Playing Cupid for My Mommy and Billionaire Daddy のすべてのチャプター: チャプター 51 - チャプター 60

May kumatok bago marahang bumukas ang pinto at sumilip ang isang pamilyar na lalaki na nakasuot ng itim na long sleeves. “Good evening, Ma’am,” pagbati ng bodyguard dahil siya ang unang nakita. Tumikhim si Nathan na nasa isang gilid, habang itinutuloy ang pagpapakain ng anak. Nilingon siya ng lalaki. “Good evening, Sir. Dala ko po ang mga damit ninyo.” Kumunot ang noo ni Cielo. “Nasaan si Nanay Criselda?” Kinuha muna ni Nathan ang dalawang duffle bag mula sa bodyguard bago hinarap ang nagtatanong na babae. “I told her to just rest at home. Wala siyang tutulugan dito. Baka sumama pa ang pakiramdam niya.” Tumaas ang isang kilay ni Cielo dahil may single bed naman sa silid na iyon para sa bantay ng pasyente, maliban pa sa sofa. “May kama naman dito.” Kumamot ng kanyang ulo si Nathan, na halatang nagtitimpi lang sa patuloy na pagsusungit ni Cielo sa kanya. “Hindi kami magkakasya ni Sky sa sofa.” “Eh ‘di dapat ikaw ang umuwi!” halos tumaas na ang boses ni Cielo. Pigil na pigil ng aw

Umusod si Cielo para maupo sa mismong tapat ng likod ng driver upang magkaroon ng espasyo sa pagitan nila ni Nathan. Ayaw din niyang makipag-usap sa lalaki, kaya isinuot niya ang kanyang headset at nakinig ng kanta mula sa streaming application sa kanyang cellphone.“Cielo, can we talk?” malumanay na tanong ni Nathan.Narinig niya ang sinabi ng lalaki ngunit nagpanggap siyang walang narinig. Nanatili siyang nakatingin sa labas at kunwari’y inaaliw ang sarili sa tanawin habang nakikinig sa musika.“Paano tayo magkakaintindihan kung ayaw mo naman akong kausapin nang maayos?” halos pabulong na sabi ni Nathan.Hindi pa rin kumibo si Cielo.Napabuntong-hininga si Nathan. Dinukot niya ang cellphone sa bulsa at may tinawagan. “Cancel the 10 am meeting at JNQ Motors.”Bahagyang nagsalubong ang kilay ng babae sa narinig. Iniisip kung ano ang plano ng lalaki at biglang kinansela ang meeting nila mamaya.Nakita niya ang coffee shop na pinuntahan nila ni Ross noong nakaraan at nakaisip siya ng dah

“Sir, parang junior mo.” Napatango si Nathan. Hindi na lang siya ang makapagsasabi na kamukha niya si Sky, Napahawak siya nang mahigpit sa kanyang lumang litrato. Pruweba niya iyon at hindi na maaaring makapagsinungaling sa kanya si Cielo.“Sinong junior mo?” Sabay-sabay silang tatlo napalingon sa pinto. Pagkuwan ay sabay na napatingin sina Nikko at ang bodyguard ni Nathan sa kanya. Hinihintay nilang sagutin ang tanong ni Nora.“I- I have a feeling that I have a son,” pag-amin niya at saka umiwas ng tingin.Tumaas ang kilay ni Nora. “Anak mo talaga o nang-aangkin ka na naman sa anak ng iba?” Lumawak ang ngiti sa labi ni Nikko. Mabilis namang nagpaalam para lumabas ang bodyguard dahil alam niyang usapang magkakapatid iyon.Sinamaan niya ng tingin ang kanyang mga kapatid. “This is serious. I cannot let my own flesh and blood grow up without a father and not bearing the Quinn surname!”Nawala ang ngiti sa mukha ng dalawa.“May sex life ka pala, Kuya?” halos pabulong na tanong ni Nikko.

Pasado alas nuwebe na ng umaga nang dumating si Cielo sa Autofactory. Galing pa siya sa Maynila at dumiretso sa trabaho. Nagmamadali siyang pumasok sa kanyang opisina dahil kailangan niyang kunin ang kanyang laptop para sa kanyang presentation sa meeting mamayang alas diyes sa CEO’s conference room, upang magbigay ng update tungkol sa kanilang proyekto. Kagabi, nakatanggap siya ng text message mula kay Nora na ang meeting na kinansela kahapon ay tuloy na ngayong umaga.“Ay, tipaklong!” napasigaw na sabi ni Cielo nang makitang may nakaupo sa round table.Napahawak siya sa kanyang dibdib at saka napapikit upang mapakalma ang sarili. Ngunit mabilis ding idinilat ang mga mata nang maalala ang nakita. Si Nathan habang nakaupo sa rattan chair at may suot na neck brace. Nagsalubong ang kanyang mga kilay at sinubukang kalmahin ang emosyong nag-aalala ngayon kung bakit iyon ang sinapit ng lalaki. Pero ipinagkanulo pa rin siya ng kanyang mga paa at mabilis na lumapit sa lalaking nakatitig lang

“Masama ba ang pakiramdam mo?” nag-aalalang tanong ni Ross kay Cielo pagkasakay na pagkasakay nila sa pick-up nito. Tahimik na napatitig si Cielo sa harap. Isang malalim na buntong-hininga ang pinawalan niya bago niya nilingon ang katabing lalaki. “Bigla lang bumigat ang dibdib ko. B-Baka nagha-heartburn na naman ako dahil sa acid reflux.” “Gusto mo bang dumaan muna sa pharmacy bago tayo mag-lunch?” salubong ang makakapal na kilay ng lalaki habang nagtatanong kay CIelo. Tumango siya. Kailangan kasi niyang panindigan ang dahilan niyang sinabi kay Ross. “Thank you, Ross!” “Between good friends? That’s bare minimum!” nakangiti nitong sagot. "Kaya no need to say thank you!" Napangiti na rin siya. Nagsimulang magkuwento ang lalaki tungkol sa ilan nilang kakilala sa kanilang organization noon sa university, kaya nawala na sa isip ni Cielo ang nangyari kanina at sumigla na rin ang pakiramdam niya. Sa isang garden restaurant siya dinala ni Ross na puro ihaw-ihaw ang pagkain. Naupo sila s