All Chapters of Serravalle's Secret Baby (Serravalle Brothers Series 1): Chapter 21 - Chapter 30

Seren Evangeline Del ValleIlang oras na rin mula nang makaalis si Mika ngunit heto ako at malalim pa rin ang pag-iisip. Hindi na rin ako pumasok sa opisina ngayong araw at tumawag na lang ako sa HR namin upang ipaalam rito na masama ang aking pakiramdam. Kaagad naman nitong inaprubahan ang leave of absence ko kaya naman heto ako ngayon at tulalang mag-isa sa bahay. Isinama na rin kasi ni Mika kanina si Cyrus para sa pagpasok nito sa kanilang day care center; sinabi ko na lang kay Mika na ako na lang ang susundo mamaya sa mga bata para hindi naman nakakahiya sa kanya.Pagsapit ng alas-nueve ng umaga ay nakaramdam naman ako ng gutom kaya naman muli akong nagtungo sa kusina para tingnan kung ano ang maaari kong makain. Ngunit nang makita ang niluto ni Mika kanina na adobo baboy na siyang baon rin ng mga bata, kaagad na napasimangot ang aking mukha dahil sa pagkakaamoy ko sa pagkain. Imbis na kumain agad ng kanin ay sa may ref ako nagtungo upang tingnan kung meron pa ba doong ibang pwede

Seren Evangeline Del ValleIsang linggo na lang ang nakalipas mula nang malaman ko ang tungkol sa pagbubuntis ko, at ilang araw na ang lumipas ay tila hindi pa rin ako makapaniwala sa lahat ng nangyari. Mas maselan rin ang pagbubuntis ko ngayon kumpara noong pinagbubuntis ko si Cyrus dahil mas madalas akong mahilo at magduwal ngayon, na dahilan ng madalas kong pagliban sa trabaho. Mabait naman ang mga boss ko sa kumpanya ngayon at talagang nauunawaan nila ako kaya naman ako na lang din ang nahihiya sa madalas kong pagliban sa trabaho.“Okay ka lang ba, Seren? Namumutla ka. Kung masama pa pala ang pakiramdam mo, sana pala hindi ka muna pumasok ngayon,” may pag-aalalang sabi ni Camille, ang manager namin.Araw ng Lunes ngayon at kakapasok lang din namin. Noong nakaraang linggo ay tatlong araw din akong hindi pumasok kaya naman alam din ng karamihan sa aking mga kasamahan na hindi maganda ang aking pakiramdam, kaya naman hindi na rin nakakapagtaka na ganoon na lang ang pag-aalala ni Cami

Cloud SerravalleAraw ng Sabado ngayon pero heto ako at subsob pa rin sa trabaho dito sa opisina. Kung tutuusin ay pwede naman akong hindi pumasok ngayon pero mas minabuti ko na lang na dito manatili kesa sa condo o sa bahay, dahil alam ko na kung naroon ako ay hindi maiiwasan ang pagpunta ni Sienna roon. Hindi naman sa iniiwasan ko ang babae ngunit sa hindi ko malamang dahilan ay tila gusto ko lang dumistansya sa kanya hanggang sa araw ng aming kasal. Hanggang ngayon rin kasi ay hindi mawala sa isip ang napag-usapan namin ni Rehan noong nakaraan lang.“Sir, kape po,” wika ni Matt nang makapasok ito sa loob ng aking opisina dala ang tasa ng kape na aking hiningi sa kanya noong dumating ako.Maging ang sekretarya ko ay nagulat rin sa biglaang pagpasok ko ngayon maging ang ibang empleyado ko pero mas minabuti na lang nilang hindi magtanong pa sa akin.“Salamat,” simpleng tugon ko naman bago siya pinanood na lumabas muli ng aking opisina.Pansamantala ko ring itinigil muna ang pagbabasa

Seren Evangeline Del ValleMahigit isang linggo na rin mula nang maaksidente si Cyrus. Isang linggo na rin akong hindi pumapasok dahil sa leave of absence na ibinigay sa akin ni Austin. Noong tumawag nga siya sa akin kahapon ay gusto pa niyang i-extend ang pagliban ko sa trabaho kung kinakailangan ko raw, ngunit ako na lang ang tumanggi. Bagamat nagtatrabaho naman ako sa bahay ay nahihiya pa rin ako sa kanya. Ayaw ko rin na may masasabi ang ibang kasama ko kaya naman ngayong araw ng Lunes ay napagdesisyunan ko nang pumasok uli sa trabaho.“Mama… magtatrabaho ka na uli po?” may bahid ng lungkot na tanong ni Cyrus sa akin nang makita niya akong nakabihis na para sa aking pagpunta sa trabaho.Nakahiga pa ito sa aming kama at kakagising lang kaya naman ang kanyang buhok ay gulo-gulo pa rin. Bakas rin sa kanyang boses ang antok kaya naman imbis na ipagpatuloy ang paglalagay ng konting kolorete sa aking mukha ay mabilis akong tumayo at nilapitan siya.Marahan kong hinaplos ang kanyang mukha

  Cloud Serravalle Maaga akong umalis sa condo para tagpuin si Davos, na isa sa mga pinagkakatiwalaan kong kaibigan na siyang madalas ko ring ipatawag tuwing kailangan ko.Ang plano nga sana ay sa opisina ko na lang ito pupunta ngunit napag-isip-isip kong baka tama nga ang hinala ni Chase na may mga mata at tenga ang mga tunay naming kalaban sa loob mismo ng aking opisina kaya naman sinabi ko na lang kay Davos na sa malapit na seafood restaurant kami magkita. Matagal-tagal na panahon na rin kasi mula noong huli akong makapunta sa nasabing lugar kaya naman mas minabuti kong doon na lang tagpuin ang aking kaibigan.Pagkababa ko pa lang ng aking sasakyan ay kaagad naman akong nakatanggap ng tawag mula kay Sienna. Nakikiusap ito na samahan ko siya sa food tasting mamaya para sa mga pagkain na gagamitin para sa aming kasal.Bagaman may pagdadalawang-isip na rin akong nararamdaman tungkol sa aming kasal,