang lalaki sa nasabing lugar at nakikita lang nila ito kung may importanteng trabaho itong gagawin doon.Dahil medyo may kalayuan ang bago kong pinapasukan sa coffee shop ni Mika kung saan naroon ang aking anak ay halos tumagal rin ako ng kalahating oras sa biyahe.Habang naglalakad ay may nakita rin akong stationery store kaya naman dumaan rin ako roon para bumili ng assorted colored paper na kagabi pa hinihingi sa akin ni Cyrus.Nitong mga nagdaang araw kasi ay may napanood itong isang video kung saan ang bata ay nagtutupi ng tila maliliit na b

Seren Evangeline Del ValleBuong araw ata sa trabaho ang bigat ng aking pakiramdam. Wala naman akong lagnat o kahit anong sakit pero pakiramdam ko ay ang bigat-bigat ng aking katawan. Sobra pa akong inaantok kanina at napansin pa nga ito ng isa sa mga kasamahan ko kaya naman nagmagandang-loob pa itong ikuha ako ng kape para lang matapos namin ang aming trabaho kanina. Pero nakadalawang tasa na ako ng kape ngunit wala pa rin itong epekto sa akin kaya naman ngayong pauwi na ako ay imbis na mag-bus, nag-book na lang ako ng taxi para kahit papaano ay makaidlip rin ako sa biyahe. Tulad ng nakagawian ko ay isinend ko kay Mika ang plate number ng taxi na aking sinasakyan ngunit hindi ko na nakita pa ang kanyang reply dahil tuluyan na akong idinuyan ng antok nang magsimula nang umandar ang sasakyan.“Ma'am, nandito na po tayo,” mahinang paggising sa akin ng driver at nang imulat ko ang aking mga mata ay nasa tapat na nga kami ng coffee shop ng aking kaibigan. Mabilis lang akong nagbayad sa dr